زي ما وعدتكم فصل تاني النهاردة اهو 😃 و حاولت اطوله 😃💜 شجعوني بالنجمة و رأيكم الجميل 💜 متنسوش الصلاة علي النبي قبل القراءة ❤️ يلا قراءة ممتعة 💜 😃
في صباح اليوم التالي استيقظ ياسين و إذا بياسمين جالسة في الصالة و الواضح من مظهرها أنها لم تنم بالأمس، ف جاء لها ياسين و جلس بجانبها:
" صباح الخير'
لترد هي ملتفتة له و هي تتحدث بعملية:
"صباح النور، كويس أنك صحيت عشان كان في شوية قرارات أخدتها و لازم أبلغك بها'
ليرد مبتسماً:
"قولي يا ياسمينتي'
لكنها لم تعر ابتسامته ولا جملته انتباه ، بل أكملت بنفس طريقتها:
"قبل ما أبلغك بحاجة أحنا لازم نقعد قعدة صراحة مع بعض دلوقتي و أعتقد كفاية تخبية بقي لحد كدا .'
ليتنهد مردفاً:
" ماشي يا ياسمين'
نظرت لعينيه مباشرة كأنها تحقق معه:
" أتفضل أحكي'
ليرد بهدوء شديد :
"عايزة تعرفي ايه؟'
هنا فقدت أعصابها و تحدثت بنهر و صراخ:
"بقولك ايه يا ياسين ما بلاش جو الملاوعة ده و خليك دوغري مرة واحدة في حياتك و أحكي، مش تيجي تقول عايزة تعرفي ايه، و أنا اشعرفني بحياتك فيها ايه عشان اسأل، أحكي أي حاجة أنت مخبيها عليا'
و علي عكسها تماما ، أجابها بهدوء شديد:
"ياسمين علي فكرة أنا سألتك عشان أجاوبك، و كدا كدا كنت هحكيلك كل حاجة مش عشان ألاوع معاكِ زي ما بتقولي'
لتزفر هي بحنق مردفة:
"يخربيت برودك، أحكي طيب'
تنهد ثم أردف:
" اسمعي من غير ما تقاطعي، و والله أي كلمة هتسمعيها دلوقتي هي الحقيقة، الحكاية كلها بدأت لما أمي ماتت قدام عيني ، أنا طول عمري بشتغل في الأقنعة بس زمان مكنتش لقتالين القتلة، و في يوم جه ويليام اللي چون الحقير حكالك عنه وأنتِ طبعا عارفاه لأنك أتكلمتي عليه في برنامجك و طلب مني إني اعمله قناع بمواصفات معينة عادي زي أي زبون ، و يعني أكيد مش هسأله أنت بتشتغل ايه أو عايزه ليه، و ويليام أصلا طلع أنه عدو چون اللدود بس، بعدين جالي چون و هددني إني لو اتعاملت مع ويليام تاني هيقتلني و يقتل أمي، بس بعد فترة من تعاملي مع ويليام و أساساً بسبب ويليام ده بقي بيجيلي صفقات من برا مصر بس مكنتش أعرف أنهم قتالين قتلة بس ويليام كان كويس جداً معايا، و كذا مرة أتحطيت في مشكلة أنا و أمي و هو اللي خرجنا منها و مشاكل الشغل عندي هو اللي كان بيخلصهالي، بعدين اكتشفت من چون أنه قتال قتلة ف صارحته و قولتله علي تهديدات چون ف عرفني ويليام أنه مش بيقتل أي حد، و أن البنات اللي قتلهم دول مش ملايكة يا ياسمين، دول شياطين في هيئة بني ادمين، ال 25 بنت اللي اتقتلو دول كانوا ضمن عصابة چون و ديفيد؛ في 5 منهم عملوا نفسهم صحاب بنت ويليام و خلوها تدمن و قتلوها بعد ما ديفيد الكلب اغتصبها و اتنين منهم دخلوا دبحوا مرات ويليام في الوقت اللي هو مكنش فيه في البيت و سابوا جمبها رسالة عشان يقهروا ويليام أنه قدروا يدبحوا مراته، و الباقي كانوا بيخططوا بأبشع الطرق للقتل، ف ويليام مسكتش و قتلهم ، و آخر واحدة قتلها كانت