هل ترقص معي

الحلقة 11 🎉

طلع النهار وعد راقدة في فرشها معندهاش خدمة لين تهد عليهاا جدااتهاا
_رااااااقدة
_وعد ؛ صباح الخير ميمااا اش فما
_اش فماااا تعمل عملتك و بعد تقول اش فما ياخي انا ربييتك هكااا يا بنت لحراام
_وعد ؛ يا ميما صلي على نبي اش صاار على شنيااا تحكي
جداتهااا طيشت المجلة عليها و بدات تحكي متنرفزة و تهز في صبعها تحذر فيهااا
_هذه اخرتك ..وثقت فيييك و عطيييتك كل الثيقة وانت شنيااا تعملل تخون ثيقتي متحشمش على رووحك وين باش نقبل قدام النااس كنت نشوف بيك في روحي نقول بنتي و بنتي طلعتي كيف بنات شواارع تعرس و الطلق على كيفك
_وعد ؛ يا ميم...
_ولا كلمة اسكت و سكر فمك و كلمة منسمعهااش تلم دبشك و تقلب منضرك من هوني و تنسى الي عندك جدة من اصلو ...الي عملتو سي القطرة الي فيضت الكااس عديتلك برشاا
_وعد ؛ يا ميما يهديك وين عندي نمشي
_امشي للراجلك ماك فصلتي و خيطتي و وافقتي على ولد الاكابر امشيلوو و بات عندو و صبح ماليوم لاعاد تعرفني لا نعرفك
خرجت وسكرت الباب بقوة خلات وعد غاطسة في دموعهااا وبن عندهاا تمشي مبقالها حد في دنيا صحيح هيا عملت حاجة غالطة مكارهاش خبت علاقتها مع انور جداتها ماشي في بالها علاقة مدير و مساعدتو مش على طلب زواج و موافقة علناا قدام الصحافة و جرايد و مجلات تحكي في سيرتهم هي هكك ضايعة في بحر افكارها تلم في حوايجها مع كل قطعة تزيد في بكية لين يطلبها انور
_انور : عزيزتي
منجمتش تتكلم شدها غصة بالبكاء بعد محاولات من سؤالات لانور حكاتلو لحكاية كل
_انور : وعد وعد وعد ...اسمعني اخرج من غادي خوذ  تاكسي  و ايجا للعنوان الي باش نبعثهولك اوك
_وعد ؛ ب..باهي
مسحت دموعهاا و هزت ساكها و فاليجتها و خرجت لقات جداتها في الصالة حاطة يدها على خدها متغششة متحبش تشوف بنت بنتها كيف خارجة اول ما سكرت الباب وراها
_جداتها ؛ معرفتش نربيك لا انتي ولا امك ..طلعت ام فاشلة و جدة فاشلة ...
لقات تاكسي و طلعت و عطاتو الادراس اول ما وصلت لقات روحها في ديار على لبحر مشات قعدت على بحر لين هدت اعصابها شوي و مشات
وصلت قدام الدار خذات نفس قوي ..اما متعرفش الي هذا اخر نفس باش تاخذو بعد ما تعتب الدار هاكي مسحت دموعهاا و دقت الباب شوي و حلتلها الباب الخادمة تلقى قدامها انور واقف مستوي حاطط يده في جيوبو. و يتبسم تبسيمة خبث
_انور : مرحبا بيك ...تفضل
اول مادخلت شافت الطاولة و العدول و زوز شهود واقفين و خادمة اخرى شادة في يدها روبة متاع عرس خوفها زاد و دقات قلبها زادو اكثر و اكثر على ماسكرت الباب الخادمة تفجعت ولات تتلفت وراها و قدامها مهيش فاهمة شي تقدم انور خطواات وهي كيف الصنم حابسة قرب لوذنها و وشوش
_انور : البس الروبة خلي نشوف مرتي
وعد سكتت شوي و بعد جات خارجة وقفها انور
_انور : وين عندك تمشي ..الي نعرفو انو معاش عندك وين تمشي
وعد سكتت شوي حطت يدها على صدرها هبطتت دمعة سخونة تحرق على خدها وينو انور متاع قبل الي وافقت عليه و الي حبتو والي الحنين عليها الي عتبرتو سند ليها و جبل تتكى عليه اليوم واقف قدامها شخص اخر يحب يغتصب رغبتها في لحضة حست روحها بين اربعة حيوط عاجزة حتى صاحبتها ليلى تلهات مع كرم و مكانتش معاها ..مفاقت بروحها كان بروبة كفنها و على طاولة
_السيد انور تقبل الزواج ب...
_انور ؛ نقبل
_السيدة وعد تقبل الزواج بالسيد انور
سكتت شوية في لحظة تفكرت كيفاش كانت تحلم بيوم عرسها كيفاش خططت لكل كبيرة وصغيرة اما لا لازم تفيق من حلمها على سؤال العدول للمرة الثانية مسحت دموعها و تكلمت بصوت متأثر
_وعد ؛ نقبل
صحوو الزوز على الكتاب و صححو معاهم الشاهدين و مشاو
قعدو وحدهم واخيرا وعد طلعت للبيت قاعدة بالروبة البيضة تتفرج على روحها كيفاش حالتها في نهار الي تعدى عليها مش ساهل تحب تعيط تحب تفرغ الي في قلبها كل انور بنسبة ليها كان ملجئها الوحيد اما تو ولا سجنها..