هل ترقص معي

الحلقة 6 🎉

عندما يأتيك الاهتمام من الشخص الخاطئ ..لكن يجيد تعامله معك فتقع في حبه💛..✨

في حومة راكشين ينقشو في لقلوب يعلقو على الماشي وجاي شكون زعما تي ماهو كيما العادة النقارة متاع الحومة اما المرة هذه معاهم جديدة
_احسان ؛ يا نجاة شفت هاكي مرت الخضار قالك شرات ثلاثة خواتم ذهب فرد مرة
_نجاة ؛ يزي عااد ...يعطيها بقلة منين جابت لفلوس
_فتحية ؛ تي منين ماهي كيما العادة من جمال خويااا ..مسكين وخي خذاتو لحم لوحتو عضم ولا يشهق ما يلحق
_احسان ؛ يزيني يعيشك قاتلو جمال وهو منين عندوو هذاكا كل
_ليلى ؛ عندو عندو تي كيلو لبصل يبيع فيه بأربعة لاف تي ناقص كان يلبسو كوستوم اش تحكي ..منغير متغزرلي خالتي فتحية دنا غادي خالي نقعد
_احسان : انتي اش تعمل هوني متخدمش
_ليلى ؛ نخدم اما العرفة طردتنا كل قالتلنا عندكم نهار راحة
_فتحية ؛ امس تعديت على سالمة قاتلي لي هي مشات عند خالتك شادية عاد سمعت لي وعد تطردت مالخدمة بلحق انا قلت نسالك ماهو تخدم معاها
_ليلى : وووه انتي و خالتك سالمة اقوى مالضوء يا ميمتي ..اي صحيح اما وعد بطلت الخدمة هات طرف قلوب
انور دخل لشركة لعباد كل تصبح عليه و دنكس راسها لوطة خايفين وصل للبيرو
_انور ؛ متدخلي حد عند دوسيات لازم نكملهم
_السكريتيرة ؛ حاضر
_انور : جيبلي قهوة منغير سكر
دخل و غطس في دوسيات محسش بالوقت هو هاو يخدم هاو واقف في شباك يترشف في قهوتو يتفرج من الشباك بعد رجع لتاليفونو 
_انور : فرح كرم هوني
_فرح : لا سي كرم خرج بكري شوي تحب نتصل بيه
_انور ؛ لا لا مش لازم ...انتي زادة تنجم تروح معناش خدمة اليوم
على كرونيش نفس لبلاصة قاعدة على كرسي تحت شجرة كبيرة متاع تفاح وعد شادة حجرة تنحت في اسمها على كرسي و تقطف في التفاح و تاكل وين تفد تمشي للبلاصة هاكي و تبدا تاكل تفاح باش كيف تروح ترقد خاطر التفاح يرقد
متعدي بالكرهبة يرا في خيالها قاعدة شعرتها يرقصو مع نسمة لبحر على بلاصتو قارا الكرهبة و مشا على اساس صدفة يحب يتعرف
قرب منها نحا لوناتو و تكلم
_نجم نقعد
هزت راسها غزرتلو من فوق للوطة لابس سروال نوار و سورية بيضا عينيه ملونين هو زادة لحية برستيج و لوناتتو في يدو
_وعد ؛ اي تفضل
_مرسي
سكتو شوي قامت وعد رمات الحجرة في ماء و نفضت يديها و رجعت قعدت طلعت ساقيها للكرسي
_لين تكلم هو كسر الصمت
_نرفزك برشا
_وعد ؛ نعم
_صاحبك نرفزك برشا
_وعد ؛ منين جبتها لحكاية...معنديش صاحب .
_اه ...هي باهي طمنتني
_وعد ؛ نعم .
_فرحتني ...مع انو وحدة كيفك و مش مصوحبة ولا مخطوبة صعيبة شوي
_وعد ؛ يعني
_انا كرم ( ومد يدو )
_وعد ؛ وعد
_كرم ؛ نعرف
_وعد ؛ تعرف ؟
_كرم ؛ اي انتي كتبتو
_وعد : هههه اي نسيت عندك حق
_كرم ؛ مقتليش علاش تبقى لهنا
وعد سكتت شوي و هو عينيه مهبطهمش عليها باش ياكلها بعينيه كيما يقولو وهي قاعدة تتصرف على طبيعتها و العفوية متاعها هي الي جذبت كرم ليه هي وعد قامت قربت مالشجرة طلعت على غصن متاعها و نحات تفاحتين
و رجعت قعدت عطات تفاحة لكرم و وحدة قرشتها و بعد تكلمت وهي تاكل
_وعد ؛ تطردت مالخدمة
_كرم ؛ اووف ..
_وعد : اي برسمي اووف والله
_كرم : باهي علاش طردوك
_وعد : كلمت كليون مهم للعرفة
_كرم ؛ باهي لوجت على خدمة اخرى
_وعد ؛ لا
_ كرم ؛ علاش
_وعد ؛ خاطر مش باش نلقى
_كرم :شكون قالك
_وعد : نعرف زهري
سكت كرم شوي و ضحك
_كرم : المرة هذه زهرت معاك ..تخدم معايا .
_وعد ؛ ههه تفدلك
_كرم ؛ لا
_وعد ؛ وين باش نخدم معاك سمحني
_كرم ؛ وسع بالك متتنرفزش ..عندي société معا واحد صاحبي نستحق مساعدة تنظملي وقتي هاك طلعت انتي قدامي كان تحب تنجم تبدا انتي
_وعد ؛ فهمتك   ...اما انا منفهمش خدمة الشركات
_كرم ؛ انا تو نعلمك متخافش وزيد مقتلكش اصنع صاروخ نطلع بيه للقمرة
_وعد ؛ هههه باهية
قعدو يضحكو بعد سالها اذا وافقت ولا لا وافقت على الخدمة من غدوة باش تبدا
_كرم ؛ مرسي على تفاح بنين ...قداش تبيعلي الكيلو
_وعد ؛ ليك انتي على ثلاثة الاف
_كرم ؛ لا بطلت هههه هيا غدوة انشا الله
_وعد ؛ يعيشك

روحت لدار فرحة مسرورة باست جداتها و تعطيت
_شادية ؛ يا طفلة تي شبيك طمني
_وعد ؛ لقيت خدمة
_شادية ؛ هي هي ..حمد الله وين لقيتها
_وعد ؛ في شركة
_شادية ؛ في شركة متاع شنيا
_وعد ؛ وين نعرف تو غدوة نشوف
_شادية ؛ شنية لحكاية الحولة هذه
_وعد ؛ متخافش المرة هذه تو نسلكها
_شادية ؛ اش تحبني نقولك بنيتي ربي معاك
_وعد ؛ يعيشك...

وي اي نعم كرم شريك انور 😌🙂

انور و وعد باش يخدمو في شركة وحدة ✨🔥

مزال يصير فيك يا انور 😂💛

تو كيف باش تبدو تفهمو الكرو و قصتها و تويكا باش يبدا الحماس و التشويق ✨🔥

بااااي نلقى تفاعل من هوني لليل نهبط حلقة اخرى 😘🎉👋👋😎

باااااي 😍💫