Unicode
"ရောက်ပြီလား?"
"မရောက်သေးဘူး"
"အခုရော ရောက်ပြီလား?"
"ဘတ်ဟျွန်း၊ မရောက်သေးဘူး" ချန်းယောလ်ထပ်ခါထပ်ခါပြန်ဖြေလိုက်သည်။
"အခုရော!"
"ဟုတ်ပြီဘတ်ဟျွန်း ၊ ဟုတ်ပြီ! ကိုယ်တို့ရောက်ပြီနော်!"
ဘတ်ဟျွန်း အားရပါးရပြုံးလိုက်ပြီး ကားမှန်အပြင်သို့ကြည့်လိုက်သည်၊ အဆောက်အဦးဟာ အလွန်ကြီးမားပြီး နေရာတိုင်းတွင် ကားတွေကိုမြင်ရသည်။ မိသားစုတွေ သူငယ်ချင်းတွေ စုံတွဲတွေဟာ အဆောက်အဦးထဲဝင်ထွက်သွားလာနေကြသည်။ ဘတ်ဟျွန်း ကားပါကင်အတွက် နေရာလွတ်ကိုရှာကာ မြင်တာနဲ့ချန်းယောလ်ကိုချက်ချင်းပြောသည်။ ချန်းယောလ် ခေါင်းငြှိမ့်ပြီး ကားပါကင်ထိုးသည်၊ ဘတ်ဟျွန်းကတော့ နှစ်ခါမစဉ်းစားဘဲ ကားပေါ်မှဆင်းကာ ဝင်ပေါက်ဆီပြေးသွားသည်။ ချန်းယောလ်ခမျာ သက်ပြင်းသာချနိုင်ပြီး ဘတ်ဟျွန်းနောက်လိုက်ရသည်။
"ချန်းယောလ် လာလေ!"
"စိတ်အေးအေးထားဘတ်ဟျွန်း ၊ အဆောက်အဦးကြီးကထွက်မပြေးဘူး"
ချန်းယောလ် မနိုင်သလိုမျက်လုံးလှိမ့်လိုက်ပြီး မကြာခင်မှာပဲပြုံးမိသည်၊ သူရည်းစားလေးကစိတ်လှုပ်ရှားနေတာကို မြင်နေရတာမလို့။ ချန်းယောလ် ခန်းမကြီးထဲဝင်ကာ ဘတ်ဟျွန်းဘေးတွင်ကပ်လျှောက်လိုက်သည်၊ သူ့ရဲ့ညာဖက်လက်က ဘတ်ဟျွန်းရဲ့ကျောပြင်ကိုပွေ့ဖက်လိုက်ပြီး သူ့ရဲ့ဂျက်ကတ်ကိုခြုံပေးလိုက်သည်။
"မင်းရဲ့ဂျက်ကတ်ကို ကားထဲမှာမေ့ပြီးထားခဲ့တာလား ဘေဘီ"
ဘတ်ဟျွန်းပြုံးလိုက်ပြီး ကျေးဇူးတင်ကြောင်းခပ်တိုးတိုးပြောလိုက်တယ်။
"လူကြီးနှစ်ယောက်လား?"
"ဟုတ်ပါတယ်" ချန်းယောလ်ပြန်ဖြေလိုက်တော့ ရွှေရောင်ဆံပင်နဲ့အမျိုးသမီးက ဈေးနှုန်းကိုစစ်ဆေးသည်။ အဲ့ဒါနဲ့ပဲ ချန်းယောလ်လည်း ထိုအမျိုးသမီးကိုပိုက်ဆံရှင်းပေးလိုက်သည်၊ တစ်စက္ကန့်တောင်မကြာခင်မှာဘဲ ရည်းစားသေးသေးလေးက လူကြီးတွေအတွက်ဖွင့်ထားတဲ့တံခါးဆီပြေးသွားတာကို ချန်းယောလ်တွေ့လိုက်ရသည်။
YOU ARE READING
Innocence ( Translation )
FanfictionChanbaek Myanmar Translation Original - [ iyeol- ]
