سمية: روزاا ،روزاا ( شدات راسها ) فين كنتي اروزا
روزا :(الخدامة ) نعام الآلة سمحي ليا كنت برا
سمية : طلعي فيقيهم كاملين لي ناعس فيقيه قولي ليهم عمكم راه لتحت هبطو تعشاو
روزا :( وخا الآلة ) طلعات كتجري اول بيت دقات او فتحاتو كان كبير او كولو ملصقات عارضات ازياء فساتين او مكياجات لونو الصفر و بيض زادت خطوات لقدام لقات ليليان ناعسة او فحضنها ختها اية بنت عندها 3 سنين شهيبة او عينيها خضرين فحال ختها او لابسة كسيوة فحال لون عينيها
روزا : ليليان وليليان راه عمك جا فيقي ختك او هبطو تعشاو
ليليان :( كتحك عينيها) وخا اطاطا شكرا هاني هابطة
روزا خرجات دازت لبيت في الكولوار التاني دقات او فتح ليها ليث قالت ليه نفس الهدرة او دازت لبيت الثالث لي في التوام زين او زياد فتحات لبيت او هيا تشد راسها بلفقصة
روزا : شكون دار هاد الحالة ياربي واش أنا مالني ليكم مالني لدار لتحت
زين : انا مدرت والو اطاطا روزا هوا
زياد :( خرج عينيه) كيكدب عليك هوا اطاطا
روزا : صافي غير سكتو هبطو لتحت تعشاو راه عمكم لتحت( او خرجات )
زين : شكون عمي
زياد ( ضربو في راسو ) مالك حمق راه واحد عمي لي كان برا هوا لي جا دابا
زين : وايلي داك صعصع ناري اخويا راه كنخاف منو كتر من الواليد
زياد : (خرج عينيه او سد ليه فمو ) دوي بشوية أصاحبي ايسمعك الواليد اسلخنا انا وياك زيد زيد
ــــــــــــــــــــــــــــــــــــــــــــــــــــــ
لتحت في طبلة ديال عشاء مملوئة بكل ماتشتهيه النفس الدجاج محمر البسطيلات الشلايض ليباط طواجن مغربية عصائر ومشروبات غازية
سيف : رجل طويل كتافو عراض بشرتو برونزية عينيه كحلين كسواد الليل شعرو هابط على عينيه لابس سروال جينز كحل او تيشرت مزير بسبب ضخامة جسمو او عضلاتو السداسية : شاف في سمية او گلس بلاصتو بعد ماسلم عليهم كاملين : (بصوت حرش ) غير عدبتي راسك الواليدة هادشي كامل شكون غادي اياكلو
زين او زياد: كاينين حنا اعمي
سيف : ( ابتسم بهدوء)
او بداو كياكلو بصمت حتا نطق ناصر : ( موجه كلامو ليث ) اخر مرة تقيس ليليان اليث او اخير تحدير ليك الدراري لي كتهدر معاهم راه بيناتهم حدود او غير ولاد قيسمها لي قرابين ليها دايراهم فحال خوتها
ليث : ولكين اعمي راه ..( قاطو ناصر بحدة ) هدرتي سلات امكن ليك تاكل
ليث : بصحتكم (شاف في سيف لي عاقد حجبانو لانه فهم البلان ) تصبح على خير اعمي او على سلامتك مرة أخرة
يوسف : مكانش عليك دوي معاه فحال هاك قدام كولشي متنساش راه ولدي هداك ( بصحتكم ، تصبحو على خير )
بعد مرور شهر ــــــــــــــــــــــــــــــــــــــــ
خارجة من الدار او كتجري تابعاه حتا جراتو من ايدو
ليليان : مالك معايا اليث شهر او نتا مكتكلمنيش او قالب عليا وجهك
ليث ( جر ايدو من ايدها ) علاش ماشي هادشي لي بغيتي قلتيها لباباك او قلتيها حتا لعمي سيف حدرني نعطيك التساع او علاش حتاش حاميك من المكابيت او الكلاب من لخر سيري الله اسهل عليك ابنت عمي ديري لي بغيتي ( طلع في لوطو او زاد )
ليليان : تفو عليك الحمار ععععع علاش بقا فيا الحال دابا علاااش ياك هادشي لي بغيتي اٱه عليك اليليان
طلعات لوطو (شافت لگارد ) عفاك خودني لمكتبة
أنت تقرأ
قلــب يعشـق فـي صــمت ✨🔞
Romansالقصة تدور حول شخص يعيش مشاعر عميقة تجاه شخص آخر، لكن هذه المشاعر ليست متبادلة. يعيش هذا الشخص في حالة من التوتر والقلق، حيث يحاول إخفاء مشاعره وهو يتأمل الشخص الذي يعجبه من بعيد. يتخيل لحظات تجمعهما، لكنه يدرك أن الواقع مختلف تمامًا. مع مرور الوقت،...
