هل ترقص معي

الحلقة 7 🎉

جرعة أمل صباحية قد تغير مسار حياة بأكملها..❤️

نهار جديد و بداية جديدة و خدمة جديدة مع وعد ...كيما العادة فاقت روتاار منجمتش تفطر لبست توب شوميز روز و سروال نوار لارج و مكياج سامبل و طالون و خرجت تعدات للباتسري الي قدام الشركة خذات قهوة  كرواسون و دخلت مشات لطفلة الي في استقبال
_وعد ؛ عسلامة
_سلام مداموزال تفضل
_وعد ؛ سي اش كان اسمو هو
كانت تحكي و تمتم لين قصت عليهاا
_سمحني مسمعتكش
_وعد ؛ اه سي انور جااا
_اه فهمت انتي وعد ..السكريترة الجديدة متاع سي كرم
_وعد ؛ بضبط
_اه مرحبا انا ملاك
_وعد
_تفضل معايا نوريك بيروك
هزت ملاك وعد ورتها بيروها و بيرو كرم و غادي عرفتها على مدام خديجة كبيرة الشركة تفهم في كل شي هي الي باش تفهم الي نش واضح لوعد وقت تستحق عملت دورتها و جات و قعدت في بيرو حلت البيسي تقرى و تستكشف
انور و كرم دخلو و يحكيو
_كرم ؛ اش عندك اليوم
_انور ؛ نهاري فارغ تقريبا و انت
_كرم ؛ انا فارغ و مش فارغ
_انور ؛ كيف جات هذه
_كرم ؛ خدمت مساعدة باش نعلمها الخدمة
_انور ؛ و فاش قام عليك تخدم في وحدة معندهاش خبرة
يحكو انور و قف و كرم سبقو بخطوات و بعد تلفتلو و حاط يدو في جيبوبو
_كرم : تنجم تقول سبيسياال شوي
انور استغرب اما تلف ميحبش يضهر فضولوو
_كرم ؛ امشي نعرفك عليها
_انور : مش وقتوو
_كرم ؛ تي هيااا عااد
وعد في بيرو غاطسة مطبسة راسها دق الباب هوت راسها لقاتو كرم
_كرم : شنيا احوالها مساعدتي
_وعد ؛ سي كرم صباح الخير
_كرم ؛ صباح الخير اه خليني نعرفكم ...هذا انور صاحبي و شريكي
كرم وخر شوية باش يبين انور الي واقف وراه بالكاريزما متاعوو ..دوبا ما شافها انور حس روحو يعرفهاا اما وعدت جدمت في بلاصتهااا
_انور : بنجور
_وعد ؛ م.مرسي
_انور : تقابلنا قبل ? N'est-ce pas
وعد ؛ اه ههه لا وه ياخي منين عندي نقابلك اكيد مشبه علياا
انور عدا لحكاية مكبشش كرم تلفت للوعد و امرها باش تجيبلو café américain للبيروه و هي طبقت الاوامر
_انور ؛ انا في بيروياا كرم هايا بون جورني
_كرم : باااي
دخلت وعد لقات كرم ديجا داخل و غاطس في تاليفون خدمة حطت القهوة و خرجت سكرت باب البيرو متاعها و هزت التاليفون
_وعد ؛ الللو ليلى
_ليلى ؛ اهلا وعد شيني متقوليش طردووك
_وعد ؛ لا اما قريب
_ليلى ؛ كيف
_وعد ؛ الراجل الي طردتني هاكي عقرب لحيوط طلع يخدم هوني
_ليلى : شنياااا متقوليش انور
_وعد ؛ تي نعرف على سمااه انا انور ولا نوري الفايدة السخطة هذا كي تابعة عارفتو باش يجيب اجلي
_ليلى ؛ وسع بالك و كي تروح تو نجيك ننظرو في الموضوع ..

كل ما نلقى فضا باش نكتب شوي ❤️🎉
الحمد الله نجمت نرجع الحساب كان مسكر 🌞
نحبكم برشا خاطر التفاعل على كل رواياتي موقفش فرحت برشاا 🍯🍯🌞 راكم عسلل 😍😭
هايا بونوي 😍😀👋💛💛💛💛