هوسه و غيرته عذبوني 🔞🔞

اِذَا مَاتَتْ سَوفَ اَمُوتْ مِنْ بَعْدِهَا🩸

وصلوا طلعو ديراكت لفوق كل وحدة راحت بدلت حوايجها

شافت فساعة لقاتها ثمنية و هو مزال مجاش تعيطلو ولا نو
هزت تليفون و عيطتلو
ريماس: الو
فهد: وي
ريماس: شفتك طولت ياك لباس
فهد: حمد لله عندي خدمة نكملها و نجي
ريماس: تتعشا هنا و لا برا
فهد: نو هزي صاحبتك و هبطي تتعشاي متسناينيش
ريماس: تعشا متخليش روحك بلجوع
فهد: ممم متحتاجي والو
ريماس: نو مرسي
فهد(بهدوء): تهلاي في روحك
ريماس: انت تاني
كوبا و هي قعدت تشوف فتيليفون زعما صح تقدر تبدو و تخليه بنادم يهدر و يضحك نورمال
حطت ريحة و خرجت عند صاحبتها طلت عليها و هبطو كيف كيف يتعشاو و مرة هادي زينب قعدت فوق الكرسي تاع فهد لي واحد ما يقعد فوقو كامل كانو يشوفو فيها و هي متولهتش كرسي برك ماشي حاجة باه تتوله ليها كملت تاكل كأن شيء لم يكن
خلصو طلعو لفوق و قعدو فلاطيراس كما موالفين

ريماس: زينب
زينب: ممم
ريماس: حاسة بحاجة ماشي هي هديك
زينب: كفاه
ريماس: معلاباليش فهد ليامات هادو خدمة تاعو مشارجية بزاففف و باينة بلي كاينة حاجة
زينب: متعمريش راسك بحاجة متخصكش
ريماس(سكتت مردتش عليها)

كملو يهدرو في حوايج مختلفة حتى ناضت زينب طل من بالكو تولهش لحاجة انورمال تتحرك بين شجر دورت لريماس ديراكت

زينب: ريماس شوفي قعدي هنا غلقي عليك بيبان و طاقات فهمتي تخباي تحت سرير متخرجيش يا لوكان يصرا واش يصراا زربي و دزتها دخلتها لداخل
ريماس( بخلعة): زينب واش راكي تقولي
زينب: ماشي وقت لهدرة زربي
دخلت لداخل و تخبات تحت سرير زينب قفلت عليها الباب و دخلت جبدت سلاح تاعها و هبط لتحت بزربة لقاتهم ما زالهم قاعدين كاين لي كاين و كاين لي مكانش
زينب(و هي تنهج): زربو تخباوووووو و لا عيطو على ليبوتيغارد راهم جاو
اياد: واش راكي تخلطي شكون جا و هبطي سلاحك
زينب( جات تريبوندي عليه حتى تسمع صوت رصاص بدا يطلق محبش و زجاج يتكسر)
زينب تخبات وراء الحيط و اياد دز جدو طلعو لفوق و كل واحد تفرق النساء لموهم و داوهم لبيت واحد قفلو عليهم و خلاوهم تما و زينب تيري فرصاص تقتل اي واحد جا يدخل لداخل مي رصاص لي عندها ما يكفيهاش قررت تقرب للجاردا و تهز سلاح تاع رجالة لي قتلت

عندها لفوق كانت مزالها تحت سرير و هي تبكي و هي تسمع فصوت تاع رصاص و زجاج يتكسر صاحبتها لتحت ما جا في بالها والو غير هو هز تيليفون عيطتلو

