💫 وجدت حيث انتمي 💫
الفصل الاول 💎
✨ فاقد للحب مفتقدة الحنان ✨
الجزء 55❤️🤍
بقلم هبة 🥀
توجهات لديدجي وخدات المايك وحنحنات وقالت :مرحبا بيكم ليوم خطابة صاحبتي لعشرة دسنين كتر من ختي واعدتها نغني ليها نهار خطابتها (شافت فيهم بمكر مركزة فيهم بحالا كتقول عقلو على هاد لحظة) مبغيتش نخسر ليها خاطرها وحبيت نغني ليها واحد الاغنية كتعجبها
دارت عند ديدجي وقالت ليه الاغنيه باش يقاد لحن وبدات كتغني بصوت مبحبح فيه شيئ من الحزن والانكسار: ينعسني على كتفو ويقول ليا حبي ، خلاني والفتو مالو علاش غدرني
ينعسني على كتفو ويقول ليا حبي ، خلاني والفتو مالو علاش غدرني واااقتلتيني وااادبحتيني هاد المرة واغير هاد المرة واغير هاد المرة واااقتلتيني وااادبحتيني هاد المرة واغير هاد المرة واغير هاد المرة .
نزلات دمعة من عينيها كل الحضور كيشوف بإستغراب من الأغنية و من نبرة صوت الحزينة تاحطات المايك وخرجات بزربة قبل لايشوفو دموعها ،
عمرها ضنات ختها تغدرها ولي عتابراتو موطنها صدق منفاها عينيها عماتهم نار الحقد والكره حلفات تاترد دقتها هي مضعيفاش باش تخلي ضرباتها بل اتردها بضوبل هي فهاد لحظة علنات حربها انتقاما لحبها
دار سبة بتيلي كيصوني وناض تابعها لقاها قدام الباب كتنخصص شد فدراعها دفعاتو بكل قوتها وقالت: اخر مرة كتسمع ااااخر مرة تحط يدك عليا ولا تقلب عليا ولا طوف بساحتي اندمك كتعرف شناهية اندمك
مهدي: غير سمعيني ا احلام نشرح ليك عاد هضري
غوتات فوجهو وقالت بغضب: شغانسمع شغادي نسمع نسمع كدوبك كنتي كتفلا عليا هاا ونتا جاي بشقيوتك تخطب وتبقا تفلا عليا محشمتيش دوي هضااار مالك ساكت نطق قول شي حاجة علاش هاكا علاش عدبتيني اش درت ليك فاش اديتك علاش تكدب عليا تقت فيك انا تقت فيك ساعة خسارة كاعما تستاهل ولاكين صبر دبا تندم عقل عليها مزيان
خلاتو واقف ساكت معندو مايقول فهاد لحظة حس بلخنقة مقادرش يوقف خيب امالها وخذلها فيه هي لي عتابراتو موطنها لكن خيب ظنها ، اما هي غادة وشرارة الحقد و رغبة فالانتقام فعينيها هي مضعيفاش باش تخلي دقتها بل غادي تردها مضوبلة هي فهاد لحظة علنات حربها انتقاما لحبها
💔 ظننته حبا ما بعده حب ، فانكسر عمود ثقتي به عندها تخلى عني وانا من كنت أظنه وطن لاكنه كان منفى💔
رجع هو للخطبة تايشوف فيهم و يشوف فمو كيفاش ضاحكة وخواتاتو تاهما كلشي ضاحك و فرحان الا هو عاقد حجبانو و مخنزر فحالا كنازة ماشي خطابة جابو لخواتم باش يلبسوهم العرسان حطوهم هزات سارة خاتمو تلبسو ليه نترو من يديها لبسو و ناض جمع الوقفة وخرج وخلاهم مفاهمين واالو سارة مفقوصة عينيها حمارو بالاعصاب ابتاسمات ابتسامة صفرة لالة زهرة معجبهاش الحال اصلا هي مكانتش موافقة على هادشي من لول ولكن مابغاتش تهضر الخاطر لبنتها لي شافتها اتحماق
