انور مزال قاعد في البار شاد الكاس في يدووو ماعلابالو بحد عدا عشية كاملة و تو قريب وجه صباح وهو في نفس لبلاصة في البار قعد بحذاه صاحبو يعرفو شوي و بعد كمل وحدوو قريب الفجر هز روحو و خرج
ركب في كرهبتو تعدى للأوتال هز المفتاح طلع للبيت حل الدوش عمل دوش سخون باش يصحصح وهو باقي يخمم في وعد و بعد بدل دبشو و هز مفاتحو و خرج هز كرهبتو و مشا للبيت قرر انو يضهر و ويواجه وعد الي هيا ديجا مش معبرتو ناسيا الي هيا معرسة جملا اما هو الي في مدة لخرة ولات متخرجش من راسو لدرجة انو مش منجم يركز في شي تنجم تقول الكف متاع كرم فيقو
حبس الكرهبة قدام الدار قاعد يرتب في الافكار متاعو لين جاتو فلاش باك لأول مرة يقابلها
_هي تمشي على كورنيش لا بيها لا عليهااا لين تجي طاايحة يشوف فيهااا دااخت بطبيعتو يجري مشالهااا هبط على ركابو و بدا يفيق فيهااا هي فاقت حلت عينيها بشوية قابلهاا راجل لحية و بدن مع ريحة البارفان زادت دوختهاا ...بقات التبع في قطرات لعرق الي عملو لمعة مع شمس صباح مزالت غايبة على وعي جملا دوبا ما تشوف في شفايفو يتحركو بعد شهقت شهقة وحدة و تكلمت قالتها بالمصري
_وعد ؛ معقول انا في جنه (معؤل أنا في ڨنه )
بقااا يغزرلهاا ضم شفايفو حب يضحك اما منجمش ميجيش يتفيسخ عليهااا هي تلفتت تلقاه مزال قاعد لوطة هزت يدهاا لمنقالتووو لقاتهااا قريب ثمنية هزت روحهااا بشوية و مشات تجري استغرب هو يشوف فيهااا هزت يدهاا وقفت تاكسي و مشات تلفت لبلاصتهااا يلقى شركة هزها يلقاهاا مكتوب عليهااا promise حطها في جيبو
ضحك بأعلى صوتو و جبد مالكوفر متاع الكرهبة هاكي الشركة و شدها في يدو و جا هابط يشوف في وعد خارجة ..
فلاش باك
دخلتها للكوجينة مسحت دمعوهاا و نفخت و حاولت تنشف دموع الي محصورين في عينيها بيديها تمروح بيهم و بدات تصنع في ضحكة تبدل الجو
_خليني نطيب لعشاء اكيد راك جيعانة
_وعد ؛ لازمها ههه
بدات تحضر في العشاء باش تعمل لازانيا و وعد تكلمت
_وعد ؛ ليلى
_قولي
_دبرلي كرهبة لغدوة مالشركة
_ليلى : وه وعد ياخي انا باش ندبرلك ولا انتي راك مرت المدير
_وعد ؛ ياعطيك دقة والله نسيت مشا من بالي ... يزي مالبهامة ليلى كان نطلبها انا ماهو باش يمشو يقولو لانور و منحبوش يعرف بحكاية باسل هو حكا وبسيف يغزرلي خلي يا يسمع بلحكاية
_ليلى ؛ فهمتك ستنى ...
رجعنا :
يشوف في وعد ركبت في الكرهبة و مشات حب يتبعهاا هاي تمشي هاي تمشي لين وصلو لبلاصة بعيدة فيها برشا ديار تابعين اجونس سلسلة متاع فيلات كلهم كيف بعضهم هبطت وعد مالكرهبة و انور يشوف فيها من بعيد جبدت تاليفونها تثبت اناهي دار لقات رقم مشات شوي لقاتو حلت الباب البراني و دخلت هبط انور مالكرهبة و بقا مركز معها وين مشات يشوف فيها قدام الباب بعد ما ضربت الناقوز وهو بيدو مش فاهم تمتم بينو و بين روحو
_اش قاعدة تعمل وعد ..
هو مكملش حكايتو و الباب تحل رجع تلفت يشوف في راجل واقف قدام الباب و وعد حابسة شادة في ساكها و معملت حتى ريكاسيون و الراجل عمل بيدو تفضل باش تدخل على شوي تفكر اول مرة جاب وعد لدار النار لهبت في جواحيه ..
دخلت وعد و هاك الباب تسكر انور مفهم الشي اما حس خيوط مخو بداو يماسو ..
في وسط الدار باسل قاعد على كانابي في الصالة و وعد واقفة باهتة في كل حاجة في الدار كل شي كيما تنمنتووو. و اكثر
هاااااي 🤭
اش قولكم في الحب الممنوع 😅😌
الحلقة هذه برعاية اليوم العالمي للحب 😅😭
نعرفو هذا في السطور الجاية ✍🏻😘
أنت تقرأ
هل ترقص معي
Romanceحكاية جديدة باللهجة التونسية ❤️🇹🇳 حكاية البنت التي تقع في فخ الحب لكن لن تتمكن من الوصول لهدفها بسهولة حيث ستواجه العديد من المصاعب كل هذا سنجده في كرونيك وحدة تحت عنوان ؛ هل ترقص معي 💃🏻 للكاتبة : يسرى حسين©
