💫 وجدت حيث انتمي 💫
الفصل الاول 💎
✨ فاقد للحب مفتقدة الحنان ✨
تاهو وقف وبدا يدابز : مالكي ياكما بغيتيني نشرملك وعوجي قبل منعوج ليك راسك ، احلام صافي هذشي لي بقا ليها دابز مع برهوش قدها ناضت طارت عليه بقمشة فوجهو شنقات عليه وعطاتو ضربة فحجرو و دراري تايفكو ناض صداع و روينة ، واقف تاكيسمع صداع والغوات شي بنت فحالا كدابز خلا طابلوات لي كان تايفريفي ومشا يشوف اش طاري لقا دنيا مطرطقة بلبشار بدا تايشوف لقاها هي كلها مشتنفة طالعة فوق دري بركل والعصا جاها دايخ مبوق دغيا غلباتو تبرد فيه غدايدها : انا يالبرهوش نولد قدك (هو راه قدها قدو ردات راسها تولدو ) تجي تبدا تهز وتحط عليا دوينا بالادب تبدا تبومبا نتا ضربني نتا ، مشا يجر فيها وهي كترطا كي لاستيك وكتغوت تا نهض فيها : زكاااي ، سقرات و بدات تجمع البكية وقفات وهو بدا يفرق فلبشر : يالاه عندنا سيرك هنا لي عندو شي شغل يمشي بقضيه يالاه خويو عليا جوقة ، ناس مشاو فحالهم ودوك دراري هزو صاحبهم وعلقو اما هي دليل لي كان عندها تسولو وتعرف اشمن دروك بضبظ كتعاطا ختها و من ايمتا و بشحال باش تعرف واش بالفلوس لي تايعطيوها ولا تاتهز فيقها مهدي من سهوتها باش دخل فسهوة جديدة هاد المرة فملامحو الوسيمة هي ماشي من نوع زهواني ولاكن فحال زين مهدي تايعجبها كيجيها حرش وقاصح كتشوفو حنين مع خوتو من المواقف القليلة لي حضراتهم ليه ، مهدي: هيهو كنهضر معاك ، أحلام: ها نعام ، مهدي: قلتليك واش عندك شي مشكل معاهم ، احلام رجعات قندشات كيسحاب ليها كتهضر مع عمر : و ماعندي معاهم والو بغينا غانسولوه بدا يطلع ويهبط عليا هنا بعلوك لاخر ، مهدي: وعطا الله ناس بعقلهم تسوليهم هادوك غا شماكرية بانو ليك غا هوما ، احلام: وماعرفت شكون نسول ، مهدي : علاياش كتسوليهم على شي بلاصة ، احلام: ها لا على واحد لولد وشي حاجة مهم سمحليا صدعتك بسلامة ، ومشات فحالها تبعها: أجي أجي وقفي ، وقفات كتشوف فيه : بغيتي شي حاجة ، مهدي بغا يتعرف عليها كتر من نهار شافها وهي عاجباه شاف فيها وقال: منديروش شي قهوة اونسومبل ، هزات راسها كتشوف فيه ودورها فراسها : امممم اوكي ، صدماتو عوتاني سحابليه اترفض ، ولكن قبلات تبسم ابتسامة خفيفة وقال: صبري نجيب لوطو ونجي ، مشا لعند دراري وصاهم يحطو سلعة لي فريفيا فلبازار و لي باقي فديبو ، خلاهم وركب مشا لقاها حانية على قطة وعاطياها فرماجة كتلعب معاها وكتهضر كي الحمقة هزات راسها شافتو سلمات عليها وخلاتها وحلات لباب و ركبات ، مهدي: لقطوط مكايهضروش لاش كتهضري معاهم ، احلام: لقطوط تايفهموك حسن من بنادم ، مهدي : علاش بنادم ماتيفهمكش
احلام جاوباتو: كون كان بنادم يفهمني كاعما نهضر مع القطوط ، مهدي : جربتي و ملقيتيش ، احلام : لي نوغمالمون يفهموني وحدة تحت تراب و واحد نيبالا ونتا عندك لي يفهمك ؟