فوتت النهار كأي نهار مي الفرق كانت صاحبتها معاها مخلاتهاش تحس بلي راهي وحداها
ريماس: متهبطيش تتعشاي
زينب: نو علابالك بيا منحبش ناكل بزاف فليل هبطي انت وانا رايحة نرقد تصبحي على خير
ريماس: كما تحبي الا خصتك حاجة راني قدامك طرطبي عليا
زينب: داكور
ريماس: بونوي
تفرقوا مل واحد راح في طريقو زينب دخلت رقدت ديراكت و ريماس سقمت روحها و هبطت لتحت و هي محاملاش تهبط تقعد تاكل معاهم شافتهم كل واحد حاكم بلاصتو و هو تاني كان قاعد و يشوف لدروج تا شافها باه هبط عينو لطبسي تاعو
قعدت قدامو كما موالفة بعدما قالت سلام
بدا كل واحد ياكل حتى خلاص وقت لعشا و تفرق كل واحد لخدمتو واحد خرج و واحد راح يرقد و كل واحد واش راهو يدير هي طلعت لول سبقتو
معلابالهاش كيفاه بصح جاها احساس ماشي مليح هدرة تاع زينب و زيدرلها من تمنية تاع صباح و هو برة مجاش خلاص تال لعيشة (معلابالهاش بلي جا و تغذا) وين كان راهي عشرة و نص قريب حداش و مزال مجاش بدلت حوايجها و قعدت تسنى فيه يجي يعني زعما تكون كاينة مراة في حياتو
ريماس: وانا واش دخلني مادابيا يطلقني نتهنى منو ومن جدة عزرينو الحلوف
عداو شوية دقايق حتى لقاتو داخل باين فيه من وجهو بلي صافابا عيان ولا مورال طايح مفرزتلوش
مهدرش معاها هادي حاجة لي زادت قلقتها صح دخل ديراكت لدوش دوش و هي مزال تسنى فيه يخرج و تهدر معاه
خرج كالعادة راح لبس شورط و هز تيليفون يخربش فيه ريماس هنا زاد طلعلها زبل منو كيفاه نهار كامل غايب و من فوق مهدرش معاها و منين دخل لاشومبر تاعهم هز تيليفون و ما حلبهاش وجهها ولا حمر مقدرتش متسناه حتى يهدر معاها هو ناضت و وقفت قدامو طلع عينو فيها و زاد هبطها لتيليفون
ريماس:علاه مجيتش ليوم
فهد(طلع حاجبو فيها ): راكي تحاسبي فيا
ريماس(بإندفاع): علاه غير انت لي تحاسب
فهد(تنهد): ريماس رجعي لبلاصتك راسي راهو يسطر
ريماس(زاد كتر من لول): وي من كثرت الهدرة لي راك تهدر فيها و تسمعها نهار كامل بيانسور و منين توصل هندي تقولي سكتي متهدريش بغيت نهدر تسالي
فهد(غمض عينيه و زاد فتحهم): ريماس
ريماس: هادا وين تفكر وحدة في حياتك وسمها ريماس
فهد: من لخر علاواه راكي تحوسي
ريماس: ماراني نحوس على والو
فهد: مالا روحي ترقدي و متكسريليش راسي
ريماس: سما انا نكسرلك راسك داكور
جات رايحة لبلاصتها دور شافت فيه لقاتو مزالو مع تيليفون لا اراديا رجعت عندو
ريماس(تشوف فيه و تشوف فتيليفون): معامن راك تهدر
فهد(كان عيان و خدمة رايحة و تزيد و منين جا يرتح جات تكسرلو في راسو جامي كثرت معاه الهدرة سبحان الله تا ليوم لي محابش يسمع الهدرة و محابش يهدر اصلا): بلاصتك و منعاودش هدرتي
ريماس: واه انت ميسيو فهد اخرج وقت ما تحب ادخل وقت ما تحب اهدر معامن تحب و انا قولي وانا حرمت عليا كلشي ما قعدلي والو قريب لوكسيجين و تحرمو عليا
فهد(لاح تيليفون فوق فوتاي و حكمها من يدها عوجولها يهدر و هو كارز على سنيه): ريماس متخلطيش فيا هاد ساعة شدي بلاصتك محابش نفرغ فيك
ريماس: ايي يدي هذا واش تعرف غير تضرب و تهدر
فهد(مسح على وجهو بيدو تانية و زاد زيرلها على يدها كثر من لول): روحي لبلاصتك حسك منسمعوش
و دزها عاود حكم تيليفون و خرج للبالكو و هي قعدت تسب فيه و تحرك في يدها
تكات في بلاصتها مزالها تسنى فيه طول وصلت طناش و عدات قريب الوحدة حتى شافتو داخل و لعبت روحها تلعب بتليفون ماشي راهي تسنى فيه
طفى ضوء و تكا و اخيرا قعد في بلاصة وحدة نهار تاع ليوم تعب فيه بزاف جا رايح يغمض عينو شافها مزالها بتيليفون
فهد(ببحة رجولية): طفي تيليفون
ريماس(شافت فيه): علاه مام تيليفون و تحاسبني عليه نحيهولي خير
فهد(شاف فيها معلابالوش واش بيها ليوم):ريماس
ريماس: من صباح وانت ريماس ريماس واش كاين
فهد(هز روحو و شاف فيها خزرة من تم سكتت و مع عيناه حومر من تعب خلاص): طفي رب تيليفون و روحي ترقدي
ريماس والو مكثرتش معاه الهدرة طفاتو ديراكت و حطتو تحت وسادة و تكات ترقد جات تتقلب جهة ليمنى حتى كان شدها و تكاها على ظهرها وطلع فوقها
ريماس: واش راك دير ماشي قولتلي روحي ترقدي
فهد(قرب ليها حط شواربو على شواربيها و بدا يبوس و يتلذذ كان محتاج للكالمو يكالميه و مكانش كما شواربيها دواء بنسة ليه دواء خاص بيه هو برك دواء خلقو ربي ليه باه يداويه ما بعدش منها حتى حس بروحو بلي شوي ترخا تكا عليها و دخل راسو في رقبتها و غمض عيناه مستسلم للرقاد بعد نهار كان خدمة شارجي)
مقدرتش تبوجي من جهة خايفة منو و من جهة عجبتها تعجبها بوسة تاعو حنينة مع اڨريسيف و من جهة على غفلة لي دارلها غمصت عيناها شهدت و رقدت
VOUS LISEZ
هوسه و غيرته عذبوني 🔞🔞
De Todoهو يريدها ملكه لا يراه أحد غيره وهي تريد الحياة و الحرية من سيفوز رجل احب حتى جن جنونه ام امرأة تريد تحقيق أحلامها في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين قصة بدراجة الجزائرية 🇩🇿🇩🇿
