ساعة ستة تاع لعشية دخلو لداخل طلعو ديراكت لفوق هي بدلت حوايجها و راحت عند زينب تشوفها واش دار ليوم و وين كانت و هو دوش و بدل حوايجو و جبد بيسي قعد خدام فيه
ريماس: هيه مادموزيل زينب حكيلي واش ديرتي فيها ليوم خرجتي حوستي بلا بيا
زينب: خرجت صباح فطرت و عاودت رجعت قعدت ندور فهادا لقصر زوج سوايع و انا نمشي فيه محبش يخلاص الله يبارك مي عجبني لقيت راحتي فيه ماركري كبير بزاف وانا ماشي من نوع لي نحب دار لكبيرة مهم هذا مكان
ريماس: واش لي عجبك فيك انا جامي دورت و حوست فيه ممبا والله ابار لابيسين هذا مكان
زينب: انت جايحة عندك جنة عايشة فيها و مخلياتها دوري حوسي
ريماس: اصلا مصعور لي مزوجة بيه ميخلينيش نهار برك حبيت نهبط نعوم فلابيسين مخلانيش حتى فرغها و بعد لي بوتيغارد من تم من جهة هديك
زينب: بلاك على جال خصوصية هذا مكان ماشي كما تعومي كما تدوري فيها ما عندو ما يدلك
ريماس: هي جامي سييت اصلا نشوف ولا نحفظ دار هادي فهمتي
زينب: كاين بلاصة شابة جاية خضرة كامل و قدامها اسطبل تاع لحصونة
ريماس: قولي و الله جامي شفتها واش رايك نروحو ليها انا و انت غدوة
زينب: روحي لخدمتك ريڨلي امورك و بعد سهل منين ترجع نروحو كيف كيف
ريماس: داكور غدوة نسيي نرجع بكري
زينب: نشاء الله
و كملو يهدرو في حوايج عشوائية كأي صحابات
كان مزال خدام حتى هز تيليفونو شاف ساعة لقاها بلي راهي 8.30 تاع ليل وقت لعشاء ناض لبس تريكو و خرج من لاشومبر و راح ديراكت للبالكو لي قاعدين فيه طرطب عليهم قبل ما يدخل
كانو يهدر حتى سمعو واحد يطرطب فلباب بالكو شاف فيها لقاوه هو
فهد(خرج عندهم): سلام عليكم
زينب و ريماس: عليكم سلام
فهد(يشوف في ريماس و يهدر): وقت لعشاء وجدو رواحيكم و هبطو
ريماس: مم داكور
(ناضت تلبس زينب ديجا قعدت بنفس لحوايج مبدلتش هو هبط قبلهم لبست ريماس و هبطت هي و زينب لي كانت اول مرة تهبط تاكل معاهم محبتش تردها في وجهو و ما عندها تا سبة باه متهبطش تاكل معاهم )
لي كانو فوق طابلة كامل قعدو يشوفو فيها شكون هادي مقدروش يهدرو على خاطر شافوها هابطة مع ريماس معناتها راهي ضيفة فهد و ما لازمهمش قللو منها و يحطوها في عيناهم
زينب قعد بعيدة على ريماس على خاطر مكاينش كرسي فارغ من جهتها على زهرها طاحت فالكرسي لي انفاس في اياد شاف فيها و ضحك معاها و هي ممبا ما ردتهالوش دورت وجهها و دارت روحها مشافتوش
بداو ياكلو في صمت كما العادة واحد ما قاعد يهدر جو يغلب عليه الكئابة و الملل حتى قاطع صمت تاعهم فهد
فهد(ببرود و هو يشوف فيهم واحد بواحد): كامل علابالكم بلي حاجتي ما نحب تا واحد يمسها و لا حتى يقرب ليها قما بالكم بمرتي من ليوم و كان نزيد نسمع بواحد من لي قاعدين في هادي طابلة نقص منها و لا حتى ڨاسها بهدرة وحدة حسابي معاه
الجد(بإستغراب): علامن راك تهدر
فهد(هز مغرفة و كمل ياكل): لي راني نهدر عليه علابالو بروحو
الجد(كمل ياكل كأن شيء لم يكن)
ريماس(تشوكات مكانتش متوقعة يدافع عليها و زيد قدامهم كامل وجهها حمر و كملت تاكل بسيف)
زينب(ضحكت كانت علابالها بلي قلبو بارد مي جامي يظلم بنادم و خاصة مرتو و زاد رومركات بلي ماشي ساهل مدامو هدر معاهم بلافاصو هادي و واحد فيهم ما هدر امبوسيبل كامل دايرينو قدر و كملت تاكل مام هي ملاتياش مهم عندها جاب حق صاحبتها و مخلاش لحكاية تعدي نورمال)
خلصو الماكلة كما رايح كل واحد يشد بلاصتو حتى هدر الجد قبل ما تتفرق الحالة
الجد (من نوع لخابيث علابالو بلي هدرة حفيدو متفوتش ليه ليه علابيها حب يرد علاقات كاش ما ينسى و ما يدير والو علابالو و كان يكترو مشاكل حفيدو ماشي من نوع لي يصبر قادر يهز روحو و يخرج منا و خاصة مرتو متتفاهمش معاها و هو محابش يصرى هكذا فهد مهم بنسبة ليه بزاف و يقدرش يفرط فيه): بغيت نتلمو نسهرو كيف كيف توحشت لمة العائلة و بتسم
كاين لي عجبو الحال و كاين لي نو و كاين لي جاتو بيزار من بيناتهم زينب و ريماس اما فهد علابالو جدو بلي دارها بالعاني حافظو كثر من روحو حب يلعب معاه لعبة لي بداها هو حكم يد ريماس و خرج للجاردة قعد و قعدها قدامو بدا كل واحد يخرج للجاردة و يقعد في بلاصتو زينب شافت فيهم و تبعت صاحبتها جات تقعد قدامها شافت فهد قعدها جهة لخرة تاع فوتاي معناتها يقعد غير هو من جهة شافت فلبلايص لي فارغين قعد في وحدة فيهم كانت نشوف في ريماس و هي تشوف فيها وحدة ما عاجباتها القعدة حتى حست بواحد قعد قدامها طلعت راسها لقاتو هو واش حاب منها فلول حكمها و بعد ضحك معاها و بعد قعد قدامها بعد منو شوية و قعدت تشوف للقدام
VOUS LISEZ
هوسه و غيرته عذبوني 🔞🔞
Diversosهو يريدها ملكه لا يراه أحد غيره وهي تريد الحياة و الحرية من سيفوز رجل احب حتى جن جنونه ام امرأة تريد تحقيق أحلامها في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين قصة بدراجة الجزائرية 🇩🇿🇩🇿
