هل ترقص معي

الحلقة 19 🎉

تعدى النهار كيما تعدى انور الي حالتو داخلة في حيط بين احساس الذنب للصار لوعد و بين قلبو الي مايهوى طفلة و مابين الوعد الي قطعو لروحو ..روح لدار بعد ما طلبو منو اوراق وعد باش يرسموها في سجلات الكلينيك حاصيلو ركب في كرهبتو و مشا للدار جاء طالع للبيتها شاف الدم الي في قاع مزال موجود رص على سنيه و كمش بونيتو و طلع حل باب بيتها غزر ايمينو و ايساارو يلوج بعينيه على فاليجتها لقاها تحت الكوافوز جبدها و حطها على فرش جبد الكرسي و قعد بعد حل الفاليجة يلقا تصويرتها وهي صغيرة ..
انور يحكي : اول ما حليت الفاليجة نلقى تصويرة يعني اكيد وعد نفس الملامح و معاها راجل و مرا عمري لاشفتهم اكيد امها و بوها منعرفش علاش دققت في الموضوع اكثر مالازم سرحت و كي فقت من سرحتي كرهت روحي منيش عارف اش صادني شنيا الشعور الي سيطر عليا ..مهتميتش قلبت التصويرة و كملت نفركس في اوراق متاعها لين نلقا سطوشها حليتو نلقا فيه بطاقتها و اوراقها الشخصية هزيتو حطيتو في جيبي و رجعت كل شي لبلاصتو هزيت معايا حوايج و خرجت في ثنيتي طلبت الخادمة ترجع تخدم تنظف .
...
ليال الطبيبة قاعدة تبدل في السيروم متاع وعد لين فاقت وبدات تمتم
_وعد ؛ لا لا ...انور..ا..نو...ر
ليال ؛ مدام وعد ..ارتااح ..حمد الله على سلامتك انا دكتور ليال عبد العزيز متخافش انتي في كلينيك اهدء شوية و ارتاح
_وعد : انور ..نحب انور ..
_ليال : باهي ارتاح تو نخبرو الي انتي فقت ..انشا الله لباس
تلفتت للفرملية باش تخبر انور اول ما خرجت مالقاتوش هي جات ماشيا و كرم و انور وصلو لين سئلت
_شكون فيكم انور
تقدم انور و تكلم
_انا لباس ..وعد لباس
_متخافش مدام وعد فاقت و تحب تقابلك ...
_كرم ؛ الحمد الله ..انور امشي انا تو نتصرف في اوراق
قالو باهي براسو و دخل
اول ما دخل كان متردد و بعد مشا عطاوه لبسة كاملة معقمة و بفات
غزرلها من بعيد راقدة خيط الماكينات تزن متشجعش باش يقدم يحكي معاها هو جا داير و يوقف على صوتها بإسمو غمض عينيه و دار
_انور : كيفاش تحس في روحك
_وعد ؛ حمد الله
_انور : متعبش روحك ، ابرا و بعد تو نحكو
قال كلمتو و خرج يجري ..

نهاية الحلقة 😘🎉
نتقابلو في الحلقة الجاية

و في العام الجديد نتمنالكم برشا خير و فرحة و نجاح 😍🤲🏻