💫وجدت حيث أنتمي 💫 ( مكتملة ❤️‍🔥)

الفصل الثالث 🍁جزء من قلبي لا منتهى له 🍁

💫 وجدت حيث انتمي 💫
الفصل الثالث 💎
🍁جزء من قلبي لا منتهى له 🍁

هزات عينيها مباشرة شافت فيه هاد شاب لي ديما ولات كتلاقا بيه ويتواصلو بصريا من بعد ماتسالي طياب الخبز وتهز وصلتها و دخل لدار ليوم قررات ماتحدرش عينيها وتامل فيه كان ولد زوين مسرار و مقبول ماشي زين خارق ولكن شوفة فيه كتريح بنيتو الجسمانية قوية زينو حرش وقاصح بقات كتأمل فيه شوية عاقت على راسها هزات وصلتها و دخلات خلاتو فحيرة من امرو عجباتو بزينها و سحراتو بعويناتها من نهار شافها ناض تاينفض حوايجو من تراب مصمم على قرار واحد مغايرجعش عليه اما هي دخلات لدار لي كانت بلدية مبنية بطين و مصبوغة بجير بيض و مسقفة بالقزدير و مصبوغ سقفها بزرق دخلات لكوزينة حطات الوصلة وبدات تاتصاوب اتاي هزاتو هو و جبن و العسل و زبدة بلدية وزيت و زيتون مشرمل داتو لبيت الكلاس فيه تلفازة قديمة كانت جداها مرة كبيرة فلعمر ولكن شادة فراسها شافتها وضحكات وقالت بلهجتها الشمالية الجبلية: ايوا على عزبة ولات لادقي شغال معاوط كن يسحابني كون ميونخ جيبتك لعدنا ، ضحكات سارة بحشمة وقالت: كن يسحابني كون بيدي جيت لهنا ساعة مكانش عندي لعقل ، جداها كطبطب بلطف على كتفها وقالت: زعما ماناوياشي درجع لداربيضا ، شافت فيها وقالت: لا اعزيزا و عمري نفكر انا صافي رتاحيت هنا وانبقا هنا لمدينة ماعجباتنيش وعشت فيها غير لخايب كتر من زوين ، نقزات مرات عمها وقالت:. واهي مش دجويج عدنا (شافت فعكوزتها وقالت) لالة خاصك دقلبلا على راجل دبا ، تبسمات سارة و تفكرات هاداك لي كتشوفو يوميا و وسعات ابتسامتها تلقائيا خلاتهم كيتغامزو عليها كملو كسكروط ديالهم مجموعين فجو من ضحك و نشاط تاسالاو و ناضو لبنات لكوزينة سارة كتغسل لماعن و بنت عمها وحدة كتنصب لعشا و لوخرى كتنقي ليها الخضرة تانطقات سارة : وسيلة نسولك ، وسيلة : نعام الحبيبة دقلبي سولي ، سارة: كتعرفي واحد الولد ، ضارت عندها بالعرض البطيئ و هزات حاجبها وقالت: امممم ولد كيفنو عامل هاد العايل، سارة عضات على شفايفها وقالت: واحد الولد طويول و عامر و عينيه كوحل و هو سميمر

وسيلة : فاين شوفتيه بضبط و واش مزيون هايدا فوجهو ، سارة: اه زوين مسرار كنشوفو دائما حدا البير اااه تفكرت واحد نهار عيط ليه واحد دري يوسف سميتو يوسف ، وسيلة : يوسف ؟؟اممم واش عندو ختو اسمها ياسمين ، سارة: منيتك مالي خدمت ليه الحالة المدنية باش انعرف انا صافي غاكملي شغلك فقصتيني ضارت كتكمل ماعنها وهوما تايحرشو بيها ويغنيو : اراولي زين جبل ❤️ ، هي مرة تغوبش مرة ضحك تاسالاو وسمعو لهاراج دشي ناس جاو تادخلات عليهم مرات عم سارة حبيبة : جاو ضياف سيرو بدلو عليا هاد لبيجامات و لبسو جوهارتكم واجيو ديو صينية ، سارة كتمسح يديها فلمنديل ، شكون احبيبيتي لي جا ، حبيبة : شي ناس جاو يخطبو جايبني سكور و لمشمووم دلورد يالاه ايوا قم تباع بنات عمك ولبيس عليك يالاه ، مشات بثتاقل حلات جيهتها من الماريو جبدات تحتية جوهرة لي كانت عطاتها احلام باقا عندها مقدراتش تلبسها شداتها ودارت عند بنات عمها لي مشاركينها البيت : لبنات شكون لي تبادل معايا الميمة ، وسيلة شافت الجوهرة وقالت: ومالها كاعايبة اولا ، سارة: لا مافيها والو غا محملاهاش و صافي اصلا هاد لون كيغلقني ، هزاتها وصال بنت عمها لاخر وقالت: امممم مزيونة ماارة كاعاورة معجباتكشي شوف شوف لخياطة كيفني متقونة معندي مانقول اريها لي وهاك تعزل فهاد لبلعة دتحاتا انا طلعولي فلقران دراسي ، مشات سارة وختارت وحدة فلكرونة مشطات شعرها و طلقاتو على كتافها دوزات كحل على عينيها جاها فن مع عينيها خوضر و دارت عكار كرونة مع فغاجو و ماسكرة لبسات تحتية جاتها عبار واخة هي لبلدي مكايواتيهاش بزاف ولكن هاد لمرة طاح عليها سر خرجات و مشات كتمايل بشعرها الاشقر هزات صينية داتاي و مشات لصالة حطات صينية و هزات عينيها جاو نيشان مع عينيه مقدراتش ترمش بقات غا كتشوف تانغزاتها حداها