**Jealous(သဝန်တိုမှု)**
"ပလန် ရှင်ဘာလို့ကျွန်မကိုစကားမပြောတာလဲ"
ကျောင်းသွားရန် အိမ်မှစထွက်ချိန်မှစ၍ ဝမ်သည်ကျွန်မအား ထိုမေးခွန်းကိုပင်အဆင်မပြတ်မေးနေသည်။
ကျွန်မ တစ်ခွန်းမှစကားမပြော တစ်ခုမှပြန်မဖြေ ဝမ့်ကိုလည်းမကြည့် ကျွန်မတို့ကားပေါ်မှဆင်းကာ ကျောင်းသို့ ရောက်သည်အထိ ကျွန်မဘာမှမတုံ့ပြန်ပေ။
ကျွန်မ၏ အချစ်ရဆုံးသူငယ်ချင်းက ကျွန်မအားလိမ်သည့်အတွက် ကျွန်မအရမ်းအရမ်းကို ဒေါသထွက်လေသည်။
မနေ့ကမှစ၍ ယခုတိုင်အောင် ကျွန်မဒေါသတို့မပြေနိုင်သေးပေ။
"ကျွန်မငိုမိတော့မယ်ပလန်... ကျွန်မဘာအမှားလုပ်မိလို့လဲ"
ဝမ်သည် တုန်ရီနေသော နှာသံဖြင့် ကျွန်မ၏အနောက်မှနေ၍ပြောလာသည်။
ပုံမှန်အားဖြင့် ပြုံးနေလျက်ရှိသော်လည်း ယခုအခါတွင် ပြိုတော့မည့်မိုးပမာ ဝမ်းနည်းနေရှာသော မိန်းမငယ်လေးအား ကျွန်မလှည့်ကြည့်လိုက်သည်။
ဝမ်သည် ကျွန်မအားတည့်တည့်မကြည့်ဘဲ ကြမ်းပြင်သို့အကြည့်လွှဲထားလေသည်။
"ကလေးလည်းမဟုတ်ဘဲနဲ့.... မငိုနဲ့တော့"
မနေ့ညကမှစ၍ ကျွန်မပထမဆုံးဆုံးပြောလိုက်သောစကားဖြစ်သည်။
မနေ့ညက ဝမ်သည် နာရီဝက်ကျော်လောက်ထိ ကျွန်မအခန်းတံခါးကိုခေါက်၍တောင်းပန်လေသည်။ ကျွန်မမဖွင့်ပေးမည်ကိုသိသဖြင့် နောက်ဆုံးတွင် အခန်းပြန်သွားလေသည်။
ဒီတစ်မနက်လုံးတွင်လည်း ကျွန်မဝမ့်အား စကားမပြောပေ။
သို့ဖြစ်၍အပြစ်ပေးတာလုံလောက်ပြီဟု ကျွန်မတွေးမိသည်။
"ရှင်ကျွန်မကိုစကားမပြောဘူးလေ ပလန်"
မိန်းမငယ်လေးဝမ်သည် မျက်ရည်များကိုသုတ်ပစ်ကာ
"ကျွန်မဘာအမှားလုပ်မိလို့လဲဟင် "
"မင်းဘာလုပ်မိလည်း ကိုယ်တိုင်ပြန်စဉ်းစားကြည့်"
"ကျွန်မမသိဘူးးး"
"အင်း"
ကျွန်မလှည့်ထွက်ကာ ကျောင်းဝင်းထဲဝင်လုဆဲဆဲတွင် ကျွန်မ၏အနောက်ဘက်မှ ကလေးငယ်ကဲ့သို့ခြေဆောင့်ကာ ငိုနေသော ကျွန်မ၏သူငယ်ချင်းမလေးကိုတွေ့လိုက်ရသည်။
YOU ARE READING
အငယ်အနှောင်း (Affair)
RomanceAffair gl series ၏ မူရင်းဝတ္ထုကို မြန်မာဘာသာပြန်၍ ရေးသားထားခြင်းသာဖြစ်ပါသည်။ တစ်ခုခု အမှားပါခဲ့သည်ရှိသော် ဘာသာပြန်ဆိုသူ ကျွန်မ၏ ညံ့ဖျင်းမှုသာဖြစ်ပါသည် ။ T.L.S.L
