هو يريدها ملكه لا يراه أحد غيره
وهي تريد الحياة و الحرية
من سيفوز رجل احب حتى جن جنونه
ام امرأة تريد تحقيق أحلامها
في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين
قصة بدراجة الجزائرية 🇩🇿🇩🇿
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
شاف فيها من فوق لتحت تنهد و شدلها يدها و هبطها معاه ريماس: طلقلي يدي نقدر نمشي وحدي فهد: يدك ميبوجيش تقعدي قاعدة قدامي ريماس: منبوجيش ممبا فهد: سنيي و عيناك فلرض متهدريش ممبا ريماس: امممم
وصلو دارت كما قالها باه متربحش معاك لقباحة علابالها راسو يابس اموا تروح معاه بسياسية حتى تهرب منو هاهي سنيات ولات مرتو جامي كانت تإيماجيني تزوج في مومو هادا و زيد معامن مع واحد متعرف عليه والو و ماشي ستيل تاعها
داخل فطونوبيل سايق و يدو مخرجها من طاقة ريماس: بغيت تيليفوني و ساك تاعي فهد: توصلي لدار يوصلوك ريماس(بتردد): مبدلتش رايك (فهد شاف فيها بمعنى كملي هدرتك) ريماس: احم احم على خدمتي فهد: نو ريماس: بصح علاه شكون يقابلهالي يروح تعب تاعي هكدك فهد: خدمي من دار ريماس: متصلحش فهد: شوفي اخر مرة نهدر يا تخدمي من دار يا متخدميش اصلا ريماس ( شافت فيه شوية و ضربو): صمت
الصمت سيد المكان واحد ما هدر مع واحد حتى وصلو لدار كارا سناها تهبط و هو جا راجع يديماري حتى راحت من جهتو و هدرت معاه
ريماس: وين رايح فهد(شاف فيها تاع منيتك) ريماس: انت تخرج براحتك وانا محرمها عليا من بيت هداك منخرجش او بنادم نحس الا نسيت فهد(ببرود): بيتك
ديمارا طونوبيل وخلاها واقفة و خرج من القصر هي هبلت قريب تقتلو و تقتل روحها بلاها ربي بواحد مهبول ميعرفش يهدر ممبا دخلت لداخل حتى لقات عائلة الكريمة هي اصلا متعرفهمش
ريماس: سلام عليكم الجميع: و عليكم السلام جات تطلع لفوق متحبش تقعد في مجمع متعرفهمش و باينة من عيناهم بلي ما حاملينهاش حتى حبسها صوت تاع مرأة هدرت معاها
مليكة: وين طالعة ريماس(دارت عندها): لبيتي علاه مليكة(مرت سليم):مرباوكش والديك تسلمي على ناس ريماس(طلعلها زبل و ديجا طالعلها): تبالي قلت سلام عليكم نو مليكة: و هذا سلام يقولوه ناس لعائلة راجلها ريماس: الا معجبتكش هدرتي مدخليش والديا فيها مليكة: هوما لي رباوك و هوما لي عليهم لومة
نطقت وحدة من الحضور فريدة(مرت عم فهد): ما عندهاش والديها ايما الجدة (بإستهزاء): وانا نقول علاه قليلة ترابي ريماس(حقروها في وجهها ماركري مادارتلهم والو و جبدو والديها و محتارموهاش ممبا) ريماس: نهار توليو تعرفو تهدرو و تربيو هداك الفم نهدر معاكم(خلاتهم و طلعت)
فريدة: سمعتيها ممربياش الجدة (شافت في نوال ام فهد بإستهزاء): هادي هي لي خيرها وليدك نوال(قعدت ساكتة مهدرتش) فريدة: ممربياش
عندها هي كرهت حياتها بين ليلة و نهار تقلبت حياتها زوجت خدمتها راحت تحبست في بيت واحد و زيدلها الهدرة زايدة و تلاحت فوق سرير و قعدت تخربش فتيليفون حتى رقدت
خلص خدمة لي كانت عندو فصباح و رجع لقصر وقت لغدا ولازم لافامي كامل تكون حاضرة طلع ديراكت لاشومبر تاعو لقاها راقدها قعد يشوف فيها و بعد دخل غسل عليه و بدل حوايجو و راح جيهتها ينوض فيها
فهد: ريماس نوضي ريماس: اممم فهد: ريماس نوضي وقت لغذا ريماس: مبغيتش فهد(نوضها بلعقل و قعدها ): نوضي مكليتي والو اليوم ريماس(شافت فيه): ما بغيتش مام ماكلة و بسيف فهد: تنوضي ولا نهبطك بسيف ريماس: يا ربي كلش عندك بسيف (ناضت غسلت وجهها و نحات كمجة لي كانت لابسة و خرجت ) ريماس: نهبطو فهد: لبسي كاميجة لي كنت لابساتها ريماس: سخانة و ديجا او فدار فهد:نجي ريماس: اففففف مكلاه (كانت بدات تلبس فيها حتى حست بيه وراها دولت عندو و هو ديراكت تلاح على شواربيها و هي تحاول تبعدو منها مكانش يبوس فيها كان يعض فيها بسنانيه حتى حس بطعم دم و بعد منها ) فهد: مرة خلاف متأفيفش ريماس(جات تسبو مقدرتش من سطر لي في فمها): ايي احح فهد: يلاه قدامي ريماس (تهدر بسيف): منقدرررش فمي
حكمها من يدها داها لدوش غسلها فمها و خرج حطلها بومادة داخل و هي تشوف فيه يجرح و يداوي عيات تفهم زريعتو و منامه مصنوع جامي شافتو يضحك جامي طول الهدرة والو كل شي فيه بارد حتى لاشومبر تاعو و متحسسكش براحة بسبت ليكولور لي فيها
ريماس: متزيدش تمسني فهد: كما نحب انا ماشي كما تحب انت يلاه طولنا
هبطو لتحت وهو حاكملها يدها حتى وصلو لطابلة لغذا شاف فلكراسة لقا بلي كرسي لي فارغ جهة بن عمو اصيل شاف في خوه جود فهمو ديراكت ناض من بلاصتو لي كانت مع فهد و راح قعد فلكرسي لي فارغ
قعد و قعدها قدامو و هي مكانش هامها وين تقعد اصلا بدا كل واحد ياكل و يتلذذ و كل واحد ساهي في همو واحد ما سامع بتاني
