اناث لاحول ولا قوة

القـوىٰ السابعه

الليلة إذا ما تِجي
ما أريد جَيتك بعَد
خَلي الجِفه يفيدَك
مو اني الأتوسلَك
ويچَلب بإيدَك

وبفَترة خَافن تِجي
وتحچيلي عَن ظَرفك
تواجهني مَيت بَچي
تِلگاني ما أعُرفَك .

اناث لاحول ولاقوة

مـيان الدلـيم

تصويت +متابعه لحساب الواتباد +التعليق بين الفقرات

_________________

                           ريـناد

عاطت ياسه بفزع من شافتهم يقتربون علينه متقصدين طلعت جهازي اتصلت علىٰ ادهم بعده مافتح خط والرمي صار مطر علينه صرخت بفزع…..

من حسيت راح ننگلب عاط بينه سند ندنگ نزلنه نفسنه فتح خط ادهم حجيت وياه بخوف مو علىٰ نفسي اخاف علىٰ سند لايأذونه لو يسوون شي للبنات..

ريناد: أادهممم الحگلي سياره ورانه دا ترمي علينه احنه ب….. انطيته المكان بسرعه وهو عاط بصوت مبين عليه تحرك من مكانه لان صارت هوسه يمه.

أدهم: اشش بابا اهدئي اجيتج اني حاولو تضيعوهم واذا اضطر الامر ارمي عليهم ماتتحاسبين انتِ محاميه،

لاتسدين الاتصال بابا ظلي وياي علىٰ الخط، سمعت شخطت سياره ويتصل من جهازه الثاني علىٰ آدم رفعت نفسي.

ووجهت كلامي لسند: سند حاول تضيعهم ادخل بالافرع.

سند: دا احاول ريناد بس اخاف عليجن خاف يأذوني بيچن

ياسه: لاتخاف ماطول ريناد تعرف ترمي هاهيه بس حاول تضيعهم بين مايوصلون آدم وأدهم،.

زاد السرعه حسيت راح نطير صارو بصفنه ورمو على الجامه…

صرخن البنات وسند شخط السياره،

ووكف عطت بي بحرگه: لاتوگف سند راح يلزمونه اتحرك، ماقبل يتحرك يخاف يرمون ونسوي حادث

نزلو من السياره تقدمو علينه اشخاص شايلين اسلحه ولابسين اسود بأسود دگو الجامه من يم سند فتح الجامه وهم حجوا

بأمر: احنه مانريد نأذيكم سلمونه   ريناد وتوكلوا.

عرفت غايتهم شنو التفتت علىٰ ياسه همست بصوت ناصي،
صخيمه باعي انتِ انزلي بمكاني اوهميهم انتِ ريناد لان شي اكيد لو يعرفوني چان اخذوني من البدايه واني راح اغافل سند واقفل السياره وانزل وراچ،

هزت راسها وفتحت الباب التفت سند عاط بيها ترجع نزلت واني سحبت اقسام سحبوها وتقدموا لسيارتهم فتح حزام

الامان سند يريد ينزل غمزت لمياسه افتهمت نزلت بسرعه
وهي قفلت السياره من الداخل صرخ سند بيها،

وهم مامهتمين حاطين سلاح براس ياسه ويمشون سرعت مشيتي  لزمت شخص دفعته للارض؛

وحطيت سلاح براسه هسه توه دا يلتفت عليه وضربته بالمسدس على راسه داخ رفعوا اسلحتهم بوجهي وواحد منهم حط سلاح براس ياسه يهدد بيه الارعن.