باش يروح انور من الدار الجبل بعد ما تعارك مع مايا ..وصل للدارو وين وعد وقف الكرهبة حاول يهدي روحو و يرجع لأنور الصعيب و السيريو هبك مالكرهبة و حط يدو على باونيي متاع الباب تردد باش يحلو ..بعد بدقائق غمض عينيه خذا نفس و حل أول ما حلو يلقى وعد مرمية على القاع وجهو لخلخ في لحظة حس ساقيين رخو هبط على ساقيه و بدا يضرب فيها بشوية على خدها يفيق فيها
_انور : وعد ، وعد
حركلها راسها حس يدو فيها حاجة وين شافها لقاها دم حاول يهزها شوية يلقا راسها كلو بدم ..بهت شوية و بعد قام حملها و خرج بيها حطها في الكرهبة و مشا بيها طاير للكلينيك
اول ماوصل هبط ملكرهبة يعيط
_انور : وينكم ..وينكمممممم عاونوني
دوبا ما شافوه مشاولو يجرو هبطها انور في حملتو و حطها على سرير
_الطبيب ؛ شنيا صارلها
على سؤال الطبيب انور يشد الطبيب من ذراااعو و يكبس عليه
_انور : تره ثبت مليح شكون لازم يسؤلو السؤال هذا
الطبيب : وسع بالك ..مجرد سؤال باش نعرف سبب الضربة .
على خلوط كرم الي عيط للأنور
_كرم ؛ انور
سيب انور الطبيب و هو مشا يجري لكرم
_كرم. ؛ اش صار ياخي
_انور : منعرفش ، دخلت لدار نلقاها غارقة في دمها
_كرم ؛ باهي باهي ..وسع بالك ...اسمعني انتي امشي مع الفرملية ركح اوراقها و انا تو نشوف الطبيب
قالو انور باهي براسو ريقل مريولو بغش و مشا مع الفرملية و كرم طلع للطابق الفوقاني وين لقا الطبيب لبس لبستو باش يدخل للعملية
_كرم : دكتور
_طبيب ؛ تفضل ، عندي عملية تو
_كرم : انا قريب وعد
_طبيب ؛ مدام وعد تعرضت لضربة قوية في الراس باش نحاول ننقذها و الباقي على ربي ..
على كلمة هاااكي كرم جن جنونو و شد طبيب من كتفو وبدا ينزل عليه بيدوو
_كرم : انتي مش باش تحاول تنقذها ..انت باش تنقذها يا سي دكتور
الطبيب غزر ليد كرم و نطرها و تكلم بشكر عين
_طبيب ؛ اسمعني انا قلتو لاخر هذه مجرد امور روتينية كان فما حاجة نجم نعملها منيش باش نقصر .
دخل الطبيب للعملية بعد بساعة انور يمشي ويجي قدام غرفة العمليات و كرم قاعد حاط يديه على جبينو شوي اخر و تحل الباب و خرج الطبيب وقفو الزوز باش يسالو على احوال وعد
في الشركة جات ملاك المسؤولة على الاستقبال
_ يا جماعة ..
تلفتولها ناس كل
_اليوم المدراء الزوز مهمش جااين طلبو منكم تاجلو كل شي
_ملكة ؛ لباس ماهو اش فما
_ملاك : مدام وعد داخت اليوم ضربت راسها هزوزها للكلينيك حالتها خطيرة
سمعت ليلى تقولش شكون صب عليها سطل ماء ديراكت هزت روحها و مشات تجري
نرجعو لصبيطار وين الطبيب خرج نحا البافات و تقدم قامو انور و كرم يسالو
_كرم ؛ دكتور
_انور ؛ طمنا
_الطبيب : حالة مدام وعد مش ساهلة ..العملية كانت صـ.....
_انور : اختصر و سيب عليك من المقدمات
_كرم ؛ وسع بالك انور اكيد لاباس مش هكا دكتور
_الطبيب ؛ العملية ممشاتش كيكا نحبو مدام وعد دخلت في غيبوبة اما متواصلين في علاج متخافوووش
كرم على كلمتو يشدو من طبلييتو و يدزو للحيط انور حك لحيتووو و جبد كرم من عندووو
_انور : كرم كرم وسع بالك ...هاكا تو تضرب دكتور جمال يجي منو
يحكي معاه و مسح بيدو على كتفو خلاه لين طمان الطبيب و انور ميكنوش مالعاكسين و يهز بونيتو و يعطيهالو في نص وجهو شوي لا كسرلو خشمو و عمال باش يزيدلو الثانية خلطو الشرطة الطبيب طلب الشرطة قبل ما يخرج و هزو انور و مشاو
انور مشا و ليلى وصلت سئلت على بلاصت وعد مشات تحري لقات كرم واقف يطل عليها من شباك البلار .. ليلى حطت يدها على كتف كرم تلفتلها بعينين ذابلين
_ليلى : باش تفيق مش هاكا ...وعد باش ترجعلنا
_كرم ؛ اكيد يا ليلى انشا الله ترجع في اقرب وقت ..
ليلى تلفتت ايمينها و ايسارها و تكلمت
_وينو ؟
_كرم : شكون
_ انور مش على اساس راجلها
_كرم ؛ في المركز
_ليلى ؛ اش يعمل غادي
_كرم : متسالش ..ضرب الطبيب
_ليلى : وه يا غلبة هذه اخرتهاا ...اي وانت شبيك هوني ماكش معاونو
_كرم : اش عندي نعملو ..بعثتلو المحامي تو يسلكوها
في المركز دخلو انزر في بيرو رئيس المركز و يحكيو معاهم المحامي
_انور : وقتاش باش نخرج
_سي انور سي جمال كان باش يقدم ضدك شكوى اما ادعي للمحامي متاعك سلكهالك المرة هذه
_يعيشك ...تو نجم نخرج مرتي في كلينيك
_اي اي ...صححلي هوني و تنجم تمشي ..حاول متخرجش من البلاد مزلنا نستحقوك...
نهاية الحلقة 😇
وينكم يا لبنات 😎🙃
اش عامل فيكم الطقس 🌨️☔🧤
أنت تقرأ
هل ترقص معي
Romanceحكاية جديدة باللهجة التونسية ❤️🇹🇳 حكاية البنت التي تقع في فخ الحب لكن لن تتمكن من الوصول لهدفها بسهولة حيث ستواجه العديد من المصاعب كل هذا سنجده في كرونيك وحدة تحت عنوان ؛ هل ترقص معي 💃🏻 للكاتبة : يسرى حسين©
