🌟الان على شاااشتكم بلمسة واقعية بقلمي 🥀 هبة 🥀
✨وجــــــــدت حيــــــــــث أنتـــــــمي ✨
✨وجدتك بعد أن فقدت كل ما أملك ، بعد أن كنت احيا بلا موطن ✨
🥀وجدت كل ما فقدته فقط عند وقوعي في شباك حبك انت الذي تشعل حياتي شموعا وليلها ن...
💫 وجدت حيث انتمي 💫 الفصل الثالث 💎 🍁جزء من قلبي لا منتهى له 🍁
🥀يا صدفة ايامي يا نعمة الرحمن يالذة دنيتي واجمل اشيائي ألف خير ونور على صباحك 🥀❤️
فاقت احلام هاد صباح فرحانة عينيها كيبريو و المورال طالع ليها خرجات البالكون كان صباح بكري صقيل و الجو زوين و الهوا نقي كلسات على الكليسة لي تماك و كتلعب بخصلات شعرها مشات بيها ذاكرتها لقبل الاسبوع ❤️فلاش باااك ❤️ كانت كالسة فصالة مع رباب كيتفرجو فواحد المسلسل و سعاد كتفرج فتلفازة تاسمعو صوني و مشات لخدامة تحل لباب شوية جات لعندهم وقالت: لالة سعاد شي ناس جاو عندكم ، سعاد : شكون ،لخدامة : معرفتش الالة ، سعاد : صافي دخليهم لصالون وسيري قادي ضيافه انا جايا ،دارت عند لبنات لقاتهم مستغربين شكون ايكون جا عندهم وهي تقول رباب : شكون ايكون إماما ، سعاد : معرفتش يالاه نشوفو، ناضت رباب واحلام ردات لبيسي للبوشيط ديالو وتبعاتهم كتقاد فشعرها بيديها مع غتهز عينيها كتفيكسيهم فداك لي كان مقابل معاها بنفس نظرات رغم صمتهم عينيهم كيهضرو و يعبرون على شوقهم وحبهم لبعض ، شافت لشكون كالس حداه لقاتها مو و حداها هدى مكلسة فحجرها بنتها شافتها ومدات رشا لكلتوم و ناضت لعندها وقالت تبارك الله على زين ياااختي ،احلام مفهماتش او بالاصح مابغاش يتفهم ليها شنو جا يخطبها كيفاش هوما تصالحو بعدا باش يخطبها بقات مصدومة غا حالة فمها تعيطات ليها سعاد عاوتاني تجي تسلم سلمات على ماماه لي ابتاسمات ليها ببشاشة وتا على هدى وباست رشها بقوة تبقى خلاتو بلاكة وكلسات بقات سعاد غامخرجة فيها عينيها عاد ناضت سلمات عليه بيديها كترجف ومتوترة بلاقياس فنفس الوقت مصدومة من هادشي فحالا كتحلم بقاو كيهضرو تاجا وليد لي استغرب وسلم عليهم عاد نطقات لالة كلتوم بهدوء مع ابتسامة على وجهها: ايوا الالة سعاد ليوم جيناكم على واحد الغرض ، حطات سعاد كاسها داتاي وهي كتشوف فيها باهتمام وقالت: مرحبا الله يسمعنا خير ، لالة كلتوم: مكاين غير الخير ليوم جينا طالبين بنتكم لالة احلام اولدي مهدي على سنة الله ورسوله ، شافت فيها سعاد بضحيكة وقالت: الله اودي مرحبا والف مرحبا غير هو شوار شوار لبنية ضروري نعرفو رأيها واش بان ليك ابنتي ، أحلام ملي هضرات لالة كلتوم وهي مصمكة كتعاودي فودنيها الجملة لي نطقات تمنات تحفر حفرة وتخشا وسط منها احساس فشكل كيراودها معارفة راسها من رجليها قضا عليها توتر و الخلعة هزات راسها لقاتهم مركزين نظراتهم عليها شافت فيه لقاتو كيشوف فيها بنظرات مخلطة بين حب وترقب وانتظار شوق و لهفة شافت فرباب وهدى لقاتهم كيهزو راسهم بحماس
💫 وجدت حيث انتمي 💫 النهااااية ❤️❤️ 🍁جزء من قلبي لا منتهى له 🍁
باغينها توافق شافت فوليد لي كان كيطمئنها بعينيه تاهو محسات براسها تانطقات موافقة طلق ضحكة نابعة من القلب معبرة عن فرحتو و سرورو لموافقتها وطلقات لالة كلتوم تزغريتة دايزها الكلام فرحانة بولدها وكملو سهرتهم وهوما فرحانين كيهضرو فأمور لعرس لي قررو يكون بعد شهر وأصر مهدي انه يكون عرس و ضريب صداق فنفس نهار ❤️نرجعو للحاضر ❤️ ، ⚡ساعة 20:00، فيلا مهدي ⚡ توقفات سيارتو البورش البيضة و موراها الميرسديس الكحلة دوليد كانت العمارية ونكافة كتسنا فيها هي لي نزلات من لوطو دوليد من بعد ماحل ليها الباب وشدها من يديها هزات راسها لي كان مغطي بلفوال وتقدم مهدي لعندها وهزو ليها باتسمات فوجهو تابانو سنيناتها وباسها فراسها فرحان بيها كانت حلم وتحقق رغم كاع لي طرا وكاع لي داز هاهو القدر كيجمع بيناتهم للمرة تانية وهاد لمرة للابد ان شاء الله ❤️ كانت بتكشيطة فلبيض مع ميكاب تقيل و ليب ستيك غوز وتاج وحلاقات وبراسلي فلاغجونطي اما هو كان بكوسطار فلكري فاتح مع كغفاط