هو يريدها ملكه لا يراه أحد غيره
وهي تريد الحياة و الحرية
من سيفوز رجل احب حتى جن جنونه
ام امرأة تريد تحقيق أحلامها
في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين
قصة بدراجة الجزائرية 🇩🇿🇩🇿
راحت لاشومبر ماشي راهي تبات فيها كانت لاشومبر تطل ديراكت على دخلة و باب تاع لقصر شافتو خارج و قعدت تسنى غير في طونوبيل سارفيس توصل و تجي صاحبتها تواحشتها بزاف و هي تسنى فيها حتى شافتها وصلت هطبت ديراكت عندها تجري و ضحكة على وجها خرجت لبرا لقاتها هبطت لفاليزا و تخلص في مول طونوبيل جرات عندها عنقتها و هي تبوس و تعاود ريماس:تواحشتككك زينب(بإبتسامة و بادلتها العناق):مام انا ياك راكي لباس ريماس: حمد لله وانت زينب:حمد لله ريماس:دخلي دخلي لداخل (شافتها رايحة تهز لافاليز) متهزيش دوق يجي لي يهزها
و حكمتلها يدها و دخلتها لداخل و كالعادة لقات هدوك يشوفو فيها و يتشتفو لي يشوفهم يقول واش دارتلهم و هي ما دارتلهم والو ريماس:فارغين شغل زينب: واش بيكي معاهم كاش ما دارولك ريماس: من بعد و نحكيلك و طلعتلها لفوق
دخلتلها طيراس جاية كبيرة و فيها الورد و مع ليطاج كان هو لخر عالية و لهواء يفتحلك النفس
زينب: ريماس واش قلتلك انا ها كما عيطتيلي و قلتلي بلي عيطلك و حرقلك الفرع تاعك في فرنسا و انساحب اكبر مستثمر في شركة تاعك بسبتو واش قولتلك قولتلك اهربي خرجي من دزاير و انت واش درتي قوليلي شريتي البيي و روحتي للمطار و بعد بسبة ميساج واحد رجعتي و كان مرجعتيش و كان ماشي هنا علابالك هذا كامل بسبة الفضول تاعك ريماس: مكتوب واش ندير زينب: وي خلطيها و قوليلي مكتوب متكذبيش على روحك ريماس: راني ندمت و كرهت النهار لي خممت فيه نلعب معاهم زينب: لي فات فات قوليلي ياك ما مسكت ريماس(وجها حمر):نو زينب: وي باينة من وجهك لي حمر كيفاه خليتيه يمسك قوليلي برك وليت نشوف مسلسل تركي هنا خطفك و زوج بيك بسيف و بعد تقولي حبيتو و حبني متمسخريش بيا هدري واش بيكي ساكتة ريماس:زينب بلعقل ما رانيش نحبو و كاين والو من جهتي متشوفبنيش جايحة نحب ليه ليه علاه انا قلبي واش و زيدلها ممسنيش باسني برك زينب: وي باسك برك مكاين والو تمسخري بيا من بوسة لحاجة خلاف اطونسيو تغلطي معاه و بعد تصبحي انسانث رد بالك تجي تقولي سلكيني تما صح يكون راح الحال ماشي كما دوقا تقدري تهربي منو ريماس: صعيب بزاف علابالك زينب(حكمتلها يدها): راني هنا معاك متخافيش ريماس(بتسمت):علابالي زينب: و دوقا قوليلي واش راهم يديرولك هنا فدار ريماس: صراحة مرانيش نخرج من ليطاج هذا خلاص و منهبطش لتحت الا اذا هبطت نتعشا و نتغذا و هو يكون معاي و خلاص معجبونيش و امبوسيبل نهدر معاهم و علابالك بيا بلي منحبش تجمعات بزاف و خاصة لي يكونو فيها نساء لكبار زينب: وهو ياك جامي ضربك و لا سبك بالهدرة ريماس(قعدت تخمم فنهار لي راحت للحفلة):نو جامي اصلا هو من نوع لي ميهدرش بزاف يروح يخدم صباح يرجع فلعشية و ساعات يرجع في الليل ياكل و يرقد ديراكت زينب(تنهد):هكذا خير كنت خايفة عليك و مهدرلكش علاه مراكيش تقعدي مع لافامي تاعو ريماس: شوفي هو اصلا مراهش يهدر بزاف معاهم سي قالي و قولتلوا منحبش التجمعات و خلاص محتمش عليا نهدر معاهم زينب: ياك هوما ما دارولك والو ريماس: كلما نطلع و نكون وحدي يلوحولي الهدرة تاع ملقطة و يتيمة و ممربياش متهمنيش هدرتهم تدخل منا تخرج منا هوما لي ممبربيينش زينب(جات تنوض تهبط ليهم حكمتها من يدها):طلقيني ريماس: زينب والله ما تهبطي قولتلك ميهمنيش فيهم خلينا منهم يرحم باباك زينب(قعدت وهي زبل طالعلها في راسها): و كان نسمعهم قالوهالك وانا حاضرة و الله حتى نخلطهم وحدة بوحدة ريماس:يخافو منك يقربوليش و ضحكت زينب: و علاه مقولتيلوش ريماس: سوق نساء ما عندي ما ندير بيه و امبوسيبل نروح نقولو اصلا و تاني هدرتهم ماتهمنيش كما هوما يهمونيش زينب: قولتيلي من قبل بلي ڨاع يحتارموه مام نهار قالهم نزوج بيها واحد ما قال نو ريماس: وي يقول كلمة هي مكانش لي يعاود موراه ماركري صغير و كاين لي كبار عليه زينب: تبالي هو لي شاد الخدمة و جدو داير فيه كونفيونس علابيها داير بلاصة بيناتهم ريماس: وي على خاطر عندو وحد نبرة و وحد شارم انت وحدك تخافي منو زينب: شدي روحك مكانش بنادم يقدر يخلعك راكي كيفك كيفو ريماس(ممم انت مشفتيهش):مممم عندك الحق
حبت تبدل الموضوع ريماس:واش رايك نخرجو زينب: اكي داكور مي قبل لازمني ندوش و نبدل عليا ريماس: وي خودي راحتك خيري بيت لي عجبك باتي فيه زينب: ميهمنيش ندي هذا اقرب واحد للبالكو ريماس:داكور انت روحي دوشي انا نروح نسڨم روحي و نجيك زينب: داكور (و راحت تدوش و ريماس راحت للبيت تاعها)
ريماس:وي لازمني نعيطلو يزيد يدير فيا كما خطرة لي فاتت والله ما قدرة نعيطلو ما فيها والو هزت تيليفون و عيطتلو
ريماس:الو فهد فهد:وي ريماس:عيطتلك حبيت نقولك بلي رايحة نخرج مع صاحبتي فهد: وين ريماس:معلاباليش نشمو لهواء و ندورو شوية فهد: من نهار عرفتك وانت تشمي فالهواء ريماس: منشمش لهواء نموت انا فهد:مطوليش و ردي بالك تلبسي لي يعجبك و ماكياج يوصلكم شوفور و يجيبكم شوفور ريماس:ممم داكور متخافش فهد:راني هدرت ريماس: راني فهمت و كوبا كالعادة ريماس: سبحان الله يا ربي ميعرفش يهدر فتيليفون ممبا كل مرة يكوبي في وجهي
سڨمت روحها و راحت عند زينب لقاتلها تلبس في حوايجها
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
