تنويه🛑
غير مبرئ الذمة من ينقل القصة
دون علمي.
....
بإسم الله في كل حين ، بإسم طه وياسين
بإسم علي والحسين ،بإسم العشق القديم
بإسم الحزن الدفين ،والقلب المستقيم
وسواد الجبين ، والشوق والحنين
لمن أُخذ إسمها من سورة التين
نقرأ الفاتحة لأم البنين ، ونروي قصة عاشقَين.
〰️〰️〰️〰️〰️〰️
#بقلمي_بصره_الربيعية
#البارت_الاول
#من_روايتي:
#ذَروةُ_العِشْقِ_القَديِمْ
20nana29
🥀🥀🥀
الا بعد يا هذهِ الدنيا الفانية
تعبنا وما تعبتي
لن نرضخ وإن اردتي
نحن أبناء الآخرة لا ابنائكي أنتِ....
صوت يطن بأذني يشبه مره لصوت الشرطة
مره لصوت الإسعاف !
بين المغيبة وبين الواعية اتخايل وجوه الأطفال
وصوت بچيهم ،اصوات ضجيج مره يعلى مره ينصه صارت ريحة لا تطاق تدخل لانفاسي،
احس حتى صارت تتخلخل داخل جسمي وراسي بالذات!
اتنفس گوة!
اريد انطق ، لساني ثگيل ما اگدر!
صارت الموجات الصوتية توشوش على أذني
صرير إلى صفير أسمع الكلام لكن بدون فهم ، عقلي ما گادر يستوعب!
فضلا عن كل هذا اريد أسأل انا وين؟
_اللهم صلِ على محمد وآل محمد
اللهم صل على محمد وآل محمد
اللهم صل على محمد وآل محمد
يا أم الحسن حضرينه يا أم الحسن بنيتي....
_صوت أمي!... اي هاي أمي يعني أنا بأمان؛
وگعت دمعتي عصرت عيوني وبديت افتحهن شوي شوي
وصار النور يشع بيهن كلشي ما اشوف فقط بياض
معقولة أنا بعالم الأموات هسة !
، معقولة انتهت كل معاناتي وصرت حرة وربي أخذ أمانته، وجاي اسمع صوت أمي من هذا العالم،
رجعت غمضت عيوني بألم يادوب أشعر بي
وسلمتها وغبت بعالم ثاني ، عالم اشبه بأفلام وصور تعرض شريط حياتي گدامي.....
رجعت بيه لمواقف الطفولة.....
على أصوات ابو الغاز وهو يضرب بالحديدة على قنانيه
و
ينتج موسيقى خاصه بي ويه صوته الي يجوعر ،
وعربانته أم الحصان نگعد الصبح ونسمع عركة العصافير على الشجر وتلحگها أصوات عركة أمي وابويه..
نسرين_گومن گومن گبت بين أمي وأبوي
صفگت حنين وهي تگول
حنين_السبع يطلع دم السبع يطلع دم
صاحت بيها بنين
_هاي منين متعلمتها ولچ؟!
احچي ولا تچذبين هاا!
گالتها وهي تخزرها وبنين من تخزر مجرى الدمع تخلي يهمل من كيفه جاوبتها هي
_من حسين ابن عمي
_وبعد تحچي بكل صلافة
_انتِ گتيلي لا تچذبين
أنت تقرأ
ذَروةُ العِشْقِ القَديِمْ
Romanceبَـين العَشَـارِ والتَنُومَة نَسمَـات من العِشگ يِبْعثهَا هوىٰ شط العرَب، وطيُور النوَارِس تغني: يا عشگنا ... يا عشگنا ... فرحة الطير اليرد لعشوشه عصاري يا عشگنا ... من سوابيط العنب ونحوشه عصاري وگاعنا فضة وذهب واحنا شذرها وشحلاة العمر لو ضاع بعم...
