چا والناسّ والوهواس واثار البَجي ونوحّه
ترى التعٌبان من روحهَ ما أضِن تبرَد جروحَه.
اناث لاحول ولاقوة
ميان الدليم
__________________
نوࢪ
سمعت الصار ويه مياسه كلش انقهرت عليها ماتستاهل الصار بيها.
دا احجي ويه ياسه سديت الاتصال من عدها وفزيت على
دفره الباب التفتت شفته عُثمان دخل ملهوف ووجهه اصفر
لزم ايدي ويسأل بيه:-نوࢪ صحيح الي سمعته؟ ريناد معتدين عليهااا ابن خالهاا؟ شلوووون وييين وللللييششششش احجيييي جاوبييييييييي لاتفرفحين گلبيييييي…
-اسم الله عليها شبيك عُثماان مو ريناد شبيك مفاول عليهااا منو گلك هل خبر الكاذب؟
-ما ااعرف ما اعرف نوووࢪ ولج اجتني رساله تگولي الحك حبيبة قلبك شبعو منها وشمروها. ودزولي صورها وهي مغمي عليها بالمستشفىٰ.
-اهدأ يروحي مو ريناد يجوز متخربطه اي بس محد مسويلها شي بنت عمها معتدين عليها مو ريناد.
اتنفس الصعداء براحه وسبل عيونه فرحان.
بدون لا يحجي شي طلع هذا شبي؟ يمكن شخط.
اتصلت على علي اسأل عن حالهم.
جاوبني بصوت تعبان ويجر حسرات:-ها ينوࢪ عيني.
-هلا يروحي شبيك شصاير؟ ليش هيج تعبان مو لازم تتقون علمودها لاتبينون ضعفكم علمود تتقوى بيكم انتم سندها.
-اووف اوف يانوࢪ والله ياعيني لو تشوفين حالها تبچين دم
كسرتنه بوضعها هذا وآدم منتهي عليها فرد مره.
-اووف والله ما اعرف شنو احجي واگول بس الله يصبركم
وينطيها الصبر والسلوان.
ظلينه نحجي اترخص من عندي وراح واني گمت اعزل
البيت. ما گدرت اروح لان ماما كلش مريضه وعمامي
موجودين مابيه حيل للمشاكل .
بس يَمان ما اعرف شلون الله هداه وراح عليهم.
بس مبين اخوي واگع ومحد مسمي عليه…. بس مدا اعرفها
منو الاخذت گلبه.!
اتصلت على ود اكثر من مره ماترد عليه استغربتها ليش شصاير؟
صارت هوسه بره عياط زلم ونسوان يا ستار.
طلعت ركض لگيت عُثمان يعيط وعمامي يعيطون ويَمان معصب كلش.
لمحت طرف السالفه من بابا يأشر على اخواني وگام بأمر:-الي عندي گلته تعقدون على بنات عمكم بدوون كلاامم الاحد العقد وانتهى النقاش.
أنت تقرأ
اناث لاحول ولاقوة
Mystery / Thrillerاناث لا حول لهن ولا قوة جار عليهن الزمن بقوة كــ لعبة تنس تضرب بقوة بيد من لا يخاف من هو أقوى لكن كان للقدر رأي آخر .. غير حياتهن من العدم إلى الأولوية القصوى .. بطريقة وضعت حد لكل وحش طغى .. حرفت مسيرة القدر بأنتصار الأَسْرى .. وانتهاء الحرب ب...