فهد: نعام و قيل جاتك الحالة عليا ليوم
ريماس( و هي تبكي): فهههد
فهد(كان قاعد فوق كرسي سمعها تبكي وقف لا اراديا): ريماسسسس ريماسس واش بيك
ريماس: فهد جاووو راهم لتحت و هي تبكييي
فهد: شكون
ريماس: معلاباليش صوت رصاص جاو يقتلونا زينب هبطت لتحت فهد تعيش و كان تموت نموت وراها منقدرش
فهد: وين راكي انت (و هو هز مفتاح طونوبيل و خرج ديراكت)
ريماس: راني في بيتنا تحت سرير
فهد: قعدي كما راكي متبوجيش من تم يا لوكان يصرا واش يصرا فهمتي و تيليفونك قدامك
ريماس: مممم
فهد: متكوبيش
ريماس: مممم زرب برك
فهد(حاط باف و مزالو يسوق عيط بتيليفون تاني لرجالة يسبقوه لدار و هو زربان اول مرة يحس بطريق طويلة بسيف باه وصل هبط ديراكت و كوبا عليها)
جبد زوج تاع سلاح و بدا يدخل بشوية و بدا يقتل فيه واحد بواحد قبل ما يشوفوه هما
زينب كانت مزالها تيري لبوتيغارد قعد منهم غير زوج وهي كانت حاطة بلي امبوسيبل يعيشو ليوم يموت يموت واحد ليوم من هادي لافامي مفيهاش مهم سيات ما كسيمو تقتل منهم حتى شافت فهد جا و دخل جا ليها ديراكت
فهد: تقاس واحد
زينب: نو غير ليبوتيغارد قعدو برك زوج و انا و ياك
فهد: طلعي فوق
زينب: نو منقدرش
فهد(شاف فيها و سكت): رصاص يكفيك
زينب: وي لي نقتلو نهز تاعو
فهد: وين راهم
زينب: مخبيين لفوق
فهد: اياد هنا
زينب: وي راهو طلع جدك لفوق و نساء راهم مع واحد منعرفوش و لخرين مشفتهمش تبالي خرجو قبل ما يجيو
فهد(جا يهدر حتى سمع صوت تاعهم داخلين لداخل)
تفرقو هي قعدت في حيط من جهة لاكوش و هو من جهة لادرواط و بداو يتيريو عليهم بداو يكتر بانة بلي مزالو كثر من عشرين برة فهد بدا يخلاصلو رصاص و هو مزالو يسنا فدعم يجي طولو بزاف زينب خلاصلها رصاص شافتهم جايين من جهتهم تولهلهم فهد رجع لي يقرب لزينب يتيري عليه حتى مام هو خلاصلو رصاص مقعدلهم والو غير يضربوهم
قعدو كما راهم سناوهم حتى يقربو ليهم حكمو واحد ضربوه و تخباو فيه و هز سلاح تاعو و بداو يتيرو على لي بقاو نفس الحركة في زوج تبعو نفس سيستام لي يشوفهم يقولو هادو خدامين مع بعضاهم حتى تلقاو فنص و كل واحد فيهم بزوج سلاحات ظهرها لاسقة في ظهرو هو يحميها و هي تحمي فيه و يقتلو فيهم كما ذبان حتى شافو بوتيغارد تاع فهد جاو كثر من خمسين واحد زدم ديراكت و زاد قوى صوت رصاص و اخيرا قتلوهم كامل زينب طلقت سلاح من يدها حنى حست بدم سخون هبط من كرشها هبطت راسها لقات واحد فيهم تيراها على كرشها فهد شاف فيها هز سلاح و تيرا على راسو مات سور بلاص و راح ليه كانت طاحت فلرض و يدها على كرشها
فهد(شدلها يدها و كليكا على جرحة): ضغطي عليها متنحيش يدك صبري  اياااادددد اياددددددددددددد
اياد(كان مع جدو مريض بلاط نسيو و سكر خاف عليه كان معاه حالتو حالة سمع صوت خوه هبط يجري لقا زينب فلأرض و حوايجها كامل راح عندها يجري): فهد حط يدك هنا متنحيش دوق نجي

راح جاب علبة اسعافات و جا هبط طلعلها تريكو لي كانت لابساتو بدا يداوي فيها نحالها رصاصة و هي عيطت من صاف راسها مع صرخة لي خرجتها كانت ريماس هبطت لتحت بعدما سمعت صوت رصاص حبس اول حاجة شافتها زينب فالأرض و دم في كور تاعها كامل
ريماس: زينببب