فنواغ ضاحك تاكيبانو نيابو من لفرحة عاونها تكلس فالعمارية مهتم بأدق تفاصيلها بكل حب من خلال نظراتهم تعرف شحال كيبغيو و شحال تمناو هاد نهار هادا اجمل مافي الحب هو تسالي علاقتكم بزواج ماشي ببلوك ودعاوي لا هاداك ماشي حب هاداك مرض وشخص لي طوكسيك وعارفة نهايتو هاكداك غا بعدي منو باش مايأديكش ، ركبات فوق العمارية لقطة كتحماق عليها اي بنت وكتمنى انها تعيشها مع لي ختارو قلبها ورتاح ليها عقلها كتسمع صلا وسلام فودنيها تزامنا مع دقات قلبها لي ايخرج من بلاصتو مكرهتش جناح وطير من الفرحة كدير ليهم باي باي من لفوق كانو كلهم حاضرين ماعدا اعز ماكيملك الانسان فحياتو واليديه ولكن لقات جنبها عائلة عوضاتها على عائلتها شافت فوليد لي كان الصديق الوفي و فعمر لي كان ونعم الاخ فسعاد لي قامت بدور الام والاب فحياتها فرباب لي كانت الاخت المحبة ونصوحة فهدى الصديقة كلهم كان عندهم دور فقصتها وحكايتها شافت فمهدي لي كان جامعهم كاملين، لي كان ففيلم حياتها لاعب جميع الادوار عطاها الحب عطاها الحنان عطاها الامان عطاها الاهتمام عطاها سعادة عطاها اي اي حاجة فقداتها وخلاها تحس بطعمها واهم حاجة عطاها الانتماء حبسات الأغنية ونزلوها من العمارية ونكافة كصلي على نبي وتوجهو لطابلة كانو مخصصينها العدول كان عمر ووليد شاهدين بعد ماخدات صداقها و سناو على عقد زواجهم شافت فيه فرحانة وقالت: نتمنى نعيش معاك حياة كلها فرح ونطق هو انا بغيت فرحي مايكون غا معاك هز يديه ورائها بكل حب وهو مركز فعويناتها الحشمانين. 🥀 بعد مرور عامين 🥀 فوسط غرفة كيتسمع صوت صراخها من الألم وهو تايلبس حوايجو تالف ، أحلام : عتقني كنمووووووت اعيباد الله ااااااه ، مهدي : صبري بلاتي تنفسي هانا لقيت سوارت يالاه ، أحلام : وااااامي كنمووووووت وااااااع وسربي راسك دغيا ، بزربة سايس معاها تاهبطو وركبات فطموبيل كاسرة دنيا بغواتها لي كيزيد يتلفو ويوترو تالبس تيشرط مقلوبة غادي مكسيري وهي شادة يديه كتعضها من كترت الحريق وهو مامسوقش مركز مع طريق خاصو يوصل دغيا باش تفك راسها خايف عليها بزاف وصلو لكلينك ودخلات هي كتولد لداخل وهو غايحماق على برا تاخرجات عندو لفرملية مور شي ساعة بشراتو بلي تزادو عنو تويمين ولد و بنت مخلا شكون عنق فرحان بغا يدخل عندها ولكن حبسو تايطلعوها لبيتها ويقادو ليها وهو مشا جاب صاكها من لوطو كان مجموع و محطوط تماك من لي قالت ليها طبيبة بقات ليك سيمانة وتولدي وهي حطاها تماك عارفاه تالف واينساه نهار تولد نيطواياو ليها ولبسوها هي ولي بيبي لبنيتة لبيسة غوز و لوليد زرقة من كترت الفرحة وخا عيانة مقدراتش تنعس تاتشوفهم ودخل عندها مهدي بعد ماعلم كلشي بلي ولدات كانت كتشوفهم فلكونة ديالهم بابتسامة هزهم وقرب لعندها فرحان بيهم طرف منو ومن امراه لي كيحماق ويتسطى عليها حاس براسو مالك دنيا ومافيها هاد ساعة عينيه كيبريو اما هي كانت فرحانة وحاسة براسها فحالا فحلم ماباغاش تفيق منو كتشوف فراجل لي بغات و حبات معاها دبا وهاز بين ايديه ولادهم كتشوف فامانيها كيتحققو تمنات الحب ولقاتو تمنات سعادة وهاهي كتعيش فيها تمنات العائلة و الانتماء وهاهي ولاو عندها ها ❤️وجدت حيت تنتمي ❤️ شاف فيها وقال : شنو انسميوهم ، قالت: مسك و ذكرى ، شاف فيهم واذن لكل واحد فوذنو ونطق بسميتو وشاف فيها و قال : كنبغيك ولكن دبا كنعشقك حياتي بلا بيك ماتسوا تاحاجة ، وقالت: بيك وليك وفيك كنحيا فيك لقيت هويتي وانتمائي ✨ وجدت حيث أنتمي ✨
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
🦋لكل بداية نهاية ولكل نهاية بداية أخرى قصة لقاءهم سالات ولكن قصة حبهم باقا مستمرة إليكم مني ياأحلى قارئات بكل حب نهاية ❤️ وجدت حيث أنتمي ❤️ نتمنى انها تكون خفيفه وضريفة على قلوبكم و تعجبكم وشكرا على وفائكم وحبكم وتتبعكم في القريب العاجل ان شاء الله ❤️ تقاسمت معاكم أول تجربة ليا فعالم كتابة القصص بديتها ف 2022 و تشاركتها معاكم هنا ، القصة لي كتبتها بحب و هديتها ليكم بحب
