💫 وجدت حيث انتمي 💫
الفصل الاول 💎
✨ فاقد للحب مفتقدة الحنان ✨
ملي جات تبدلات حياتي شرات ليا المحل فين خدامة دبا والماطيريال من A حتا ل Z و شرات ليا دار قالتلي أجي سكني معايا قلتليها غا خليني وشرات دار وقلت ليها انا نفرشها بزز باش خلاتني معرفاتنيش بعت دهب ماما، رجعت كنشريه شوي بشوي وخدامة تاطلعت المحل هاكا فديك دار باش تشوفي راسك كاع هادو لي حكروك وحتاقروك متايهزوش فيك راس مقدرتش نحقد عليهم وخا هكاك ايلا انني بقيت معاهم ولكن ليوم كملو على مادارو مغنقول والو ربي يخلص كل واحد وهادي هي قصتي صراحة تقدر نقول كنزيد فيه ولكن ومعشتش شي تكرفيص نيت ولكن فينما كنشوف شي بنت مع مها كنحسدها أغلب صحاباتي علاقتي بيهم تقطعات و بمواتهم باقا كيما هي ملقيتش ماما لي تشوش عليا وايلا مرضت تخلع و ايلا تقلقت تقلق وايلا فرحت تفرح تعاقبني ايلا خطأت كنت من ديما دايرة عقلي مكنديرش زبايل حيت عارفة مكاينش لي ينبهني لمنبهتش راسي ولا لي يرد ليا البال لامارديتوش لراسي الحياة بلا ام صعيييبة بزااف فحالا شي حد تزاد بلا هوية بلا موطن توحشتها وخا عمري عرفتها ولا هضرت معاها ، مهدي تايشوف لبنت لي كيقول راها قوية راها مفششة كانت تاتبان ليه فشكل جبل مايهزو ريح لدرجة انها كانت ضاربة دنيا بركلة عاشت اقسى ظروف واش قلبها سميح لهاد درجة باش ماتحقدش ، اما هي كانت فعالم تاني رجعات بيها ذاكرتها للوراء
💥فلاش باااك 💥 كانت بنيتة صغيرة فعمر سبع سنوات قصيورة وضعيفة لابسة بيجامة لونها احمر بهات بقوة جافيل وتصبين دايرة درة دحياتي فوق راسها كالسة فدروج دزنقة كتشوف بعويناتها تاكاتجي رعبها ومصدر رهبتها بجلابة جراتها من بيجامتها تال قلب لكوزينة ودفعاتها حياة :يالاه نمشي نجي نلقاك كملتي هاد لواني بلغسيل و مسحتيهم تحرركيي ، دارت لكرسي وبدات كتغسل وتسمح دمعة هابطة من حنكها تاكتخلط بلاما دالغسيل دخلات بنيتة صغيرة لابسة كسيوة غوز ودايرة كرينات شعرها زعيعر و عينيها زورق شافت فأحلام بعجرفة وقالت: واس معاتساليس سعلك دعيا تزي تزمعي لوعاب من صالة ديهم لبيتي سحلكي بالاك من سقالاتس (واش مغاتساليش شغلك دغيا تجي تجمعي الالعاب وتديهم لصالة تحركي باركة من تقالات) شافت فيها احلام ومداتهاش فيها دارت كتكمل غسيلها ايمان طلعات ليها نقشة مشات بجهدها كامل دفعاتها من فوق لكورسي طاحت هي وطبسيل لي فيديها ناضت بزربة كتجمع قبل لاتجي حياة و لكن كانت جات قبل ، حياة: اوييييلااااااي اوييييلااااااي على بنت الحرااام كاع لماعن لي حطيت كدكدكهم
ناضت احلام كترعد من الخوف : عفاك اعمتي عفاك والله مانعاود ايمان ايمان لي دفعاتني ، حياة: يعماو لمك العينين دبا بانتلك فبنتي طيحي عليها الباطل ليوم نفرسك ، هزات معلقة وشعلات لبوطة كتسخن فيها وشداتها حطاتها ليها على يدها تااغوتااات بجهد لدرجة تبح حلقها بلغوات 💥💥 رجعات لواقعها وهي كتحسس مكان الحرقة بيديها نزلات دمعة من عينيها مد يديه ومسحها ليها رجعات تكاات على يديه معنقاها وقالت : وااعدني عمرك تخلى عليا ولا تغدرني ، شاف فعينيها كيحقق فيهم وقال : كنحلف ليك بلي خلقني وخلقك ماتفرقني عليك غير لمووت ، كانت شتا بدات كتجهاد وهو يقول : نوضي يلاه نمشيو ايضربك البرد ، احلام : وخا يالاه ، ركبو فلوطو ديالو غاديين وهي حاطة راسها على زاجة كتنفخ تا كضبب و ترسم فيها تمحيهم وتعاود تنفخ تاوقفو حدا واحد ريسطو هبطو باش يتغداو فيه وهوما كيتناقشو احلام طلع ليها المورال شوية بهاد لخرجة سالاو ماكلتهم خاصو و وصلها تال حدا دارها جديدة دخلات مشات نيشان كتستف حوايجها و لي برودوي ديالها وتقاد دار وتمسح الغبرة تاسلات ودخلات لدوش دوشات وخرجات دوموندي باش تعشا صونا ليها تيلي كانت سارة جاوبات وقالت: وي سارة ، سارة: فينك اصاحبتي دزت عندك لدار بداو يخورو عليا فين نتي محتاجاك ، احلام: انا مبقيتش فديك دار انا انسيفط ليك لوكاليزاسيون أجي لعندي ، قطعات معاها وسيفطات ليها لوكاليزاسيون و بدات كتلبس حوايجها تاسالات وتكات كتلعب سمعات دقان كان ليفرور خلصاتو ودخلات موراها بشي عشرة دقائق صونات سارة لبسات لكاب ديالها و هبطات باش طلعها طلعات تابعاها وهي مستغربة ديالمن هاد دار وغا لعمارة زاز لوز دار اتكون كتغوت دخلات زادت تصدمات ديكورات لفراش تحفة وهي تصفر وقالت: وناااري اساطا ديالمن هاد لكوان ، احلام: داري ، سارة : اويليي من نيتك وخا تقوليها بشينوية ، احلام: ومالي منستاهلش ، سارة : ماشي هكاك ولكن اصاحبتي هاد دار لقليلة دايرة شي مية مليون الموقع و كدا راك عارفة ، احلام: تيفي لابغيتي ولالا مهم أجي تاكلي ، سارة مامتيقاش جاها حالها دلغيرة كيفاش هي لي غير كوافورة ودارت دار وكارية المحل و واقفة على رجليها عاد دارهم لي محاملينهاش ودايرة هادشي كامل مشات حداها وكلسات كتأمل تاصونا تيلي د احلام شافت فيه سارة بنص عين كانت مكتوبة Midou❤️❤️ راسها ضرها شكون ايكون هادا
أنت تقرأ
💫وجدت حيث أنتمي 💫 ( مكتملة ❤️🔥)
Short Story🌟الان على شاااشتكم بلمسة واقعية بقلمي 🥀 هبة 🥀 ✨وجــــــــدت حيــــــــــث أنتـــــــمي ✨ ✨وجدتك بعد أن فقدت كل ما أملك ، بعد أن كنت احيا بلا موطن ✨ 🥀وجدت كل ما فقدته فقط عند وقوعي في شباك حبك انت الذي تشعل حياتي شموعا وليلها ن...
