**Wan Viva (ဝမ်ဝီဝါ)**
(English မှတိုက်ရိုက်ဘာသာပြန်ပါက 'ဝမ်ဗီဗာ' ဖြစ်ပါသော်လည်း ထိုင်းအသံထွက်ဖြင့် 'ဝမ်ဝီဝါ' ဟူ၍သာသုံးနှုန်းပါမည်)
လွန်ခဲ့သော ၁၃ နှစ်
"ပလန် ရှင့်သီချင်းလေ ပြိုင်ပွဲမှာနိုင်သွားတယ် အံဩဖို့ကောင်းအောင်တော်လိုက်တာရှင်က.."
(Pleng ကို မြန်မာလို အနီးစပ်ဆုံး ပလန်ဟူ၍သာသုံးနှုန်းပါမည်)
နေ့လည်ကျောင်းနားချိန်တွင် ရေဒီယိုကြေငြာချက်ကြားသောအခါ ကျွန်မရဲ့ အချစ်ဆုံးသူငယ်ချင်း ဝမ်ဝီဝါနဲ့ အခြားသူငယ်ချင်းများ အော်၍ဂုဏ်ပြုကြသည်။
ကျွန်မကိုယ်တိုင်စာသားရော သံစဉ်ပါရေးသည့်အပြင် ဂစ်တာပါကိုယ်တိုင်တီး၍ ဖွဲ့သီထားသည့်သီချင်းဖြစ်သည့်အတွက် ကျွန်မ အောင်နိုင်သူအပြုံးဖြင့် ပြုံးလိုက်သည်။
ကျွန်မတို့နိုင်မယ်ဆိုတာကျွန်မသိပါသည်။
ဒီပြိုင်ပွဲအပါအဝင် ကျွန်မ မအောင်မြင်ခဲ့သည့် ပြိုင်ပွဲဆိုတာမရှိပေ။
"ဘာမှအဲ့လောက်ထူးဆန်းတာလည်းမဟုတ်ပဲနဲ့ ဒီလောက်စိတ်လှုပ်ရှားနေဖို့မလိုပါဘူး"
"ရှငိတော်ပြီးသားဆိုတာကျမသိပါတယ် ပလန်.. ဒါပေမယ့် ဒီလောက်ထိတော်မှန်း ကျမမသိခဲ့တာ..ရှင်ကိုယ်တိုင်သံစဉ်လည်းဖန်တီးတယ် စာသားလည်းကိုယ်တိုင်ရေးတယ် ဒါ့အပြင် ဂစ်တာပါကိုယ်တိုင်တီးသေးတယ် ..ဘယ်လိုလုပ်အရာရာမှာ တော်နိုင်ရတာလဲ ရှင်က.."
"တော်ပါတော့ တို့ကိုမြှောက်နေတာ..တို့မလုပ်နိုင်ဘူးလို့ မင်းထင်တဲ့အရာရှိသေးရဲ့လား.."
ကျွန်မသူငယ်ချင်း ဝမ်ဝီဝါသည် ကျွန်မအား အပြုံးချိုချိုလေးဖြင့် စိတ်ပါလက်ပါပြုံးပြကာ ခေါင်းခါပြလေသည်။
"ကျမသိသလောက်တော့ မရှိပါဘူး"
"သေချာပေါက်မရှိဘူးပေါ့.. ဒါကြောင့် ဒီပြိုင်ပွဲလေးနိုင်တာက ဘာမှအထူးအဆန်းမဟုတ်ဘူးလေ.."
ကျွန်မဂုဏ်ယူစွာ မတ်တပ်ထရပ်လိုက်သည်။ ကျွန်မမွေးလာတည်းက ဘယ်အရာမှာမှ မကျရှုံးခဲ့ဖူးပေ။ ကျွန်မသည် မွေးလာတည်းကပင် နဖူးပေါ်တွင် 'အောင်မြင်မှု' ဟူသည့်စာလုံးရေး၍ မွေးဖွားလာသလိုပင်ဖြစ်သည်။
ŞİMDİ OKUDUĞUN
အငယ်အနှောင်း (Affair)
RomantizmAffair gl series ၏ မူရင်းဝတ္ထုကို မြန်မာဘာသာပြန်၍ ရေးသားထားခြင်းသာဖြစ်ပါသည်။ တစ်ခုခု အမှားပါခဲ့သည်ရှိသော် ဘာသာပြန်ဆိုသူ ကျွန်မ၏ ညံ့ဖျင်းမှုသာဖြစ်ပါသည် ။ T.L.S.L
