💫 وجدت حيث انتمي 💫
الفصل الاول 💎
✨ فاقد للحب مفتقدة الحنان ✨
هي الوحيدة بين خوتها لي مفاهمة مع سارة سلعة وحدة تانطقات لالة كلتوم: ايوا ابنيتي كيف عاملة مع شي قرايا ، سارة: مزيان هاحنا كنعديو قربنا نساليو ، لالة كلتوم: مزيان تبارك الله عليك بغيت نسولك ديك لبنيتة لي قادات لهند فعرسها واش كوافورة عندها المحل ديالها ، سارة ابتاسمات فوجهها ابتسامة صفرة وقالت: اه اخالتي كوافورة عندها صالونها ، لالة كلتوم: تبارك الله علاش ماكملاتش قرايتها فحالك؟ ، سارة: ويلي وهي لباك داتو غا بلكشايف سقطات فيه ولعام تاني نجحات غا بنقيل ، لاله كلتوم: بصح اويلي ، سارة : اه اخالتي انا واحد لوقيتة بعدت منها هي خارجة لطريق شوية راه ديما مدابزة مع دارهم مبقيتش تانعمر معاها ، لالة كلتوم: علاش ؟ ،سارة : وكايقولو عاطياها غا لتصاحيب ودراري انا عاطياها تيساع كايقولك معامن شفتك معامن شبهتك غا هي لاصقة فيا ، لالة كلتوم: وختي كضل تشكر فيها ، سارة: فحالا معارفاش ماما راه غانية وهي كي تاتا كل مرة فشكل ولون كتبدل لبراءة قدام بنادم اما هي عافيه تحت تبن ، لالة كلتوم: اويلي الله يهدي ما خلق ، نطقات هند تاني مكملة على شغل سارة ،: هاء واهي غير نهار لعرس كل مرة مصونيا ليها نمرة كل مرة هاضرة بلغة ها لمصرية ها الخليجية ، سارة: واييه هي غير جات وحلات محل اصلا دارهم ماعندهم مايديرو ليها وغير لبارح دارو ليها لباب الحباب قالك حصلوها مع شي حد بطموبيل ، لالة كلتوم تصدمات وتيقاتهم قالت: ويلي هاحاي انا كنت باغا زعما نشوفها لمهدي صدمتوني ، هضرات هند بزربة : من نيتك اماما مهدي تبارك الله قاري و واعي وزوين و برزقو وخدمتو تجوجيه وحدة فحال هاديك لازين لا اصل لا عائلة لا قرايا ماشي ديالك اماما،
سارة عجبها الحال مكرهاتش طير عليها تبوسها ابتسمات ليها وغمزاتها ، كملات هند هضرتها و قالت : خاي مهدي خاصو شي وحدة قارية و واعية كتعرفو اصلها و مفصلها وعائلتها قريبة لينا حسن من شي وحدة بعيدة زايدون باينة فيها طيارة راك شتي العرس ناس كالسين وهي فيها دودة دشطيح سارة لي بنت خالتي كلسات بتاويل ورزانة مهدي مرزن خاصاه شي وحدة مرزنة ، سارة عجبها بلان هند تاخالتها رايمة لهند كتر من هدى لي كانت رايمة لباها ملي مات رامت لمهدي بقاو تايعمرو ليها فراسها وحدة هنا ووحدة لهيه 🥀عند احلام 🥀واقفة فريسيبسيون ديال صالون كتشوف شنو عندها ليوم لبنات خدامين تاكتسمع شي صداع هزات راسها كانت حياة بجلابة و عكسة دايراها بزيف فوق راسها وكتغوت خنزرات احلام ومشات باتجاهها ، احلام: اشرييفة ياك لاباس ياكما غلطتي فلعنوان ، حياة: هادي نتي ياشفارة يابنت الحرام ادوي ليوم نجيب لمك لبوليس ، احلام طلع ليها دم هي ماباغا شوهة فلمحل ، احلام جراتها من الكول دجلابة و قربات حدا ودنيها ونطقات بخمس : اتهزي لباطل ديالك وتجمعي كرك ولا قسمت فمي بالله ايتا نفرج فيك لي يسوا ولي مايسوا يالاه قاودي عليا من هنا متعرفيني منعرفك ، دفعاتها تاطاحت بقات حياة كتشوف فيها كيفاش لبنت لي ماخلات مادارت ليها رماتها كي شي حشرة
أنت تقرأ
💫وجدت حيث أنتمي 💫 ( مكتملة ❤️🔥)
Short Story🌟الان على شاااشتكم بلمسة واقعية بقلمي 🥀 هبة 🥀 ✨وجــــــــدت حيــــــــــث أنتـــــــمي ✨ ✨وجدتك بعد أن فقدت كل ما أملك ، بعد أن كنت احيا بلا موطن ✨ 🥀وجدت كل ما فقدته فقط عند وقوعي في شباك حبك انت الذي تشعل حياتي شموعا وليلها ن...
