اناث لاحول ولاقوة

القـوىٰ الثـانيه

"‏إن المرء مع من لا يفهمه سجين."

- التبريزي

تصويت للبارت لطفًا+ تعليق بين الفقرات +متابعه لحساب الواتباد

حساب الانستا my._._16

قناة التلي https://t.me/dxy512

ـــــــــــــــــــــــــــــــــــــــــــــــــ

                          ريـناد

دخلت وراه اهرول بسبب رجلي انصدمت وباد حيلي من منظر الدم الموجود بالصاله. .....
ماما واگعه على الارض ودا تنزف والواضح انو متزحلقه لان اکو مي واگع علىٰ الارض..

تقرب منها آدم وواضح عليه مصدوم مايعرف شنو يسوي وماما تتلوى من الالم وتنزف بغزاره صرخت بي واني ارجف من هول الموقف...

والمنظر المخيف بسبب الدم :- آدممم شبييك صافن يلا شيل ماما راح يخلص دمها ونخسر الطفل انتبه عليه وهز راسه

كأنُ هسه صحى على نفسه شال ماما وطلع يركض قبلي
طلعت وراه فتحت الباب اله خلا ماما بالسياره وصعدت
بسرعه شخط السياره بسرعه كبيره كلت هسه نسوي حادث نزلت دموعي...

وظليت اهدء بماما وهي خطيه عاصره نفسها ماتريد تصرخ لان تستحي وصلنه للمستشفى بقوة قادر لان گلت هسه ننگلب بسبب السرعه نزل يركض اخذ ماما من حضني ودخل للمستشفى قبلي نزلت علىٰ كيفي قفلت السياره،

واخذت جهاز آدم احترگ بالمكالمات باوعت للاسم شفته سند فتحت خط واجاني صوته يصرخ وينعل ويسب:- كـ** انعل ابوكم ليش ماترد آدم شنو هذا الدم تارس البيت وريناااد وينهاا.

مسحت دموعي واردفت بشهگه:- سند اني ريناد باوع تعال للمستشفى ماما متزحلقه بالمي ودا تنزف يمكن راح تجيب.

سد الاتصال مخبوص حتى بدون لا يرد عليه دخلت للمستشفى ادور آدم وماما وينهم سألت الممرضه گلتلي بالممر مال العمليات تشكرت

منها ومشيت بعدني ماوصلت وانردمت بشخص رجعت اختل توازني رجعت ليوره اسقط على الارض لو ما يحاوطني شخص ويسحبني عليه بقوه انردمت مره ثانيه بصدره عدلت

وگفتي ودفعته واردفت بنرفزه:- ايي شبيك ماتشوف تردم بالرايح والجاي؟ مو مردتني مرد وچان وگعت فوگ ما اني مكسوره رجلي.
حجيت بدون لا اخذ نفس كملت كلامي واتنفست بسرعه..
ضحك واعتذر: اسف خويه چنت مستعجل ماشفتج اعتذر منج صح انتِ الغلطانه بس نمشيها واصلا لازم تتشكريني لان نقذتج من الوگعه چان هسه انتِ بقسم الكسور هههه،.

رفعت عيوني عليه وخزرته لفت نظري لابس كمامه وبس عيونه طالعه انتبهت عليه احس اني شايفه هيج عيون من قبل هسه توني دا احجي ورن الجهاز

ابتعدت عنه وفتحت خط طلع سند يسأل علىٰ اسم المستشفى..

انطيته العنوان ودخلت لطابق الثاني لگيت آدم يفتر متوتر ويفرك براسه واعصابه ناطه وشرايين ايده بارزه اعرف بي خايف علىٰ ماما انتبه عليه واجاني يركض:- هاا باباتي اسف نسيتج بس امي ماخلت براسي عقل خايف عليها لان كلش
نزفت وحالتها خطره من المحتمل يموت الجنين.