💫وجدت حيث أنتمي 💫 ( مكتملة ❤️‍🔥)

الفصل الثاني 🍂 أحبك لكن انتقامي أكبر من حبك 🍂

💫 وجدت حيث انتمي 💫
الفصل الثاني 💎
🍂احبك لكن انتقامي أكبر من حبك 🍂

خدات تيكي و كلسات كتسناه تاجا و ركبات مغادرة لمدينة ديالها فين كبرات و تربات و قرات وخدمات و حبات و تغدرات غادة وهي كتفكر واش هادشي لي دارت مزيان الغضب و رغبة فالانتقام كانو مسيطرين عليها تابردات عاد بان تأنيب ضمير ليها فكرات فراسها و مفكراتش فواش تقدر تأذي ناس اخرين حطات راسها بين يديها وغرسات صبعانها فشعرها كتخمم فهادشي واش هي خايبة لهاد درجة تاتحطات يد على ضهرها و طبطبات عليها هزات راسها لقاتها مرة  كبيرة فلعمر كالسة حداها وقالت: مدبرها حكيم ابنتي براكة عليك من تخمام تيشرف ، أحلام هزات راسها بالايجاب و تنهدات ، لمرة: مالكي ابنتي ياك لاباس قلبك عامرة، احلام كان خاصها علامن تفرغ قبل لا طرطق قالت ودموع هابطين من عينيها: انا اخالتي معندي زهر فتاحاجة تاحد محاملني كلشي كايتسنا غا ايمتا نطيح بنادم عمري خصرت خاطرو فشي حاجة تقلب عليا وغدرني كلشي ضدي ، لمرة: متقوليش هاكدا ابنتي والديك معاك ، ابتاسمات احلام بحزن وقالت : تاهوما مامعاياش اخالتي تحت تراب ، لمرة: الله يرحمهم ابنتي ويغفر ليهم ويفرج عليك و يسهل عليك، احلام: اميين اخالتي امين، وصل بيها تران لمحطة القطار محمد الخامس الرباط نزلات وخرجات جارة لافاليز ديالها فرحانة من ديما كتعجبها رباط وسلا كيجيوها قراب وزوينين وفيهم فين تمشي و فين دور خرجات من لاكار غادة نيشان على رجليها كانت البلاصة لي قاصدة قريبة شوية من لاكار للفيلات لي فليمون تاوصلات وصونات حلات ليها بنت فمقتبل العمر بلبيسة متكونة من صاية وشوميز وطابلية مع بوني دشعر فلحمر ولبيض وقالت : لالة احلام على سلامتك مرحبا بيك ، ابتاسمات ليها احلام وقالت: الله يسلمك شكرا ، دخلات وجرات الخدامة موراها لافاليز كتشوف مع الفيلا و تصميمها خصيصا الجردة لي كانت عامرة بانواع الورود وكليسة دايرة بالخشب و نافورة دخلات باش تبهر فديزاين الفيلا داخلي كانو تلاتة دصالات مقابلين باعضياتهم بفراش بلدي على حقو وطريقو اشمنك يا مساند و يا طوابل و الخوامي ولي ناب مطرزين برباطي و الفاسي و لكلسة دانتي فلقنت محطوطة مقادة فجيهة الاخرى كان صالون غربي بفوطويات فلباج و القهوي كانت كالسة كلسة ملكية بفراشة فالبيض جامعة شعرها طويل كوب شوفال كدور فلمجلة لي بين يديها و تشرب من العصير لي فوق طبلة

هزات عينيها العسلين ملامحها شابة و مسرارة رغم تقدمها فسن ايلا انها مهلية فراسها و مباينش عليها عمرها وساعت ابتسامتها ملي شافها و حلات ليها يديها على شكل حضن مشات احلام كتجري لعندها عنقاتها وقالت بصوت باكي: طاتي توحشتك بزاااف نتي دايمة ليا حمارة انا مدرتش بهضرتك اطاتي سعاد والله ،سعاد معناها كتشم رائحتها توحشاتها ماهي بنتها لي مولداتش ولي مكاتبش ليها تكون عندها بنت من غيرها ، سعاد: ششششت علاش لبكا الحبيبة لاش شكون تعداعليك عينيه نجبدهم ليه ياكما مسيسي دباك ، ضحكات احلام وسط دموعها وقالت : ههه ماشي غير هو لي اداني كلهم اداوني بغيت نعاود ليك اطاتي من ليوم انا حداك عمري نفرقك ولا نتخلى عليك ، سعاد: بنتي حبيبتي نتي انا لي مادرتش فيها كون نتفتك من شعرك و جبتك تكلسي معايا ، أحلام: وكون غادرتيها ، سعاد: سيري اكبيدتي دوشي ليك و رتاحي و عاودي ليا بان لي قلبك عامر و خاطرك هاز مايمشيو تايرزيوني فيك بغيت ليهم رزية ، احلام: لهلا يخطيك عليا كون ماكنتي نتي كون ماعرفت اش طرا ليا ، طبطبات سعاد عليها وعيطات لخدامة تديها لبيتها ، كان بيت كبييير فليطاج تاني دلفيلا كان بلون سماوي عليه دي موتيف بلبيض على شكل غيوم أغلب الأثاث فلبيض و زرق بكل درجاتو فيه تصاورها فجميع مراحلها العمرية ابتداءا من سابعة من عمرها بينهم تصويرتها لابسة تكشيطة فلحمر صغيورة وشعرها مطلوق هازة طعريجة و محنية يديداتها كانت فريميشة مشات بيها داكرتها لنهار هاد صورة « غادة وهازة تكشيطتها بطراف اصابعها صغيورين لمصبغين بلحمر وكتسوط ، أحلام: واث باقي مغانوثلو لهاد لعرث انا عييت ، سعاد غادة وجاراها من يديها : وغير ساعفي عافا بنتي راه داك ولد لحرااام دعبد الحق لي حنسرنا أجي نهزك أجي تسخسختي ليا ابنتي ، أحلام مدات يديها تاهزاتها وقالت: طاتي ثعاد واث تانا ملي انكبر قدك نقدر نولي ثيخة ، سعاد : لا احبيبتي نتي اتكوني طبيبة يالحبيبة وتعاالجي ناس وتسمعي الله يرحم من رباك ماشي الله ينعل من رباك ابنتي ، نزلات دمعة من عين سعاد ناس رغم انهم متيعرفوكش مناش مريتي و شنو داز عليك تاوليتي هاكدا تايقولو فيك الخايب ويكملو تا بناس لي عزاز عليك فبلاصة مايطلبو ليهم الهداية تايطلقو فيهم سمهم