💫وجدت حيث أنتمي 💫 ( مكتملة ❤️‍🔥)

الفصل الثالث 🍁 جزء من قلبي لا منتهى له 🍁

💫 وجدت حيث انتمي 💫
الفصل الثالث 💎
🍁جزء من قلبي لا منتهى له 🍁

بدات كتخربق عليهم دارو راسهم تيقوها وخا هدى شاكة تسعين فلمية بلي كانت مع مهدي غبرو بجوج دقة وحدة اما رباب مافراسها مايتعاود اصلا كملو سهرتهم بلامهدي لي ملي تفارق مع احلام ما رجع عندهم رجعو فحالهم باتو فدار احلام لي فكازا فصباح ناضو و مشاو راجعين لرباط ✨بعد مرور اسبوع ✨سيمانة دازت بتمام و الكمال معاوداتش سمعات فيها احلام حس مهدي  تشطنات عليه و بدات راسها كل مرة مخيل ليها حاجة تاولات عصبية وباغا غير تقاتل ، كانت كالسة فبيتها بلبيجامة دميكي ماوس جامعة شعرها و دافنة راسها فلمخاد تادخلات عندها رباب حلات ريدوات باش يتشمش لبيت وبدات كتفيق فأحلام لي بدات كتغوت وتفير عليها بلمخاد : وابعدي مني اصاحبتي والله ماعندي لاخاطر لا مورال لضحك واصلة بيا للعضم ، رباب : اش وصلها بيك للعضم مالك شنو لي مقلقك ملي جينا من عند معاد ونتي ماشي على برجك غا ساهية و مكنكرة ياك انا ختك واعاودي ليا ، احلام بصوت مخنوق : مامالي وااالو وال (حبساتها رباب وقالت: شوووت متحلفيش على الكدوب بيك شي حاجة ماشي احلام لي كنعرف عاودي ليا ماتعرفي ترتاحي ، أحلام بدات كتبكي ودموع هابطين على حناكها ورباب كتمسحهم و معنقاها بدات كتعاودي ليها على مهدي وشكون هو وعلاش هاد الحالة كلها تاسالات وهي مزال كتنخصص تانطقات رباب وقالت: دبا نتي كتبغيه (جات احلام تنكر وتغوت وهي توقفها وكملات هضرتها) ملي نسولك واش كتبغيه هي واش قلبك باغيه عمرك كتعاندي القلب اتعيشي معدبة عمرك تكابري اه هو غلط انا مكنجيش من جيهتو ولكن تانتي غلطتي داكشي علاش ايلا كان قلبك باقي هاز من جيهتو ولو كرام ديال المحبة متفرطيش فيه و عطيه فرصة وحدة اخرى و نساي ايلا بغيتي تعيشي مرتاحة سيدي ربي سبحانه و تعالى لي شانو عظيم و كيسامح عبده ايلا خطأ شكون حنا فملك الله لي نهزو دغينة و منسامحوش نتي راك فينما كتفكريه بشنو دار راك تاتحطي الملح على جرحتك و كتأذي راسك بدرجة الأولى ، أحلام: ولكن هو سمح فيا و خلاني هادي سيمانة مكلف راسو تايسول ، رباب : الغايب حجتو معاه معارفتيه فاش ايكون مشغول و اصلا معارفك فين كاينة معندو نمرتك ، أحلام كتمسح دموع بكمام بيجامتها : كون بغا كون خدا نمرتي من عند هدى ، رباب : ياخدها بلا اذنك

سكتات احلام مودة كتفكر فهضرتها عاد نطقاات بنبرة باكيةأحلام: ولكن انا كنبغيه شنو ندير باش نرجعو ، رباب مغاديري وااالو لكان فيه الخير ربي ايجمعكم ، أحلام: وزعما يكون سامحني على شنو درت ، رباب : معرفتش ولكن ليام اتبين واش سامحك نتي ماعليك غير تكملي حياتك وربي ايدير ليك تاويل دالخير يالاه نوضي ودوشي وبدلي هاد الحالة نخرجو نضربو ضويرة نفوجو على راسنا ، وقفات احلام كنجمع شعرها و قالت : معرفتش شنو كنت اندير بلا بيك (عنقاتها كتستمد منها الحنان الاخوي وقالت) تا كنت ضربت على صحابات فخطرة ولكن بينتي بلي باقين بنات ناس شكرا ، شافت فيها رباب وقالت: مكايناش شكرا بين الخواتات يالاه سيري طلقينا خلاص نوجد راسي ونجي ، خرجات و خلات لبسمة على وجه احلام وشعلة من الامل داخلها دوشات و لبسات حوايجها متكون من سروال بوي فريند فلكحل فيه تقاطع من جيهة ركابي مع تيشرط فلبيض وفيها كتبة فلكحل قصيير مع سبادرين بيضا خلات شعرها مطلوق دارت ايكخون صوليغ و كلوص طرونسباغون كيلمع هزات صاكادو صغير فلكحل رشات ريحتها دلفريز و خرجات لقات رباب واجدة وكتسناها ركبو فلوطو و كسيرات كيغنيو No se me quita فرحااانين احلام كتحس براسها كتفوج مع رباب و ديما كطلع ليها المورال بضحك ديالها وتفرفيش لي فيها تفكرات سارة شتان مابين هذه و تلك لخرى كانت أنانية بدرجه الأولى عندها غير ماعند راسها ماعمرها حسات بجرحها ولا حاولات تسعدها اما هادي فينما تشوفها مقلقة كتحاول تغير ليها الجو تاكضحك