اناث لاحول ولاقوة

القوىٰ الثانيه عشࢪ

أتيتُ نحوكَ لما الدّهرُ أتعبَني
‏فما لبثتُ و زادت بي جِراحاتي
‏إنّي أتيتُك بأشتاتي لتجمعها
‏مالي أراكَ و قد شتّتَ اشتاتي؟

اناث لاحول ولاقوة

بقلمي انا ميان الدُليم

لاتنسون تعلقون راح اتابع التعليقات كلهن انطوني توقعاتكم🤍

___________

                            ياسه

گعدت الصبح متذمره هسه وكت دراسه يمعودين نريد انام والله تعبانه كلش. انعل ابو السلاح لابو الدراسه

غسلت جهرتي التشگ شگ ورطبتها وطلعت غيرت ملابسي ولميت الملازم ولبست الحذاء مابقى وقت للمحاضره.

وطلعت اركض لكرار اريده يوصلني لگيته ينتظرني شمرت الملازم وره وصعدت بالصدر حرك السياره هو مطنگر واني مطنگره غراب يگول لغراب وجهك اسود.

ربط الجهاز على اغاني ردح  خزرته وغيرها لأغنية قاسم السلطان أم شامه . شگد. اكرهه. صفگ بايده
واتحمس واتفاعل بالاغنيه كلش، وگام يجوعر وياها بصوته الخايس:-

انيييييي ويااااااااج يممم شامه

على السطح نتلاگه سوا لا كهرباء

ولا ضوا اني ويااااااج يم شاااااامه

فتح ايده وكفخني ورجع عاط:-

نتفح ايدينه للهوى والحب

يذوبنا سوا انيييي ويااااااج يم شااااامه.

وسم ووجع وطگ رحااا ولككك صخااام راح نسوي حادث طفي النعال كراااارر يمااااااا يبوووووووووو راااح نموتتتت.
عطت بخوف من شفت السياره انحرفت عن السايد.

كفخته على راسه وهو لزم بريك وانلطخنه بالجامه.

لزمت راسي وعطت:-الله لايوفقك الدايح السايح الادبسزز الساقط انعل ابوك لابو أم شامه لابو الي يريد شامه لابو الحب ولك صخاااام راح نموووت انعل بليسك وانعل ابوك الدايح.

رجع الكفخه الي وفحط من الضحك عابت شگد حقير سحبت ملازمي ناويه انزل أأجر تكسي بس ماقبل وأحترم نفسه ووصلني للكليه الگشره…

                          نور

مرت كم سنه بسرعة البرق ماحسينه بيها ابد ويوم عن يوم يزيد حُبنه لبعض  وحياتنه كانت راح تخلى من المشاكل لو ما اهل علي الي طلعو روحي بموضوع الاطفال يا فلانه زوجت وراج وحملت وذيچ اصغر منج وجابت طفل وووووو.

كلامهم عباره عن اطفال… اصلًا علي مأجل موضوع الاطفال علمودي لان عندي تكيُس ودا اراجع علموده  والحمدلله بأستمراري بالعلاج انزال وبأقرب وقت ان شاء الله انرزق بطفل يملي حياتنه.