هل ترقص معي

الحلقة 10 🎉

ليت الزمان يتوقف دقائق من العمر ..للتيح لنا فرصة كشف ما وراء الأقنعة...💛

تقدم خطوات تجاهها و مد يدو بكل حنية و تكلم بصوت بكلو رجولة و لطافة
_أنور : you dance with me
قعدت تغزر قلبها باش يفرفرط مالفرحة بكل رقة
_وعد ؛ yes
شدلها يدها و تقرب منها هزت يدها حطتها على كتفو و هو هز يدو حطها على خصرها و بداو يشطحو منسجمين و لعباد الي حاضرين كل كيف كيف كل شوي يتبدل الريتم متاع لغناية
_وعد ؛ اش فما
_انور ؛ تبعني ...
_وعد ؛ اوك
كملو شطحوو في اخر الرقصة بعد عليه و رجعت مالت شوية و انور شدهاا من ضهرهاا و تكلم في نفس الوقت الي تكلم فيه شعل الضوء عليهم و سكتو ناس الكل
_انور ؛ تقبل تعرس بياا
وعد تخطف لونها مفهمت شي معرفتش اش تعمل اللعبة الي كانت هي خطة من انور مع مدير الشركة التنظيم حب يعمل هكك ..وعد فاقت من سرحتها على صوت الناس الي يصفقو و يعيطو على كلمة موافقة وهي مازالت في حملة انور الي قاعد يغزرلها و يتبسم
_انور ؛ باش تبقى برشا هاكا
وعد فاقت هزت روحها و بعد ريقلت شعرها و حمحمت شوي و غزرت لصحبتها ليلى الي غمزتها باش تقول حاجة و طمنها بوجودهااا
_وعد ؛ موافقة
انور فرح شدها من يدها قربها ليه و باسها من راسها ناس كل فرحانين و الصحافة شايخين اكثر و اكثر ...فما شخص واحد مش فرحان بالي هو فيه و هو اكيد عرفتوه شك ن غيرو كرم ...كرم الي ياكل في روحو خاطر يعرف خطتت انور كل انور عمرو لا حب ولا باش يحب تي عبد معندوش قلب اصلا همو الوحيد يحب يلعب اللعبة هذه باش ينتقم من وعد ..على خاطر اثرت فيه ..باش تقولو شنيا ذنبها اما نقولكم اي انور عاش محروم من امو رغم وجودها قدامو كل دقيقة و كل ثانية كانت تتحكم غير في شنيا يعمل و شكون يصوحب  ولا يكره الجنس اللطيف ..و اي طفلة تحرك في داخلو حاحة ياقف على حكاية امو و يحاول ينتقم منها باي طريقة.لكن هذا ميمنعش الي يعمل علاقات لبرة ...اما وعد حكايتها بير غارق صحيح اثرت فيه اما الي عملتو فيه مش شوية من تسميع كلام و كبان العصير على وجهو و تقربها من كرم كل حركة انور مقيدها في مخو و حاسبلها الف حساب
الحفلة قريب توفاا كرم كاس ورا كاس معاش يرا قدامو بسيف واقف
_ليلى ؛ كرم ..يزي مالشرب
__كرم ؛ اش دخلك انا نحب نشرب ...بارمان زيد كاس
_البارمان .: .سمحني سي كرم انتي شربت برشا اليوم مالمستحسن تروح ترتاح
كرم على كلمة هاكي جن جنونو
_كرم ؛ يا خي انت شوكككن باش تتدخل فيا
يحكي و يضرب في يديه على كونتواار ..
_ليلى ؛ كرم كرم ..كرم يزي يزي ايجاا معاايا باش نتفضحو الصحافة موجودة قدام الباب
_كرم ؛ انا معندي منخبي تسمع فيا ليلى
هزتو ليلى و هو يهتري وحدو خرجتو مالباب الوراني باش متصوروش الصحافة و بعثت مساج للوعد : انا روحت بكرم سكران باش نوصلو لدارو و نروح انت وين مريتكش
في تاكسي ليلى و كرم يوصلها مساج حلتو لقاتها وعد
_بعد الي صار انور طلعتلو خدمة جديدة وصلني لدار و مشا انتي زادة رد بالك على روحك حبي نستناك .

لايك للحلقة يا حبايب قلبي 💔💛🎉🎉