هل ترقص معي

الحلقة 2 🎉

في دار شادية قاعدة في جنينة تترشف في قهوة جاتها جارتها سالمة النقارة و كيما العادة التقطيع و تريش صعتها و صنعت جدودها ..
_سالمة ؛ قولي يا شادية ياخي وعد فاش تخدم
_شادية ؛ في حانوت متاع حوايج
سالمة ؛ برسمي ياخي  قالو مولاتها معروفة ولا شنيا ..تي اسمها قالولي عليه و نسيتو اي تفكرت سحر..سحر
_شادية ؛ وانتي اش دخلك فيها قوم تحرك من قدامي متسكتش ڨرڨرڨرڨر افف
ليلى قاعدة و وعد في باب تنضف فيه تشوف في كرهبة وقفت ديراكت تلفتت لليلى
_وعد ؛ بسسست ليلى ..سحرورة جت
قامو كل باش يسلمو عليها
_سحر : عسلامة لبنات ..
_سلام مدام سحر حمد الله على سلامتك
_سحر يعيشكم مرسي شنية احوال الخدمة
_ليلى ؛ ممتازة
_سحر ؛ اممم ...حلو برشا اوك مالا انا في بيرويا ..وعد جيبلي قهوة للبيرو svp
وعد : d'accord tout de suite
هزت هاكي القهوة و دخلت حطاتها على الطاولة
_تفضل مدام قهوتك
_يعيشك يا وعد
_وعد ؛ في الخدمة.
سحر تقد في الروتوش الكوستوم و تحكي
_سحر ؛ اسمعني اقرى حسابك باش تبقى معاي بعد السرفيس عنا خدمة خاصة
_وعد ؛ اه لحقيقة ..ء...منعرفش ام...
_سحر ؛ منحب حتى كلمة اطلب عايلتك اعلمهم و احنا بعد نوصلوك
_وعد ؛ تسامحني في خمسة دقايق تليفون
_سحر ؛ وي
خرجت وعد مالبيرو منرفزة متحبش تبقى سوايع زايدة تعفس في طاجين تقترو عفست على بانقل دخل في ساقها طاحت نفخت و بدات تنحي فيه شوي شوية
قعدت على كرسي غادي بعد شدت الصباط في يدها و بدات تمشي و تجي تجرب في ساقها توجع ولا لا هي عطات بظهرها و الراجل دخل يشوف فيها حافية بقا واقف يتفرج فيها و يتبسم وحدو بعد هزت روبا خرجتها قاستها على روحها و بدات تتفرج لقات التيكي متاعها طلت على سوم لقاتها غالية برشاا
_وعد ؛ اووف ياميمتي علاه لغلا هذا كل
هي هو استنى و بعد حمحم و دخل وعد شافتو تفجعت قرب منها
_انور ؛ سفا ؟
_وعد ؛ اه ؟
غزر لساقها و حالتها هاكي وعد فهمت
_وعد : اه لا شي حتى شي
_انور : اه ! اوك
_وعد ؛ تفضل انت فاش نجم نعاونك
_انور : تخدم هوني ؟
_وعد : اي ..أن.ـــ....
هي هكك و سحر تخرج تلقاها تحكي مع انور تشعل فيها فتيلة منغير زيت
_سحر ؛ وعد...اخرتها وليت تميعد مع ضيووفي
_وعد ؛ مدام سحر انــ....
_سحر ؛ وتناااقش فياا زادة مقل حياك ...تعدا للمحاسبة وفا المكتوب
_وعد ؛ مدا....
_سحر ؛ قتلك اقلب منضرك
انور قاعد يتفرج و ساكت مش عاجبو الوضع حس بشوية ذنب حاسس الي الطفلة هاكي تطردت من غير حتى سبب و كلو في جرتو اما عداها
سحر قدمت من انور و شدتو من كول السورية و تحكي
_سحر ؛ سامحني مقصدتش نتنرفز اما ماك تعرفني مع الخدمة اللعب لا
_انور ؛ محقكش تصرفت هكك ضاهر طفلة زوالية
_سحر : شنيا سي انور من وقتاش يسخف
_انور ؛ مش حكاية نسخف اما معملت شي حبت تعاوني لا اكثر
سحر قربت منو اكثر وصلت لشفايفو و تكلمت
_سحر : اي justement خاطر حد مينجم يحكي معاك غيري يا gentleman
انور عداها بضحكة و بعد غزر لمنقالتو و تكلم
_هايا اعطيني نقيس يلا عندي ما نعمل
وعد خذات حسابها و في ثنية مروحة طلبت صاحبتها ليلى
_ليلى : وعد سفا
_وعد ؛ منيش سفا في جرتو تطردت
_ليلى ؛ اش تحكي
_وعد : مخنوقة هي نمشيو نسهرو

كوكو !✨
مازلنا في اكتشاف الشخصيات و الاحداث

كيما العادة نحبكم تعبوووهااا جامات و 🎉🔥🔥😎
يلاااا 💫