FutuRosa

10.

Ssi penzo a chello ca m'é ssuccieso ll'urdimamente, me pare 'e vivere dint'a nu suonno..io, cche pe tutta 'a vita aggia sempe vissuto dint'a ll'incubbe, me pare cche d'a nu poco 'e tiempo a sta parte é comme ssi stesse sunnanno a uocchie apierte, oppure comme ssi bellebbuono me truvasse int'a n'atu munno, int'a n'ata dimensione, addo' pare quase ca 'o mmale nunn'esiste, ch'é na cosa luntana, cche nunn'appartene a stu munno, comme ssi fosse nu fatto innocuo, nu sentimento scunusciuto cche nun me po' ffa male, cche nun me po' fferí. Ssi nun fosse cche m'a livato 'a libbertá, pe tutte chello ca me sta succerenno int'e ll'urdeme juorne, quase quase avesse pure ringraziá d'essere stata arrestata, pecché nonostante tutte 'e sofferenze 'o carcere m'a rregalato 'a possibilità 'e puté avé n'ata vota a mammá arete, m'a ddato l'opportunità 'e avé n'ata vota a mammà vicina a mme quanno io pe tante anne aggia penzato cche ll'ere perduta, cche se n'ere juta pecché nun me vuleve cchiú, cche s'ere stancata 'e me, crereve ca m'ere abbandunata, ma nunn'é accussí..chesto é chello cche ci anne fatto crerere, chello cche ci anne vuluto fa crerere, pecché ce vulevene alluntaná..e ci 'e vuluta na disgrazia pe ce fa 'ncuntrá n'ata vota..ssi nun m'avessene arrestata nunn'avesse maje saputo niente, nunn'avesse maje scuperto 'a veritá, e forse nun ci avesseme 'ncuntrate maje cchiú, pecché io penzave ca mammá nun me vuleva cchiú, ca s'ere scurdata 'e me e cche nun me vulesse cchiú vveré..aggia vuluto perdere 'a libbertá p'a puté truvá n'ata vota, m'aggia vuluto spurcá 'e nu peccato pe vvení a ssapé comme stevene overamente 'e ccose, aggia vuluto vení fino a lloco, aggia vuluto accettá 'e perdere 'a cosa cchiú preziosa che tene na perzona dint'a vita ca é 'a libbertá, 'e scegliere, 'e decidere d'essere chi voglio essere, 'e puté ffa chello cche vvoglio, ma ssi ce penzo, a ffinale pe certi ccose forse é stato chello cche m'a salvato..pecché avraggio pure perzo 'a libbertá, peró aggia truvato n'ata vota a mammá, 'a tengo n'ata vota vicino a mme, aggia accuminciato a ffa musica, e ssi avessa state fore, ssi avessa state libbera, nun saccio ssi a ora 'e mo' ll'avesse fatto 'o stesso, nun saccio ssi overamente fosse stato in grado 'e truvá 'o curaggio d'accuminciá, nun saccio ssi fosse fosse state capace..pecché forse nunn'avessa tenuto né 'o tiempo né 'a capa p'o ffa, é quanno penzavo cche ere fernuto tutte cose cche 'a vita é accuminciata a ggirá, é stato quanno cuntave 'e juorne cche me mancavene d'a vivere ca 'a vita ha abbiato a sse cagná, é stato quanno aggia visto 'o diavulo dint'a ll'uocchie e ppenzavo ca ere fernuto 'e vivere ca é partuto tutte cose..nun sto dicenno ca 'o carcere é 'o paraviso, é assurdo pure sulo a ll'a penzá na cosa 'e chesta..nu puosto addo' spisso te privene d'e ccose toje e addo' nun te permettene d'essere chi si, nun po' maje essere ll'Eden, ma 'a verità é cche a mme m'a permiso 'e recuperá e truvá certi ccose cche ffore nun puteve truvá e fforse nunn'avessa maje fatto..tengo 'a mammá..tengo a Mikey cu mme, e pure ssi nun so mancate 'e jurnate amme sufferto e amme pruvato assaje dulore, mo' ce damme curaggio e ce aiutamme pure cca ddinto, esattamente comme facevene quanne steveme fore e comme amme sempe fatto, sto facenno musica e tutto chello ca m'é succieso é incredibile, aggia riuscito a ncuntrá 'e Co'Sang, ca pe mme so idoli, m'anne chiesto 'e collaborá cu lloro, m'anne nvintato 'o live e aggia stato ngoppe 'o stesso palco, spalla a spalla cu 'e rapper ca aggia sempe sentuto dint'a vita 'e tutte 'e juorne, cche m'anne fatto cunoscere e amá 'stu ggenere, e mmo' jessene truvanno 'e me produrre nu disco...pe mme tutte chesto é nu suonno..nu suonno cche nun voglio maje ferní 'e vivere..'o rrap é 'a vita mia..é cchello cche voglio fa tutt'e juorne primma cche me ne vaco, pecché é cchello cche me fa sentere viva, e desiderasse 'e me sentere viva pe ssempe, vulesse vivere in eterno sulo pe puté ffa 'o rrap pe ssempe e ppe me sentere sempe comme me sto sentenno mo'..pe pruvá chello cche sto pruvanno, pe ssentí chello cche sto ssentenno tutt'e juorne pe tutta 'a vita ma chiste é ssulo l'inizio, aggia appena accuminciato. 'A vita m'a ddato n'opportunitá e io nunn'a jetto. Nunn'aggia pruvato maje tanta emozioni comm'e cchelle cche sto pruvanno mo' Ogge 'a vita é nu poco cchiú bbella. Sempe grata"