💫 وجدت حيث انتمي 💫
الفصل الثاني 💎
🍂 أحبك لكن انتقامي أكبر من حبك 🍂
🥀يا أجمل اوقاتي ،يا تفاصيل حكاياتي،يامحور اشواقي 🥀
🥀كل البدايات تنتظرك 🥀
⏳بعد مرور شهرين ⏳
فهاد شهراين تبدلو بزاااف د الحوايج عند ابطالنا وكاين لي بقا على حالو متغير فيه والو فحال ايمان لي مقدراتش تغلب على ادمانها وخلات واليديها يحيرو معاها نهار على نهار كدهور خصوصا انها فاقدة رغبة فالعلاج حيت اساس كل تغيير وكل علاج هو رغبة و العزيمة و الاصرار هي معندها تاوحدة فيهم كيف غادير تزيد القدام و تطور من علاجها ، باها باقي على حالو كيحمل ذنب على مها وختو و مو فنظرو هوما لي مارباوهاش وهوما لي خلاوها تافسدات وهوما وهوما وشحال دهوما مكايتقاضاوش، اما مها مكمداها فقلبها وساكتة قلبها كيتشوى على بنتها ومستقبلها لي كيضيع سمحات فراسها و خدمتها و ولادها مقابلاها غا هي و محملة راسها دنب حيت ماهتماتش بيها و قابلاتها و خلاتها لعمتها و جداها لي تاهوما حالهم مايعجب ، حياة ضلامت فعينيها الحياة مبقاش عندها لا طعم و لا لون عايشة غا نهار لخوه بلافايدة كلشي مشا فطريقو ونساهم فحالا عمرهم كانو تاولات تخرج ضرب الكرفي وتمارة ودوق من كاس ظلم و الحكرة وتمارة لي دوقات احلام منو فين صغيرة كاع جبروتها و ظلمها لي صرفاتو خرج فيها و قنطات بيها دنيا كتر من حالة مها لي مابقات كتعجب دخلها المرض و هدها ماخلاش ليها فين تزيد تا طاحت لفراش كتسنى اجلها وكتفكر باشمن وجه تلاقي بيه ربها و واش دارت باش تقابلو من غير انها ظلمات وحكرات و مدارات حساب بلي دنيا دوارة نهار ليك ونهار عليك و ان الله يمهل ولا يهمل ، اما عند سارة شهر داز عليها جحيم ماهي من سهم العروبية ولا هي من سهمها حيت العيشة فلعروبية بزاف على وحدة قلبها و كتافها باردين و ماعندها نفس، العروبية تانبغي نفس الحارة ودراع صحيح ماشي غير أجي وعيش العروبية وماكنتي لالة ومولاتي لاقدرتي (تبارك الله على بنات العروبية ماشاء عليهم ) بحرا بدات تولف و تحك معاهم و تتأقلم مع روتينهم الجديد لي فحياتها هو انها ولات كتعرف طيب لقات شغفها فطبخ هي لي عمرها دخلات لكوزينة بنية تشقا زيد عليها دارت صحابات جداد و معارف و بدا يدخلها ندم و تأنيب ضمير على لي دارتو مع احلام البنت لي لقاتها فكتافها فشدتها و معمرها بخلات عليها بشي حاجة
عاد ردات البال لاخطائها و زلاتها و كون يرجع بيها الوقت ماديرهمش ولكن خسارة عمر زمان مايرجع لور هو فقط كيزيد القدام مخلي موراها أخطاء نتعلمو بيهم دروس و نزيدو بيهم القدام تاحنا ولكن ماشي كلشي كينسى الماضي ويزيد القدام، كاين لي ماقدرتش يخرج من الماضي ،ومامتقبلش انه عمرو يرجع هذا حال مهدي لي حياتو تغيرات ملي مشات احلام هي فعلا فحال. الاحلام كتخلينا نعيشو لحظات زوينة و سعيدة ولكن غير حقيقية حيت غير كتمشي ماكتخلي وراها غير ذكرى، مهدي متزاد والو فحياتو من غير انه رمم المحل بعد الحريق لي طرا ليه و زاد خدم على محل جديد فرباط توحش أحلام ولكن ماقدرتش يمشي عندها ماعندوش القدرة على انه يمشي ويقوليها ندمت لي ضيعتك ندمت لي خليتك تمشي من بين يدي ندمت لي فرطت فيك وعندما على اي حاجة اديتك بيها ماقدرش يمشي عندها ويطلب منها سماحة و يرجو عفوها و لا يقولها نساي لي طرا لبارح فكري لليوم وغدا وخلينا نبداو من جديد حيت بكل بساطه داكشي لي دار مهما برر ليها عمرو مايكون عندو مبرر كلشي كان بإرادتو وهو لي بغا وندم و ندم بزااف على لي طرا ولكن واحد لوقيتة ندم مكايبقاش نافع لاهو لا بحيرة على الحاجة لي كانت بين ايدينا وفقدناها للأسف، بالنسبة لاحلام كان شهر كافي باش تجدد طاقتها و تريح نفسيتها تعرفات على ربايب سعاد مزيان وليد و زينب ماشي ولاد سعاد ولاد راجلها المرحوم و كانت حاطاهم فمقام خوتها صغار و مربية عليهم الكبدة شي لي خلاهم يبغيوها و يحتارموها قليل فين تلقا ربيبة كتبغي مرت الاب هي نادرة ولكن ماشي مكايناش فخطرة ، زادت قوات علاقتهم و توطدات فحال خوتها وكتر اما هي قررات تكمل قرايتها و توجد للباك حر وتبدا من جديد وتنسا الماضي ، غير هو تجري رياح بما لا تشتهي السفن و ماتمشي غير فينما مشاك الله ويقدر اي حاجة كنطمحو نوصلو ليها منقدروش حيت سيدي ربي مشافش لينا الخير فيها داكشي علاش رضاي بقدرك ومكتوبك وربي غادي يكتب ليك لي فيها الخير
❌هادا كان أخر جزء فلفصل تاني 🍂 أحبك لكن انتقامي أكبر من حبك 🍂 لي تعرفتو فيه على شخصية احلام المنتقمة و القاصحة تعرفتو على شخصيات جداد نتمنى تكونو خديتو منو العبرة انه الانتقام بعض المرات مكايكونش هو الحل ونقدرو نأديو ناس بلاما نشعرو أراءكم نحو الفصل و توقعاتكم للفصل الثالث ❌
أنت تقرأ
💫وجدت حيث أنتمي 💫 ( مكتملة ❤️🔥)
Short Story🌟الان على شاااشتكم بلمسة واقعية بقلمي 🥀 هبة 🥀 ✨وجــــــــدت حيــــــــــث أنتـــــــمي ✨ ✨وجدتك بعد أن فقدت كل ما أملك ، بعد أن كنت احيا بلا موطن ✨ 🥀وجدت كل ما فقدته فقط عند وقوعي في شباك حبك انت الذي تشعل حياتي شموعا وليلها ن...
