تصويت ومتابعة🚫⛔
-
طالعته بخوف لفت ورا البنت : امانه تكفون لاياخذني!
لحظه م وصل سلطات الا استقبله الرجال
سلطان ونظراته ع غزل همس ب حنيه وقلق : خوفتيني
الله يهديك قعد افر بالمكان كله حسبالي صار لك شي
غزل ب صدمه تطالعه شلون انقلب انسان ثاني
ب حنيه وعطف م كانه الانسان اللي قبل نص ساعه!
الرجال : وش تبي منها؟؟
لف سلطان عقد حواجبه باستغراب ثم ابتسم
: اهاا اكيد قالت لك اللي صار
غزل بنظرات ترقب لرده فعله!
سلطان : تجي معي شوي
الرجال بنظرات شك يطالعه
سلطان بهمس: مابغاها تسمع
لف طالعها الرجال ثم تنهد ومشى مع سلطان
ع جنب بعيد شوي عنهم
غزل : ليه راح معه؟؟
الزوجه : هو يقرب لك ؟؟
غزل : لاطبعا ويخسي ماعرفه ولاشي بس خطفني
مدري وش يبي مني !
الزوجه : اعوذ بالله !
عشر دقايق بالكثير بنظرات غزل ع سلطان اللي
لف يطالعها كانه يتوعدها باللي سوته !
غزل بفضول وقلق : وش يقول له؟؟
الزوجه : مدري ولله بس واضح مندمجين!
ماهي دقايق معدوده الا رجع الرجال اشر لزوجته
: قومي معي
غزل بغرابه تطالعهم
قامت الزوجه ب شك اخذها ومشو طالعتهم بصدمه
م قدرت تشيل عيونها عنهم الا شهقت يوم مسكها
وقومها من الكرسي لفت عليه بصدمهه
سلطان بعصبيه : ماراح تتوبين الا اذا خليتك بين الحياه
والموت !
طالعته بوسع عيونها ب رعب !
سحبها معه وطلعها لين م وصلو للشاليه دفها لداخل
وقفل البلكونه
غزل بصدمه : وش قلت لهم؟؟ ليه راحو
لف سلطان عليها واعصابه مشدوده
قرب مسكها من فكها وضغط وجهها بقوه
ونظرات حاده :
مشكلتك تستخفين فيني م تدرين اني احسب
حساب كل خطواتك وتهورك وجنونك !
غزل بتألم مسكت ايده تحاول تنزلها م قدرت تنطق !
سلطان بحده : عيني عليك من اليوم ورايح تنامين وتصحين قدامي م تختفين لحظه وحده عني !! وانسي انك تنامين
بغرفه لحالك ولو تروحين تستفزعين بكل الخلق والله
والله محد يساعدك ولا ياخذك مني الا الله
فكها بعصبيه مسكت وجهها ب الم
سلطان بنظرات حاده وتشديد ع كلامه : والله لاخليك
تفقدين عقلك معي صدق لو استمريتي ع حركاتك ذي
غزل ب الم : وش باقي بتسوي ؟ علمني ؟؟
قربت له بدون م تحس انفجرت ب عصبيه وقهر
: سرقتني من فرحتي وسرقت احلامي وطموحاتي
قطعت وثيقتي قدامي عيني اللي سنين تعبت عليها
دمرتني ب لحظه وحده بس الا قلبت حياتي فوق تحت
عدمت فيها استقراري وراحتي عيشتني رعب سيارات شرطه تلاحقنا ولاادري شسالفتك ولا وش مسوي نهرب من كل شي وتهددني وتبيني اتزوج غصب واوافق عليك !!
قرب لها بهاللحظه اكثر سكتت وقت م جا وجهها بوجهه
سلطان بنظرات ثابته بعيونها: كملي ؟
بلعت ريقها ب خوف وانفاسه تلفح وجهها
قرب اكثر لها وارتبكت منه
