هل ترقص معي

الحلقة 9 🎉

قاعة كبيرة مزينة كلها ديكوراسيون مضخمة حتى هي سواري لشركة كبيى باش يحضرو فيها اهم رجلاء الاعمال ... منصة كبيرة الي باش يكونو موجودين فيها المع الفنانين و موسيقيين ....
في الحومة كيما العادة النقارة متاع الحومة قاعدين يهزو و يجيبو لين تتعدى وعد
_فتحية ؛ يا وعد يا بنتي
تتلفتلهم وعد تمم شوية بعد ترسم تبسيمة خفيفة ._
_وعد ؛ نعم يا خالتي فتحية
_فتحية ؛ اش حالك بنتي
_وعد ؛ في خير و نعمة و انت
_فتحية ؛ الحمد الله ...قولي يا طفلة ياخي عااشقة
_وعد ؛ خالتي فتحية اش تصنع نورمال ياخي
وعد توترت هزت روحها و مشات و فتحية قعدت تغزرلها و تضحك و بعد بدات تحكي وحدها و تلفتت لصحباتها النقارة
_فتحية ؛ الطفلة هذه عاشقة و غدوة كان متجيبش الراجل لباب الدار منتسماش فتحية و قولو قالتها و هاي مرشومة هوني
_سالمة : ايجا ايجا اقعد
دخلت وعد الدار لقات جدادتها سلمت عليها و دخلت لبيتها بدات تفركس في روبا مناسبة لسهرية ملقاتش ولات تبكي سمعتها جداتها دقت الباب
_نجم ندخل
_وعد ؛ ايجا ميما
_بنتي شبيك تبكي خبرني
_وعد ؛ لعشية عندي حفلة مع مديري و ملقيت مانلبس
_و مديرك هذا اسمو انور ولا لا
_وعد ؛ اي انور
_وانت اش عاملة في روحك باش تبكي على خاطرو ...بنتي مفما حتى راجل يستحق تبكي على خاطرو على قد ما تكون طبيعية على قد ما يتعلق بيك اكثر
_وعد ؛ اش نعمل نحبوووو
و قعدت تبكي هزتها جداتها في حضنها و بدات تضحك
_بنتي كبرت ولالات تحب ..اي وقولي هو يحبك
_وعد ؛ منعرفش ..يمكن
ضحكتلها مسحتلها دموعها و قامت مشات لبيتها جابت روبة حمرا طويلة فيها فونت على جنب و سواري تهبل خيطتها بيدها شبر شبر ..
_قوم البس هذه خيطتهاا لامك الروبة هذه اما مكتبتش هايا قوم البس خلي نشوفها عليك
فرحت وعد دوبا ما شافت الروبة طار عقلها فيهاا عنقت جداتهاا و دخلت تجري لبستها طلعت فيها اميرة في زمانها عملت مكيااج خفيف و حلت شعرهاا و كملت عليها طالون باج شوي و جات ليلى باش تشوفها لقاتها لبست سااي
_ليلى ؛ تبركالله على زين اختي
_وعد ؛ انتي زادة تهبل ياسر طلعت عليك الروبة
ليلى لابسة روبة قصيرة blue roi و شعرها كعكة ...هوما هكك و يسمعو حس تزمير
_جداتها ؛ هي عرايس النقطة جااو امشو من قدامي و متبطوش في رجووع
_وعد ؛ حاضر يا سلطانة ايجا نبوسك .
_ابعد عليا تخليني كلني رووج امشي فيسع
خرجو الزوز من الدار كرم يستنى في ليلى الي تبهر بالجمال و ديراكت قعدو يتنمرو على بعضهم و انور كيما العادة غاطس في تاليفون لين يسمع في حس طالون هز عينيه لقاها قدامو تسحق بلع ريقو على لحضة نسا كل شي يخططتو وعد وقفت و بقات تستنى فيه و هو ميكونش مالعاكسين يشدلها يدها يبوسها و يتكلم بصوت حنين
_انور : محلاك طلعت
_وعد ؛ يعيشك
_انور : تفضل
حللها باب الكرهبة طلعت و طلع بحذاها و خرج خلط ورا كرم وصلو للبلاصة تابي روج و صحافة
لقا كرم يستنى فيه في باب هبط هو قبل و بعد دار لباب وعد حلو و مد يدو شدتو وهبطت وهي طايرة مالفرحة دخلو لكل وين لقاو الصالة مليانة بالضيوف لقاو طاولة فارغة وقفو فيها. شوي و طفا الضوء و صوت بدا يحكي
_مرحبا بيكم ناس الكل سهريتنا مزالت كيف بدات ...كيما قاعدة نشوف ياسر شياكة و رومنسية في ضيوفنا هذاكا علاش باش نلعبو لعبة باش يطفا الضوء و باش تسمعو عدد من انواع الموسيقى باش تحاولو كل مرة تتأقلمو مع نوع الرقص حسب الموسيقى هذاكي و اكثر كوبل منسجم باش نسلطو عليه الضوء و باش يكون نجم السهرة ....
حاااضرين ؟؟

#يتبع 💍🙉🎉