අත් වැරැද්ද ( Completed ) / අත් වැරැද්ද 02 (Ongoing )

හැත්තෑහත්වැනි කොටහා

" පොඩ්ඩක් ඉන්න අහ් හා ම් මට මහ න් සි...... "

නෑ එයා නතර වෙන්නෑ.

සොහොනක්‌ මැද පාලු පාරක සුදු කමිසෙයි කළු කලිසමයි ඇදගෙන එයා යනවා නතර වීමක් නැතුව . හැබැයි හෙමීට. එයාගේ අතේ සුදු මලානික වෙච්ච රෝස මලක්. මන් කොච්චර හයියෙන් දුව දුවා එයාව අල්ලන්න පස්සෙන් දිව්වත් එයාට මාව ඇහැන්නේ නෑ වගේ ඇවිදගෙන යනවා. හුළග හින්දම දෙපැත්තේ තියෙන අරලිය ගස් වල මල් හිටන් වැටෙනවා. හති වැටිලා හති වැටිලා මයේ දණ හිස් දෙකම පාර සිප ගනිද්දී මන් හති දදා එයාට මහන්සි කිව්වේ අත් දෙකත් බිමටම තියවෙද්දී මට . ඔව් මයේ අනු නතර වුණා. නතර වෙලා එයා පිටිපස්සේ බිම වැටිලා ඉන්න මයේ දිහා බැලුවේ හරි දුක්‌ බර විදිහට.

" අනූ....... කොහෙද යන්නෙ ආ..... මාව දාලා යනවද ඔයා. ඇයි බන් මන් ළගටවත් උබ එන් නැත්තේ... එච්චරටම පළි ගන්න එපා මනුස්සයෝ... අම්මියි අප්පච්චියි වගේම උබත් මාව දාලා යන්නද හදන්නේ.. ඇයි මෙහෙම කරන්නේ මට ආ..... කතා කරපන්.... ඇයි ඇ යි එ හෙම කරන් නේ   "

මට අවසාන වචන ටික කියන්න තරම් වත් කටහඩක්‌ පිටවෙන්නෑ. ඒ තරමට ඉකි ගැහෙනවා. මයේ පපුව හිර වෙන්න වගේ. ආයේ කදුළු පිහ දාන් මන් ඔලුව උස්සලා බැලුවේ ඉස්සරහ. එයා තාමත් ඒ විදිහටම මයේ දිහා බලන් ඉන්නවා ඇස් වල කදුළුත් පුරව ගෙන. හැබැයි එයා සුදු රෝස මලේ නටුව අතින් තද කරන් ඉන්නෙ. ලේ බින්දුව බින්දු බිමට වැටෙනවා.

" ඒයි අනූ ඕක අත ඇරපන්. අනූ පිස්සුද උබේ අතේ ලේ යනවා.. අනූ දෙයියෝ අහපන්..... අනූ අහ්  අනූ....."

එයාගේ අතින් මදිවට නහයෙනුත් ලේ බින්දු දෙක තුන වැටෙන්න ගනිද්දී කෑ ගහගෙනම මන් ඉක්මනින් නැගිටින්න හැදුවත් මට වාරු ගන්න බැරිව ගියේ  මයේ මුළු ඇගම ඇදුම් කද්දී. හරියට මයෙ ඇගට විලංගුත් දාලා වගේ.

" ඔය මල අතැරලා මයෙ ළගට එන්න මැණික. මන් ආදරේනේ බන් උබට අනූ. කවුරු නැතත් උබට මන් ඉන්නවා දෙයියෝ..... ඇයි උබ ඔච්චර මුරණ්ඩු ආ.. ඇයි මේ... අ නු.. එ න්න "