اناث لاحول ولا قوة

القـوىٰ السادسه

مَكتوب دوم ألهَا الحِزن
هي دمُوع بلا وعَي
تنزل تنَام بخدها !
شَنسوي قسمتها بعد
چَا همُه گالوَها قبل
كُل حلوة حَظ ما عدها

لـ رُسل فهد"

اناث لاحول ولاقوة

مـيان الدلـيم

تصويت +متابعه لحساب الواتباد +التعليق بين الفقرات

ــــــــــــــــــــــــــــــــــــــــ

                              مـياسـه

مُجرد ماطلعت الفࢪع  انهاريت گعدت علىٰ الرصيف اشهگ وابچي بقهر واعض بأيدي اكتم صوتي،

اني شسويت جرحته ولكممم اخخخخ ياقهر گلبي،
جرحت الانسان الي چان يفديني بحياته يمه گلبي يمه يوجعني؛ فزيت علىٰ صوت مرأة عجوز تحجي وياي….

غسلت وجهي وتسأل بيه حجيت بشهگه: خ خاله كسرت گلبه خاله چان باني آمال عليه واني حطمته،

خاله وين اروح من ربي واني كاسره گلبه خاله ادعيلي الله ياخذ امانته وارتاح اخ يمه گلبي؛

ماحجت شي اكتفت تمسد علىٰ راسي وتقرأ ايات عليه،
واني فرغت كل البچي كلما اسكت اتذكر عيونه شلون يباوعلي بخذلان مامتوقع هل كلام منيي،
بس شنو بأيدي انيي حياته اهم مني اخخ ياوجع گلبي اخخخ..

فزيت علىٰ اتصال شفته أدهم بلعت ريگي بخوف يمه دخليك يابو الحسنين هسه انعلس. فتحت خط واني امتمت

مياسه: اءء الووو هلا أدهم

أدهم: عندچ ربع ساعه بس الگاچ يمي اذا تأخرتي ثانيه وحدي احسبي روحج بالسماء يلاااا..

عاط بيه نزيت بخوف سد الخط،
واني گمت ابلعم يبوو هذا شيقنعه يلگفها وهي طايره دخليچ يم الحسن احضرينه.

تشكرت منها وأجرت تكسي وگبل لبيت أدهم نزلت رجليه وحده تطگ بالثانيه من الخوف…. دگيت الباب طلعلي عيونه

بگصته ومخنزر بوجهي عاط بيه،

جفلني لزگت نفسي بباب البيت لطشت ما ادخل،

  لو اموت هسه يذبحني علىٰ القبله ماعنده مانع مايتفاهم أدهم من يعصب مايعرف ابووو..

-ش شبيك أدهم تعيط خل نتفاهم.

-اي ادخلي جوه واني اعرف شلون نتفاهم ست ميااااااااسه..

ابتسمت ببلاهه اضيع توتري من عاط بأسمي وحجيت؛

-هاا لا تسلم ماكو داعي ندخل خل نتفاهم بالباب..

بدون لايحجي سحبني للحديقه وعافني،وگعد علىٰ الكرسي طلع جگاره يدخن،
ومقلص عيونه عليه يُدرس تصرفاتي تحمحمت اخفي التوتر وامسح بدموعي وفتحت الموضوع اني..

-شوف أدهم الموضوع بيني وبين آدم فـ رجاءً لحد يتدخل اني نهيت هاي العلاقة..  لان استنزفت طاقتي بعد ما اتحمل وشسمه اني ما احب آدم چنت اگضي وقت وياه…