هل ترقص معي

الحلقة 5 🎉

ليت الزمن يعود إلى الوراء
لما شعرت بلوعة  بالندم 💛...✨

جاها فلاش باك على كل شي كمشت على يديها بالملحفة و بدات تعض فيها و تعيط
_وعد ؛ اووف علاش عملت هكك زح
غمت على راسها و رقدت لين طلع الصباح فيقتها الريvاي عدات يدها سكتتها و رجعت رقدت شوي و قامت جات واقفة
مشات عملت دوش و رجعت حلت الخزانة ليست روبة حمرة قصيرة مكياج خفيف و صندال خرجت لقات جداتها كيف فاقت باستها صبحت عليها و خرجت تجري خذات تاكسي و مشات للبلاصة الي قال عليها
دوبا ما وصلت لقاتو سبقها قاعد في طاولة متركنة وقفت شوي تحفظ في ملامحو تي برسك كل يوم تراه بلوك مرة كوستوم و مرة سبور تو لابس سورية هاواي و شورت و مظلة حاطها على طاولة داخت في احلامها على صباح تي يظهرلي تظربت جات الدور و ماكم تعرفو اي بنية تعشق فارس احلامها هذا من نهار لي نقذها ولا بنسبة ليها الموت و لحيا فيه
انور شافها مد يدو فسخت علامات الاستفهام الي على وجها و رسمت تبسيمة قدمت لعندو ملامحها باردة و من داخل باش تفرفط
_انور ؛ بنجور
_وعد ؛ بنجور
_انور ؛ تقضل
_وعد : يعيشك
_انور ؛ قهوة ؟؟
_وعد ؛ jus d'orange منحبش القهوة علصباح
_انور ؛ اوك
هز يدو جاه السارفور باش يجيبلها العصير خاطر هو سبق و هبط قهوتو
_انور ؛ باهي مالا يا ....
_وعد ؛ وعد
_انور ؛ وعد اسم سبيسيال
_وعد ؛ ههه مرسي يعيشك .
انور هز فنجالو كيف جا السارفور حط العصير و بقا يتفرج ايمين ايسار و يغزر لمنقالتو
_وعد ؛ اش تحكي مالا
_انور ؛ اه ...حبيت نستدعاك اليوم باش نعتذرك على الي صار كل ..
_وعد ؛ كيفاش
_انور ؛ انا نحب نقلك ..
_وعد ؛ اي موافقة
_انور ؛ نحب نقلك الي انا ديما يصيرولي مشاكل هاكا برشا بنات ديما يتضرو في جرتي اما انا نحاول اني نعذرهم و نتفهمهم
_وعد ؛ نعم !
وعد كانت قاعدة سارحة في احلامها الوردية تفيق على كلام انور الي كي صاعقة على قلبها و تقوم تهز كاس العصير و تبزعو على وجه انور
_وعد ؛ يضهرلي السخانة طلعتلك شد برد ...جايبني لهوني باش تحكيلي على حكاياتك الغرامية سي شباب
_انور : تي اش عملت علاه هكااا ..زايد القعرة
و هز روحو و مشااا يعفس في طاجين يقعرو.
وهي قعدت شربت ماء و حاطة يديها في جنابها و تحكي
_وعد ؛ ما فما قعر كان انتي يا سي طبالة
تلفتت تلقى ريستو كامل يغزرللها رجعت هزت ساكها بغزول و خرجت مشات تتمشى لين وصلت على شط لبحر

كوكو !!!

اش قولكم في موقف انور و وعد 😂🤔

انتي مع انو طرف و كان جيت في بلاصة وعد تتصرف نفس التصرف متاعها ؟؟ 😌🙂

خبروني في كرومنتار و متنسوش ڤوت 💫🔥🔥😎

موعدنا في حلقة القادمة 🍉❤️😇

بيسووو😘😘