بنت چون ف أنا كنت بساعد ويليام في الحق، صح الطريقة غلط بس ده بني آدم خسر بنته و مراته بأبشع الطرق، مستنية منه ايه، أكيد مش هيكون إمام مسجد، علي العموم چون لما عرف كدا إن ويليام بيقتل في عصابته جابني و جاب أمي و قتلها قدامي و قالي وصل سلامي ل ويليام، مستنية مني أكون شخص سوي ازاي بعد اللي حصل! ويليام مسكتش و الحرب كبرت بينهم و أنا دخلت عشان حق أمي مش هسيبه غير و أنا قاتل چون و ابنه، و من ساعة موت أمي و أنا بتجيلي هلاوس بتخيل وجودها ، و الفترة الأخيرة بقيت اتخيل وجودك أنتِ كمان و بحس سعات أنها بتركبني شخصية تانية لما بتعصب و أنا بكون خايف أخسرك، تصدقي أنتِ شبه أمي أوي، ثواني أوريكِ صورتها' , و ذهب لإحضار الصورة و انفجرت ياسمين بالبكاء علي ما يعانيه هذا المسكين ، صحيح أن التصرف غير سليم و لكنه ملكوم علي ما حدث لأمه، ستساعده ليتخطي هذه الأزمة ف هي …. تحبه، نعم فقد نجح بالفعل في جعلها تحبه.
كان آتي فرحاً و هو ينظر للصورة :
" بصي يا ياسمينتي' ، ثم أردف بعدما نظر لها بخوف :
"أنتِ بتعيطي ليه؟'
نظرت ياسمين للصورة بعد أن جففت دموعها و قالت:
" دي جميلة أوي بجد هي فعلاً شبهي، هو عشان كدا حبتني؟'
ليبتسم للصورة ثم لها قائلاً بحنان:
"ده سبب من الأسباب بس أنا بحبك من زمان و هي كانت بتحبك أوي'
لتسأل بريبة:
"ازاي؟ هي شافتني؟'
ليرد هو بحنين و هو يبتسم:
"اه في التليفزيون و كانت بتدعي يا رب تكوني من نصيبي' ، ثم سألها هو:
"بس أنتِ بتعيطي ليه؟ بسببي؟'
لترد هي بهدوء و هي تنظر له:
" ياسين أنا بحبك'
ليرد هو بعدما وقف و تحدث بعدم استيعاب :
" ثانية ده بجد؟ أنا بحلم صح؟ أكيد الهلاوس رجعت تاني'
قامت ياسمين و وقفت قبالته وقرصته و قالت بحب مبتسمة :
*لا مش بتحلم أنا بحبك و مش هسيبك أبداً أبداً و هنبدأ طريق العلاج مع بعض.'
ف حملها ياسين و دار بها ، لتضحك هي بصوت عالٍ بعدما كانت تبكي مردفة:
" نزلني يا بني لسه إيدك مخفتش'
ليرد هو بهيام و هو ينظر لها :
"كله يهون عشانك يا ياسمينتي'
ثم أنزلها و أردفت هي و هي تحك رقبتها:
" أنت عارف إني بتعالج عند دكتور نفساني؟'
"اه'
لترفع نظرها له و هي تسأل :
" أنت بتحبني بجد؟'
" بموت فيكِ'
ف ابتسمت هي, ثم أردف هو:
"مش هتقولي قراراتك يا سيادة الأميرة ياسمين'
ف ضحكت و قالت:
"أنا هرجع بيتي تاني و أنت هتيجي تطلب أيدي من بابا و هنتخطب و نعيش حياة المخطوبين تمام؟'
لينحني أمامها قائلاً:
" أمرك يا سمو الأميرة ياسمين'
حاولت أطول البارت و يلا ألقاكم البارت اللي جاي في مفاجأت كتير كتير اوي 😃
ملحوظة أنتو لسه مشوفتوش حاجة😂
أنت تقرأ
اسمنا من بعض
Acciónفي خضم العواصف النفسية، تتشابك قلوب شخصين مختلفين، حيث يحاول هو الهروب من ماضيه المؤلم، تصبح هي ملاذه، ضوءًا في نفقه المظلم، ولكن الهوس الذي يشعر به تجاهها قد يقوده إلى الهاوية. هل سيتغلب على الشياطين الداخلية ليعيش قصة حب تتوج بالسعادة، أم أن القد...
