اناث لاحول ولاقوة

القـوىٰ التاسعه

مشِتاگلك والليّل وحَشة
ودمعِتي التَنزل ثگيّلة
وصّوتة مِن أطيّح عَالي
وحتِى محد يّدري بيّها
أركُض اتلگاهَا بيدي لمَن
تُمُر علىٰ بالي ، إنتَ ويّن ؟
أنا نُص مِوعد بّدونك
مِدري ياهَو يسد مُكانك ؟
وحَشة فراگك جبيّرة
بگد عشَرتك نار تحّرگ
بّروحي أمنيّات ويعِلى
دُخان الضِنون

اناث لاحول ولاقوة

ميان الدليم

_____________________

                     يـاسه

الي صار ويه مياسه فاجعه كلش چبيره مرت ايام وهي فاقده بسبب المهدء الي ينطوها الها.

صحت بس  مو ذيج مياسه لاا وحده ثانيه گلبت المستشفىٰ من العياط ضربوها مهدء ونامت.

وريناد هسه صحصحت. وآدم مخليله سيروم ضغطه معلگ

طلبت مياسه أدهم دخل واحنه بقينه ننتظر انتبهت لـ ود مبين عليها كلش تعبانه. طلبت منها ترجع ويه سند ترتاح واني بمكانها رفضت ماقبلت تروح بس لحيت عليها ووافقت بالتواسيل.

اخذها سند للبيت واني ظليت انتظر.

طلع أدهم عيونه بگصته ويرجف من العصبيه.

انتبه عليه اجه گعد يمي ونزل راسه بين ايديه يتحسر.

سألته شبيه حالته تقلق الشخص:-شبيك أدهم مياسه ييها شي؟

تحسر وجاوبني بصوت مهضوم:-اخخ مياسه يا مياسه كسرت ضلوعي بطلبها.

-ليش شنو طلبت منك احجي أدهم لاتقلقني.

بعده ما راد عليه والتفتنه علىٰ صوت ريناد جايه بأتجاهنه؛

نهض أدهم يتلگاها لان بعدها تعبانه وجسمها هزيل مهدود حيلها  گوه مسيطره  بسبب فقر الدم.

گعدتها يمي ارتاكت على كتفي وأدهم گعد من جهتها خايف عليها.

ضل يسأل بيها قاطع كلامنه هوسة التفتنه مره ثانيه لگينه عمامي كلهم  جايين بأتجاهنه والشر يتطافر من عيونهم.

نهض أدهم وحذرنه مانتدخل مهما يصير لا ننضر.

بس وين عركه وتهديدات وريناد تسكت لااا مستحيل.

عاط عمي الچبير بغضب:-أدهم انت لاتتدخل البنيه بنتنه واحنه نريد نغسل عارنه هاي نزلت روسنه الله لاينطيها

گالوها وما صدگنه كالو راح ينزلن روسكم بس اخخ من ابويه ماخلانه انتصرف ونغسل عارنه .

عاط بي أدهم وهو يرجف من العصبيه:-لهنا وبس ممنوع احد يمس بناتي بكلمه وحده اقسم بمن احل القسم اخلي طشاركم ماله والي وحق الحق الي يمسهن بمي ارشه بدم واني أدهم.

تنرفز عمي وگام يعيط ويغلط ورفع ايده يريد يضرب أدهم وأدهم لزم ايده مانعه وعاط بي:-اني حذرتك عمي مادام النفس طيبه اطلعو من السالفه لا قسمً بالله اگلبها عليكم