هوسه و غيرته عذبوني 🔞🔞

بَارِدْ🌀

اما عند ريماس كانت مزالت خدامة حتى صونا تيليفون قاطعها على واش كانت خدامة فيه
هزت تيليفون لقاتو فهد ريبوندات
ريماس: الو
فهد: هبطي
ريماس: وين
فهد: راني نسنا فيك
ريماس: داكور
و مرة هادي كبات هي قبل ما يكوبي هو عليها
سڨمت روحها و هبطت عندو

كان مڨاري يسنا فيها تهبط شافها جاية عندو قاعد يشوف فيها كل مرة يشوفها يحس بلي اول مرة يشوفها زينها قادر يجي لأي واحد عادي نورمال كاين بنات باهيين كثر منها مي في عينيه هو جامي شاف وحدها زينة كما هي من نهار شافها مزادش شاف في حتى مرأة و لا حتى لمح لميح فيها عايشة في راسو في تخمامو في كلشي معلابالوش كيفاه و لا علاه
قاطع تخمامو منين فتحت لباب و دخلت شاف فيها
شافت فيه و بتسمت ليه بدون احساس بتاسم ليها مام هو و بانو سنانيه شافت فيها اول مرة تشوف يتبسم قعدت تشوف فيها
فهد(شاف فيها تشوف فيها طلع حاجبو): واش بيك
ريماس: نو ما بيا والو
فهد(شاف قدامو و ديمارا)
ريماس( شاف فيه): وين رايحين
فهد: تتغذاي
ريماس( ضحكت و قربت ليه مكانتش لابسة لاسانتور): خافت عليا نموت من الجوع
فهد(دور يشوف فيها و هو مزال يسوق كانت قريبة منو بزاف شاف في عيناها و زاد شاف في شواربيها و دور وجههو يكمل يسوق و كان يطول يشوف فيها يتلاح عليها و ديرو اكسيدو): كنت فايت هزيتك فطريقي
ريماس( رجعت لبلاصتها): زعما مشكيتش
فهد( كمل يسوق و ما ردش عليها مفاتش عليها حبس خدمتو و جا تال عندها علابالو بلي تقعد تخدم و تنسا لغذا كما نساتو لبارح)

كانت تاكل و هي تاني شافت فيه كل خطرة هكذا يقعدو مع بعضاهم مي جامي هدرو و كان متهدرش هيا جامي يهدر هو لول
فهد( طلع راسو شاف فيها): شحال من مرة قلتلك منين تاكلي متزيديش تخممي
ريماس(دائما يشوكيها يفهمها قبل حتى ما تهدر و هي جامي فهمتو جامي): نسقسيك
فهد(شاف فيها تاع اهدري)
ريماس: علاه هذاك نهار قلتلي زوجي بيا و انت اصلا متعرفنيش
فهد(شاف فيها هو اصلا و معلابالوش لاريبونس): درت واش قالي راسي
ريماس: و علاه قتلتو راجل مسكين
فهد( شاف فيها شوفة لي تخاف منها)
ريماس: خلاص فهمت منزيدش نهدر على حتى راجل
فهد( كمل ياكل)
ريماس( رايح يهبلها ما فيهاش كما تجي تهدر معاه و يزيد يسكت كثر جامي فهمتو و جامي رايحة تفهمو)

كملو ياكلو و هي مزالها حابة تهدر تكره تقعد في بلاصة متهدرش لازمها تهدر

ريماس: احم فهد بغيت نسقسيك مي سؤال تاعي قادر يزعفك
فهد: سقسي
ريماس: احم احم باباك جامي شفتو
فهد: مات
ريماس: ربي يرحمو سمحلي فكرتك
فهد: ربي يرحمو نورمال
ريماس: عندك خوك واحد برك
فهد: ممم
ريماس: واش اسمو
فهد(شاف فيها)
ريماس: سقسيت برك عيب منعرفش اسم تاعو
فهد( ببرود): اياد
ريماس: واش خدام
فهد(طلع حاجبو فيها): مبالتلكش زيدتي فيها
ريماس: والله نورمال انت موسوس سقسيت برك
فهد: وي انا موسوس متزيديش تسقسيني
ريماس: خلاص منزيدش نسقسيك

سكتت و ما زادتش هدرت و معاه مام هو مسياش يهدر معاها
خلصو وصلها لخدمتها و ديمارا لخدمتو

كانت قاعدة فالبيرو حتى صونا تيليفون كان حسبالها بلي هو عيطلها هزتو لقاتها زينب

ريماس: بونسوار صافا
زينب: بيا حمد لله وانت صافا
ريماس: نقولو حمد تعرفي مع الخدمة
زينب: ربي يعاونك
ريماس: امين
زينب: عيطتلك باه نقولك بلي نص ساعة و نجي عندك
ريماس: داكور نخرجو و لا كيفاه
زينب: وي
ريماس: ايا داكور
زينب: باي
و كوبات و قعدت تشوف فلحيط تعيطلو و لا مكلاه
ريماس: نو نعيطلو نإيفيثي لي بروملام

طابات نيميرو تاعو و عيطتلو طول شوية و بعد رد عليها
فهد: وي
ريماس: فهد مكلاه تجي تديني
فهد: علاه
ريماس: جاية عندي زينب خارجين
فهد: مطوليش كما مرة لي فاتت
ريماس: ممم متخافش
و كوبا عليها و هي كملت خدمة تاعها حتى جات عندها زينب و خرجو

زينب: مهم حبيت نقولكم بلي مزالي يومين و نروح نروح
ريماس(حكمتلها يدها): نو زيدي شوية و الله انت هي لي مخلياتني نصبر في هديك دار
زينب(شدتلها يدها): ريماس خدمتي والله ما نطول و نرجع جامي شفتك نعرفك قوية على هكذا و ديجا راجلك في كتفك صح ماراكيش تحبيه و زواج تاعكم ما كاملش و ماشي ستيل تاعك و صعيب و ميهدرش مي يفهمك و يدافع عليك عمرو ضربك
ريماس: نو
زينب: عمرو سبك
ريماس: نو
زينب: و نهار ظلموك عائلتو معامن وقف
ريماس: معاي
زينب: خلاص في كتافيك راجل متخافيش
ريماس: مي انت متعرفيهش ميهدرش تحسو معندوش احساس عايش برك خدمة خدمة
ميهدرش معاي جملة كاملة منقدرش علابالك بيا
حاسة روحي زايدة في هديك دار
زينب( عنقتها): علابالي و حاسة بيك مكتوب لازمك تصبري ميهدرش رديه يهدر اي راجل فدنيا هادي يضعف قدام المرأة متنسيش هادي الهدرة انت هي المفتاح
ريماس: متروحيش
زينب( بعدتها عليها و شافت فيها): انا دايما معاك متخافيش نروح و نرجع
ريماس: تروحي و مترجعيش
زينب: ياك تعرفي خدمتي
ريماس: مهم خلينا نرجعو عييت
زينب (حكمتلها يدها): يلاه
ركبو طنوبيل و ديماراو راجعين