اناث لاحول ولا قوة

القـوىٰ الاولـى

﷽

ياحـَيرتي الما تنوُصف ،شحچيلك وتفهمني ؟

"اناث لاحول ولاقوة"

لِٓـ مـيان الدليم

تصويت للبارت لطفًا+متابعه لحساب الواتباد

حساب الانستا my._._16

قناة التلي https://t.me/dxy512

ــــــــــــــــــــــــــــــــــــــــــــــ

فزيت الصبح علىٰ صوت المنبه تثاوبت بنعاس طفيته ورجعت نمت. هسه توني مخليه راسي علىٰ

المخده وفزيت علىٰ صوت الباب يندك بقوه نهضت بسرعه اتعثورت و

انلوت رجلي بالغطى ما اهتميت اريد اوصل للباب افتحه راح

ينكسر بعدني ما واصله ووگعت علىٰ الارض گمت اصرخ بصوت عالي من الالم الصار بكاحل رجلي اندفع الباب بقوه

ودخل بابا يصرخ ويسب بيه لان اتأخرت بالنومه باوعت اله واني ابچي بسبب الوجع ما اهتم الي ولا لصراخي رفع ايده

وضربني بالحزام اجت الضربه علىٰ رجلي فرفحت روحي من الوجع انتهيت.: عليك الله بابا لاتضربني والله اخذتني

النومه، ما اهتم لكلامي ورجع ضربني اجت الضربه علىٰ وجهي كمت اصرخ واتلوى من وجع رجلي ووجهي.

-بنت الكلب اني مو محذرج انو من تصير ب ٦ اشوفج گدامي مجهزه الريوك ليش متأخره اليوم.

- والله هسه اسويلك ريوك عفيه بس عوفني. گمت اشهگ من وجع رجلي احاول ما اصرخ علمود مايضربني بس ما

اگدر. دخلت ماما تركض شافتني وانصدمت اجت عليه دفعت بابا وحاوطتني خلتني علىٰ السرير

ولزمت رجلي گمت اعيط بصوت عالي: اشش ماما هسه اخابر آدم يجي كسر بيدك

ياعمران ان شاء الله وين تروح من الله، طلعت ماما واني علىٰ فرد بچيه. هذا تصرفات ابويه من اتأخر بالنومه

يشوفني نجوم الظهر يستغل عدم وجود الولد ويضربني لو يضرب ماما، دخل عمي علي مستعجل الظاهر آدم ما اجه

شاف حالتي انصدم وتقدم بسرعه شالني وطلع. واني اناشغ من الوجع، وصلنه للمستشفى اخذولها اشاعه طلعت

مرضوضه رض كُلش قوي لفوها الي ورجعت للبيت. باوعت بالمرايه لگيت عمي عيونه بگصته ومعصب كلش

اعرف بي ما راضي علىٰ تصرفات بابا بس مابيده شي كم مره بمره تعارك وياه وماكو فايده، نزل من السياره واتقدم

الي شالني ودخلنه للبيت لگيت ماما تنتظرنه. شافتني اجت ملهوفه عليّ وتبچي: يمه شبيها بنيتي ليش لافين رجلها؟

-مابيها شي ام آدم مجرد رضوض وهي سباعيه راح تطيب بسرعه مو رنو كلامي صحيح؟

-اي. عمو اني سباعيه بس دمدم وينه؟ اشو ما اجاني،
-بالطريق هسه يصل اني خابرته گال فد شويه واصل، ادخل