💫 وجدت حيث انتمي 💫
الفصل الاول 💎
✨ فاقد للحب مفتقدة الحنان ✨
الجزء 56❤️🤍
بقلم هبة 🥀
⚡فلاش باااك ⚡
لالة كلتوم كالسة فصالة ديال دار ختها حاطة رجل على رجل هازة كاس ديال اتاي كانت بجلابة فلموف بلقميص ديالها وشال فوق راسها قدامها لالة زهرة تاهية هازة كاس ديال اتاي تا نطقات لالة كلتوم: ايييوا اختي جيت ليوم على قيبال واحد الحاجة ضرورية ، حطات لالة زهرة كاسها وشافت فختها باهتمام : مرحبا اختي على راس ولعين ، كلتوم: ايوا كيما كتعرفي لبنات جوجتهم و بقا ليا المهدي وشحااال ونا كتقلب ليه على لي تليق بيه وتناسبو ومالقيتش حسن من بنتك ، زهرة : نورة ولا نسرين ، لالة كلتوم: تاوحدة فيهم سارة ، زهرة شافت فيها وقالت: اختي سارة بنتي وانا عارفاها لكراكطير ديالها صعيب و يقدو ميتفاهموش وانا منبغيش نخسرك على قبل مشاكلهم ، لالة كلتوم: ومالكي على هاد الفال لولاد متافقين ومنزيدوهم غير بصلاة على نبي ، كانت سارة مور لخامية كتصنت مكرهاتش تقول لمها دخلي سوق راسك شغلي قادة بيه، شدات راسها بزز دخلات وسلمات على خالتها وكلسات جنب مها مصطنعة لحشمة لي مكتكسابش ، لالة كلتوم: اييوا ابنتي اتكوووون هند قاتلك بلي انجيو نخطبوك لمهدي شنو بانليك ، سارة: انا منلقاش حسن منك عكوزة و منلقاش حسن من مدي نتجوج بيه ، لالة كلتوم: ايوا هادا هو الكلام أجي الحبيبة ديالي حدايا ، مشات سارة وكلسات حداها ، بقات لالة زهرة حالة فمها فيهم كيفاش مولمين كي سمن مع العسل تنهدات عارفة بنتها كيدايرة و ختها كيدايرة هي انسانة مسالمة وماقادة على مشاكل معاهم صبرات تامشات ختها وهي تقرب عند بنتها وقالت: بنتي سارة واش عارفة راسك شاكديري ؟، شافت فيها سارة بنص عين وقالت: مالي بنتليك كنقطع حوايجي ولا كندير لمنكر ، زهرة: راه ابنتي هادشي لي كاديري فيه واش يوصلك ولا لا،حطات سارة لكاس د اتاي بنترة وقالت: مالنا اختي على هاد لفال انا عااارفة راسي شكاندير غا عطيوني تيساع وتفرقو عليا ، دفعات طابلة برجليها وناضت تاتبركم : مايكلس معاكم حد فهاد الخربة ايييخ ياربي ايمتا نتهنا منكم ومن هاد العيشة يااااربي ، خلات لالة زهرة غير كتنهد على حال بنتها لي بطغيانها و انانيتها اتجيبها فراسها ⚡نهاية الفلاش باك ⚡
أنت تقرأ
💫وجدت حيث أنتمي 💫 ( مكتملة ❤️🔥)
Короткий рассказ🌟الان على شاااشتكم بلمسة واقعية بقلمي 🥀 هبة 🥀 ✨وجــــــــدت حيــــــــــث أنتـــــــمي ✨ ✨وجدتك بعد أن فقدت كل ما أملك ، بعد أن كنت احيا بلا موطن ✨ 🥀وجدت كل ما فقدته فقط عند وقوعي في شباك حبك انت الذي تشعل حياتي شموعا وليلها ن...
