අවිනිශ්චිත හෝරා..

අටවන හෝරාව

॰

॰

॰

॰

මාසයක්...මම චූටි මහත්තයගෙ ගෙදරට ඇවිත් දැන් මාසයකුත් වෙලා...මේ කාලේ ඇතුලෙ මම ගොඩක් දේවල් තේරුම් ගත්තා... චූටි මහත්තයා කියන්නෙ කාටවත් ලේසියෙන් තේරුම් ගන්න පුලුවන් චරිතයක් නෙවෙයි....හරි අමුතුයි...මට මගහැරුණු කාලෙ ඇතුලත එයා ගොඩක් වෙනස් වෙලා...හිතාගන්න බැරි තරමට....

බස් එකේ කවුලුවෙන් පේන පරිසරය දිහා බලන් ඉන්න අතරෙ මාව ලොකු කල්පනාවක අතරමන් වෙලා තිබ්බා...ජීවිතේ හරි බරයි වගේ දැනෙනවා...මම ගන්න හැම හුස්මක් ගානෙම මට මහ අමුතු හැඟීමක් දැනෙනවා...තනිවෙලා වගේ...කාත් කවුරුත් නැති ලෝකෙක මම විතරක්ම තනි වෙලා වගේ...හැම තැනම තියෙන්න කලු සුදු පාටවල් විතරයි...මම අතරමන් වෙලා වගේ....

කොච්චර කල් කියලනම් මෙහෙම ඉන්නද...ඉවසනවා කියලා හැමදාම ඉවසන්න පුලුවන්ද...කාලය හැමදේම විසදයි කිව්වට බලන් ඉන්න බලන් ඉන්න හැමදේම හැමදාම ඒ විදියමයි...කිසි වෙනසක් වෙන්නෙ නැ...

ගිය සතියෙ සීයා බලන්න ගිහින් දවස් දෙකෙන් ආපහු මම ආවා... කැම්පස් නිවාඩු දීලා තිබ්බත් මට ගමේ ඉන්න හිත දුන්නැ...සැරින් සැරේ මතකෙට එන ඒ රූපෙ නිසා මම සතියකට ගියපු ගමන දවස් දෙකෙන් ආවා...

මාව ඇබ්බැහි වෙලා ඒ රූපෙට...නොදැක ඉන්න බැරිම තරමට ඇබ්බැහි වෙලා...මගේ මුලු හිතම තීව්‍ර කියන නමේ තාලෙට ගැහෙන්න පටන්ගෙන...අලුත්ම තනුවකට ගැහෙන්න පටන්ගෙන...ඒ හැඟීමට මට වෛර කරන්න බැහැ.. ඒත් එහෙම කියල මම කොහොමද ඒ හැඟීම විදින්නෙ??...අයිතියක් නැහැනෙ...

බර හුස්මක් මුවගින් පිටවෙද්දි මම බස් එකෙන් බැහැල ඇවිදගෙන ගියේ ගෙදර දිහාට...හිතට මොකද්දෝ අමුතු දෙයක් දැනුනත් මං ඒ ගැන වැඩිය හිතන්න ගියේ නැ...ම්ම්..අද චූටි මහත්තයා ගෙදර ඇවිල්ලා වේලාසනින් ම.. මම එහෙම හිතුවෙ චූටි මහත්තයාගෙ කාර් එක වත්තෙ නවත්තලා තිබ්බ නිසා...මම ඉක්මන් කරල ගෙදර ඇතුලට ගියේ චූටි මහත්තයා හවසට ගෙදර එනකොට හදන්න ඕන කෝපි එක පරක්කු උනොත් එයාට තරහ යයි කියලා හිතලා... මම ඇතුලට යනකොට දැක්ක දේවල් එක්ක ඇස් දෙක ටීක් බෝල සයිස් වෙද්දි මම වටපිට බැලුවෙ චූටි මහත්තයා ලග පාත ඉන්නවද කියල..මුලු සාලෙම එහෙම් පිටින්ම අනිත් පැත්ත ගහලා... දෙයියනේ සාලෙ තිබ්බ කුඩු වෙන්න පුලුවන් හැමදේම වගේ කුඩේ කුඩු...මේ ගෙදර ජීවිතේට නොදැම්මට ටීවී එකක් කියලා එකක් තිබ්බා.. මේකා ඒකත් පොලොවේ ගහලා...සෝපාවෙ පුටු අනිත් පැත්ත ගැහිලා...වීදුරු ටීපෝ එක උඩ තියලා තිබ්බ මල් පෝච්චිය ඒක කුඩු කරගෙනම ගිහල්ලා...මුලු සාලෙම ගන්න දෙයක් නැ...මොන යකෙක් වැහිලාද දෙයියනේ...