ذَروةُ العِشْقِ القَديِمْ

{البارت الثالث عشر}

...
‏أيهَـا الماضِـي..
لا تغيِّـرنا كلما ابتعدنـا عنك..
أيهَـا المستقبَل..
لا تسألنَـا: من أنتم؟
وماذا تريدون مني؟
فنحن أيضـاً لا نعرف.
أيهَـا الحاضر!
تحمَّلنَـا قليلاً...
فلسنَـا سوى
عابري سبيل ثُقلاءُ الظِل!

- محمود درويش -

لـروايتي:
#ذَروةُ_العِشْقِ_القَديِمْ
#بقلمي_بصره_الربيعية
#البارت_الثالث_عشر
20nana29
🥀🥀🥀

صوت أمي يفززني من الماضي ويگعدني من حالة الهلوسة الي فايته بيها بالماضي مجاي تنتهي من يوم ماشفت نفسي على حافة الموت ، كل مره صوتها
ينتشلني:

فاطمة_وتيــــن يمـة گعدي بنيتي ، نسرين بالله جيسي گصتها ما نزلت حرارتها ؟

نسرين_بالله عنچ يمه ... چنها نازلة يمــة

اسمعهم واحس بأنفاس أمي يمي وصوت نسرين بس مابيه حيل افتح عيوني احس بنفسي حيل تعبانة كأنما طايحة من سطح عااالي كلش لا بية ارفع ايد ولا رجل جفوني مابيه احركهن چا شگد متعوبة أنا؟!

بس بلعت ريگ احس بلعومي يابس جبرت نفسي افتح عيوني ما اريد اخوف أمي عليه كافي الشوغات الي شافتهن قويت بنفسي وهمست

_يـ يمـ..ـة ماي اريـ..ـد

حچت بلهفة!
_ايي اييي يمة هذا الماي عاونيني نسرين اخيتچ گعدت
_مو گتلچ يمة بس يعلگولها البارسيتول تصح
گومي خية هاي صارلنه خامس يوم بالمستشفى
نفتر وگلوبنه بلبا**تنة على گولة أمي

ابتسمت بتعب وگعدت اشرب ماي وهم دخت كلش عصرت على عيوني ودي بس أنام ما اريد اگعد أتعب بس مجبورة اريد اگوم على حيلي مو الي الطيحات مو أنا الي لازم أضعف أنا قوية، سباعية صبرت وتحملت رغم تلوعت هواي بس مو الي الطيحة الطيحة لعدوي

كلمات التشجيع الي دوم اسمعهن من أمي لطالما
چنت أقوي بيهن نفسي وهالمره وبعد مره وكل مرة ،
مازال عندي وِلد ينتظروني ،جهالي الي طلعت بيهم بهالدنيا؛

رفعت راسي بخمول وثگل وحاچيت أمي:
_يمة حسوني وعبوسي شلونهم طاگ گلبي عليهم؟
_زينين يمــه وبخير ونعمة بس يتانونچ تجين
_خية گنالهم امكم بالزيارة خطية ما ردناهم يخافون
لو ينقهرون عليچ

_ززيـ..ين تسوون عفية مسرين بعدني عطشانة انطيني ماي ، ماچنت رايدة افتح اي موضوع عن الضربة
لو أسأل شنو سوو ما سوو تلافيت احچي
لأن انقهر أكثر وهمه هم ما حاچوني بي،

اجالي صوت نسرين يتبعه صوت أمي فـتشتت تفكيري:
_ليش متاكلين أول اكليلچ شي يسند افادچ حتى تتقوين
_يـلا يمة همي روحچ عفية السباعية بنيتي الحبوبه