هو يريدها ملكه لا يراه أحد غيره
وهي تريد الحياة و الحرية
من سيفوز رجل احب حتى جن جنونه
ام امرأة تريد تحقيق أحلامها
في معركة الحب لا يوجد خاسر و فائز إما المعركة تنتهي بالفوز او الخسارة لكلا الطرفين
قصة بدراجة الجزائرية 🇩🇿🇩🇿
وصل لقصر دخل ديراكت مطلعش جا باه يتغذا و يهدر مع جدو و يرجع عندو خدمة شارجي بزاف هادي ليامات قعد فوق طابلة و قعد يشوف فدروج يسنى فيها تهبط تتغذا بدا ياكل خلصو و هزو خدامة الماكلة و هي مزال مهبطتش معمرش راسو دخل للبيرو تاع جدو و بدا يهدر معاه فالخدمة
زينب(تاكل و تهدر معاها):و انت تقعدي ساكتة لهادو لي مايتسماوش ريماس: علاه زينب: تقعدي تهربي منهم علاه مهبطتيش تتغذي معاهم ريماس: انت صباح قلتيلي بلي مبغيتيش تاكلي في نفس طابلة معاهم و حبيتش نخليك وحدك زينب: يا سيدي هادي نفوتها و علاه راكي تقعدي برك لفوق جامي هبطتي لتحت ريماس(قعدت ساكتة) زينب: شهرين شهرين دار لي ساكنة فيها متعرفيهاش تهبطي لتحت تتلفلك ريماس: ما عندي ما ندير بيها زينب: علابالي بلي راكي غايضاتك هدرتهم ريماس: نو زينب: سيي متكذبيش على روحك نورمالمو تهبطي تقعدي لتحت تدوري وين تحبي على خاطر هادي تاني دارك من حقكك واحد ما عندو الحق يهدر معاك ولا يحاسبك ريماس: ما حاباش نهبط ولا نهدر معاهم زينب: حبيت نفهم حاجة برك ياك انت قولتيلي بلي راجلك عندو قيمة بزاف في هادي دار و كامل يحتارموه و يخافو منو مام الهدرة و ميكتروش معاه علاه مرحتيش و قولتيهالو علابالي و متأكدة بلي يوقف معاك انت من هدرة لي راكي تهدريها عليه ريماس: علابالي مي محاباش ندخلو في هدرة النساء زينب: من حقك ريماس: زينب تعيشي سكتي خلاص صمطتيلي الماكلة زينب: لافيريتي دايما صعيبة ريماس: خلاص زينب: راني سكت( و كملت تاكل نورمال)
عدات نص ساعة جات الخدامة هزت الطباسة و نيطوايات الطابلة ريماس دخلت لطواليط و زينب راحت جهة بالكو طل على فيو من فوق و تتنفس فاللهواء حتى هبطت راسها لتحت خدمة تاعها عاونتها تقدر تشوف لبنادم من مسافة بعيدة شافت فهد واقف قدام طونوبيل تاعو نوع هامر كحلة و قاعد يهدر مع بوتيغارد مخممتش بزاف ديراكت هبطت تجري خلات صاحبتها ما همها تا واحد هبطت دروج زربانة خرجت لبرة شافتو فتح لباب و رايح يركب سقمت روحها و راحت عندو محاباش تبينلو بلي هبطت عندو تجري
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
كان رايح يركب في طونوبيل نهار عندو مشارجي حتى سمعت صوتي انثوي يهدر معاه و هذا صوت جامي سمعو ميعرفوش دور لقاها صاحبة مرتو صح جامي شافها فاس افاس ولا جامي هدر معاها مي يعرفها مدامها صاحبة مرتو الوحيدة
زينب(بثقة مدموجة مع رسمية):فهد فهد: وي زينب(مدت يدها تسلم عليه): واش حوالك فهد(سلم عليه و رجع يدو للجيب):حمد لله وانت زينب: حمد لله فهد(يشوف في عيناها و يسنى فيها واش رايحة تقولو): ما خاصك والو زينب: نو راكم قايمين بالواجب حبيت نهدر معاك في سوجي فهد(ببرود و عيناه مزالو يشوفو في عيناها و هي طبيعة فيه): تفضلي زينب(و هي تاني تشوف في عينيه عندو هيبة صح كما قالتلها ريماس متقدريش تكذبي و هو يشوف فيه هديك شوفة): علابالي بلي هدرتي قادر تفهمها من وجهة نظر تاعك و تقولي واش دخلني ميهمنيش رايك صراحة فهد(طلع حاجبو و مزال يشوف فيها و على صراحة تاعها) زينب: جامي خممت ولا جا السؤال هادا في بالك علاه مرتي مراهيش تهبط لتحت و تڨسر و تهدر مع لافامي تاعي ماركري راهي شهرين و هي محبوسة و علابالك بلي حياتها لي كانت قبل ما تزوج بيك كانت نهار كامل و هي فزنقة قليل وين تدخل لدار كيفاه حتى مكرهتش و هبطت لتحت ولا حتى مرة وحدة فهد(مهدرش خلاها تكمل) زينب: من واجب تاعك تسقسي علابالي حتى وكان تسقسيها رايحة تقولك بلي منحبش تجمعات العائلية و محاباش نهبط برك فهد(تفكر نهار سقساها جاوبتو نفس لاريبونس) زينب: صاحبتي و نعرفها كثر ما نعرف روحي انا من نهار حطيت رجلي فدار هذا ولا نقول قصر شفت حوايج ملازمهموش يكونو انا مجيتش نحاسبك ولا ندخل بينك و بين ريماس ولا بينك و بين عائلتك حبيت نقولك حاول تفهم و متخليش لحكاية تكبر و انا انسانة فمي منقدرش نشدو هدرة بنادم منقدرش نسكت عليها حبيت نعلمك فهد(شاف فيها في يوم حلل قصر كامل و جات تهدر معاه ديراكت مخافتش من رياكسيو تاعو هدرة تاعها كامل عندها الحق): خليها عليا
خلاها و ركب طونوبيل و ديمارا ديراكت جبد كارو بدا يتكيف و هو يخمم في هدرتها و فالخدمة لي معمراتلوا راسو
زينب: راسك يابس و بنادم صعيب مي علابالي بلي من نوع لي متضلمش بنادم
و طلعت لفوق كأن شيء لم يكن رجعت قعدت فوق فوتاي لقات ريماس ديجا قاعدة تما ريماس(بإستغراب):وين كنتي زينب: هبطت تمشيت شوية و جيت ريماس: مم مهدروش معاك لتحت زينب:نو