، مهدي: كنتفاهم مع هدى شوية هند لا ، احلام: اه هدى عفوية و ضريفة هند حاسة براسها ومنيفخة ، مهدي: كتعايري ختي حدايا ، احلام: انا كنقول لحق ولي شفت هدى الله يعمرها دار لخرى واقيلة حيت كان عرسها كانت مشغولة والله اعلم ، كتهضر مرة تشوف فيه مرة تشوف فزاج كل مرة فين ، تاوصلو قدام قهوة كلاص وزوينة نزلو من لوطو ، وتمشاو تاكلسو وهي تقول : بغيت نسولك ، مهدي : وي سولي ، احلام: شحال من طموبيل عندك ، ضحك مهدي وقال: خمسة علاش ، احلام: سعداتك حيت كل مرة مخرج وحدة انا شديت لبيرمي باقي مشريت لوطو تالبلاتي اييوا فاش انهضرو، مهدي: عرفيني براسك ، احلام: بحالاش ، مهدي : شحال فعمرك شكاديري ؟ ، احلام: اممم سميتي احلام عندي 24 عام انا شديت لباك ديالي وماكتابش نكمل ودرت فورماسيون فالايستيتيك باش تخدم ونكون قادة براسي ، مهدي: علاش ماكملتيش مور لباك ؟؟ ، احلام: غير وقعو شي ظروف ومقدرتش نكمل ونتا ؟، مهدي: انا فعمري تلاتين عام و ملي كملت قرايتي شديت البازارات والمحلات ديال الواليد ،احلام : حد اش قريتي ؟ ، مهدي : شديت الماستر فلجيستيون ، احلام هزات راسها وقالت: قريتي فلافاك ولا ايكول ، مهدي : لا غير لافاك ليزيكول ماعندي لانوط ديالهم ، احلام:انا كنت باغا ايما ندير لميدسين ولا نقرا l architecture ساعة ماكتابش ، مهدي: مكانتش عندك لانوط ، احلام: بلعكس مي كيما قلت ليك طراو شي حوايج وصاف ، نساو راسهم تايهضرو مهدي اكتاشف فأحلام الجانب المثقف و المرزن راسها عامر وعندها ماتقول جاه لفضول علاش ماكملاتش اما احلام نسات راسها و لبروبليم لي عندها عجباتها الهضرة معاه حنين وضريف معقول وطموح عندو افكار زوينة بقاو تا ضربات 12 عاد تفكرات احلام صالون ناضت بغات تمشي بزز باش قبلات يوصلها تبادلو نوامر و كل واحد مشا لخدمتو باحاسيس جديدة عليهم و مشاعر مختلفة دخلات لصالون وضحكة واصلة ليها لودن كتمشى بثقالة وكتلعب فشعرها لبنات مستغربين كيفاش داخلة مرفوعة كلسات فوق لفوطوي وهزات مخدة دفنات وجهها فيها وغوتات بحماس تاقفزو فحال شي مراهقة قاليها صاحبها كنبغيك عمرها طولات فلهضرة مع شي دري من غير عمر تانطقات ليلى : بسم الله عليك اشريفة ياك لاباس مالكي ؟؟ احلام: نعام اليلوشتي ، ليلى: مابقيتش طيرا بكر وليت ليلوشتك ختي واش فيك سخانة ياكما مبوقة ، مريم: وصافي اصاحبتي بعدي منها ونتي دايرة ليها استنطاق ، وقفات احلام ولبسات طابلية وبدات تخدم بحماس تعجبو البنات وزادو حلو فمهم ملي سمعوها كتغني وهي ماكتغني ايلا بطليب ورغيب ، الايام تايدوزو و الانسان حياتو تطور كذلك علاقة مهدي باحلام نهار على خوه تاتزيد القدام ولاو تايخرجو كتر تايهضرو كتر احاسيسهم تاهي كطور عاش معاها مشاعر اول مرة يستكشفهم فحالا يالاه تزاد للحياة ولقى ليها طعم ونكهة هو لي تايوصلها بعض المرات بلاما تعيط لعمر جاو مواتين بعضهم بجوجهم معقولين و مافيهمش زيكزاك بزاف دناس لمحو تغيير على نفسيتهم منهم هدى عمر سارة ايمان هاد الأخيرة لي كتحفر وعلاقة مهدي باحلام عجباتها اتعاونها فخططها و نفس الوقت اتلهي احلام على دقة لي كتسخن ليها و كاين لي فقصاتو من بعد انعرفوه
أنت تقرأ
💫وجدت حيث أنتمي 💫 ( مكتملة ❤️🔥)
Short Story🌟الان على شاااشتكم بلمسة واقعية بقلمي 🥀 هبة 🥀 ✨وجــــــــدت حيــــــــــث أنتـــــــمي ✨ ✨وجدتك بعد أن فقدت كل ما أملك ، بعد أن كنت احيا بلا موطن ✨ 🥀وجدت كل ما فقدته فقط عند وقوعي في شباك حبك انت الذي تشعل حياتي شموعا وليلها ن...
