اناث لاحول ولاقوة

القـوىٰ الثـامنه

وخاف امَوت
نَام يِمِي وبُوس گبري
و ودعَني
ولايَضل بالگ عليَه
حتى لو ميت
احبَك وابد مايُبرد حَنيني
وادري بيگ شگد حَنين
وخاف اتعبك لا تجيني
هاي دنيِا
وگلها تُمشي ابريني الذُمه وسامحني
يچوز اروح من ايدك
وأنتَ بعدك بين ايديني.

اناث لاحول ولاقوة

مـيان الدليم

_____________________

                      ياسه

رجعنه لبيتنه بعد ما اتطمنه علىٰ ريناد.

دخلت للحمام سبحت وغيرت ملابسي وبوجهي للغرفه لگيت

كرار وسند گاعدين يحجون طفرت على السرير يمهم

سحب رجلي سند ونام عليها ظليت امسد علىٰ شعره واحجي وياهم.

-سند اني ببالي فد سالفه وحايره بيها.

- امممم احجي شنو هي.

-باوع امانه مو تضحكون عليه بس مو تحسون سجى وأدهم

لايگين لبعض؟ 

-اوو من زمان وخل انطيج الاقوىٰ أدهم يحبها وينتظر الوقت المناسب علمود يعترف الها ويخطبها ويسافر بس طلعت اله هاي سالفة العقد صفح ف راح يسافر وبأقرب وقت يطلب ايدها للزواج.

-كذب  شوكت صاير هيج اشو اني اخر من يعلم هااا؟

-اني هم مثلچ. ماچنت اعرف بس كرار متسمع على أدهم وآدم موصي علىٰ ريناد وبلغه بهل موضوع.

-اهاا هنا رباط السالفه گول الشرقيه بلغتك بهل شي هههههه.

كفخني كرار يضحك حسيت بي شي لأن مو من عوايده يسكت دائما يهرجنه بسوالفه هرج.

-شبيك كرار اكو شي صاير؟.

- لا مصاير شي ليش؟

-بلي والله صاير شي مو من عوايدك تسكت حتى بالحفله

شويه وطلعت قبلهم اكو شي صاير احد مضوجك ابويه امي؟

تحسر وجاوبني بصوت تعبان  مو من عادته هيج:-اخخ اهلچ يا اهلچ دمروني ابوي فتح موضوع الزواج ويريدني اعقد علىٰ بنت صديقه واستغفر الله مو بنيه طرگاعه من

سألت عنها طلعت مُتاحه للجميع وابوي يلح عليه واكثر من مره اگوله يابه ما اريد ما أصخم ما ازوج لطش الا ازوج عمي شني الميزانيه واگفه عليه الا ازوج؟..

-لاتدير بال حبيبي خل يولي هو هذا هم ينحسب على الاباء؟
اشو حتى شكله ناسيته اني.
لحاله يمسلت محد عاش الي عشناه والصار بينه.

ف لا يجي يدور من عدنه نسمع كلامه وحق الله لو يسمع أدهم الا يگلبها عاليها علىٰ واطيها ويعرف بـ أدهم شنو يگدر يسوي.

-الله كريم اني ما اريد اشغل بال أدهم وادخله بمشاكلنه كافيه عليه مشاكله وصحة ريناد الي دا تتراجع.