اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مرحباً من جديد🥀 غوالي القصة من أول بارت انسردت من المستشفى وبقت القصة مابين الماضي والحاضر وكأنما شريط الفلم ينعرض بعالم ثاني داخل ذاكرة البطلة واحنه المشاهدين ، بكل مره تغط بنوم من أثر الصدمة والحادث الي صار وياها يرجع شريط حياتها ينعرض كدامها بدت القصة من البارت الأول وتعرفنه على أهلها بنين ونسرين وحنين ووتين خوات واخوانها إيثار أيسر وجهال عمها تلعب وياهم من الصغر بعدين بسبب مشاكل ابوها اتفككت العوائل وانقطعت صلة الرحم من اول بارت عرفتكم عليهم بس القصة انسردت على لسان وتين لأن هي البطلة الوحيدة الي تواصلت وياي وگالت ما أريد اشارك قصص البقية يعني ذكرت بس الأحداث الي متعلقة بوتين تخيلو حتى الحياية كصت مشاهدهم من هيچ هواي صار اختصار بذاك البارت زين أنا شنو بيدي والله لو القصة على هواي چان كتبتلكم بالتفصيل بس تعذروني القصة خاصة باصحابها ما اكدر اتصرف من كيفي وهسة اتمنى وضحت الصورة أكثر واترككم ويا مشهد مستقبلي من القصة وإن شاء الله بتصويتكم وتفاعلكم تقوة القصة ونرجع ننشر يومياً وبارتات الجاية تجنن وهي كافية تحجيلكم شنو الي صار ويا وتين وخلاها تدخل مستشفى، اول قصة اسولف بيها هواي أنا ما احب اسولف 😁 وهذا #المشهد لــروايتي: #ذَروةُ_العِشْقِ_القَديِمْ #بقلمي_بصره_الربيعية 20nana29 🥀🥀🥀🥀
_ما ارييييد عوفني لحد يشوفنه وننفضح _راح تفضحين روحچ من وحدچ رفعت عيوني عليه چان مبتسم وعيونه نازله على شفايفي تباوع بجرأة وشوگ اختنگت واحس الجو صار نار حواليه دمعت عيوني ،ردت ادفعه عبالك انشلت ايديه حچيت بصوت مضطرب وخايف من أي خطوة تالية!
_ عليي كلش غلط الي جاي تسوي عوفني خليني اروح _وين تروحين بعد ما كافي رحتي سنين _عليي لا تقهرني اكثر شوف حياتك _انا اقهرچ؟.. أنااا وتين باوعيييلي باوعي بعيوني راح تلگين صورتچ عيوني ما شافت ولا راح تشوف غيرچ يحچي ويلف بالبلوز على أيده ويجرها أكثر عليه حتى صرنا نفس واحد لزمت ايدينه اريد ابعدهن وأنا اگله _كافي علي اختنگــت! _ اختنگتي مني ولچ وانا اتنفس بيـچ ولچ چان بس وجودچ بخير كافي عليه تدرين لو لااا
اتغافلت عن كلامه وانا أباوع من جهة البيت واگله بخوف _يممــه علي أصواتهم صارت قريبة عوفني لحد يجي ويشوفنه هييچ!! شيخلصني من الحچي!! احچي وبنبرتي بچي..
انفاسه الحارة اطخ وجهي تذوبني! كافي عليه بس هي تغازلني بس ما اريد حرام عليه! هالشي غلط حييل غلط... لتنسين نفسچ شنو أنتِ وتيين هيچ صوت يصرخ بعقلي من بعيد يگلي مو صحيح هيچ يحچي داخلي واقنع بنفسي حتى نفثت بغضب وتعصبت عليه: _شوف أنا ما ادري شبيك وعلى شنو زعلان بس ميخالف أنا أعتذر منك بس هدني علي لا تخليني اصرررخ هسسسة تخبب.....
احچي بعصبية وانا اصر باسناني احس فلتت أعصابي عيونه بعيوني تحچي كلشي بس ما اگدر مو بيدي بعد طلعت من أيدي شلون اقنعه خلص انتهت وراحت أيام الطفولة واندفنت واحنه كبرنا وهاي السوالف كبرت علينه وضاعت من تشتتنه ، بس ما خلاني اكمل كلامي قاطعني ببوسة مفاجأة منه بعصبية وغضب احس خدودي اشتعلت نار هاهيه أنا رحت بيها لو احد هسة اجه وشافني يذبحونه ثنينه يمه!!!....
التقيكم ببارت جديد لكن بعد ما يصعد التصويت والتفاعل مثل ما اتفقنا 🌚 #مع_كُل_الحُب_الكم❤️ لاتنسون الصلاة على محمد وآل محمد لتعجيل فرج أمام زماننا #اللهم_صل_على_محمد_وال_محمد #اللهم_عجل_لوليك_الفرج
تعالو قبل لترحون اكو قصة چنت منزلتها وكلش كلش حلوة إسمها #صماء_الباشا هسة داعيد تنزيلها بعد تعديلها وإضافة أحداث مچانت بيها روحو لحسابي والي مقاريها يقراها لأن حيل تجنن هذا حسابي👇🏻 20nana29 #تحياتي🍁
