هل ترقص معي

الحلقة 22 🎉

وعد راقدة في البيت لين صونا تاليفونها هزتو كان على تابل دو نوي حلت لقات مساج من رقم مجهول مكتوب فيه
_غدوة نلقاك في اللوكاليساسيون الي باش نقولك عليها. عنا برشا حكايات لازم نحكيو فيهم ..رد بالك متجيش ولا نعمل حاجة متعجبكش .
طيشت التاليفون و عيطت عيطة
_وعد ؛ بااااااااسل
نفخت و هزت شعرها لتالي و عادوت رجعت لتاليفون ..
كرم بعد لعركة متاعو مع أنور تنرفز برشا وحب يبدل شوي الجو مشا على كورنيش لحقتو ليلى كانو قاعدين على كورنيش ليلى قاعدة على كرسي و كرم واقف على الحافة شوي لين يجيها التاليفون جبدتو من ساكها قراتها وعد و هزت راسها لقات كرم يغزرلها
_ليلى : الو
_قالي لازم نتقابلو
كيف سمعت ليلى كلامو فهمت الي هي تحكي على باسل غزرت لكرم الي لقاتو يغزرلها قامت و قالتلو
_امي
كرم عمللها براسو باهي و رجع يغزر للبحر و ليلى بعدت عليه اكثر
_ليلى ؛ اش تحكي ياخي قالك نتقابلو متقول هاكلام
_قلتو ..منيش عارفة اش نعمل كان مشيت يا حليلى و كان قعدت ياسواد ليلي
_باهي باهي وعد اسمعني مليح اهدى شوي و نكون بحذاك
_وعد ؛ اي والله مستحقتلك
علقت ليلى و رجعت لكرم تحكي
_لازم نمشي كرم
_كرم : لباس ماهو
_ليلى : لا لباس شوية مشاكل عائلية كهو
_كرم ؛ اوك فهمت ..مالا تحب نوصلك
_لا لا متخممش فيا تو ناخو تاكسي
قاللها باهي براسو رسمت تبسيمة هيا جات ماشية وقفها تلفتتلو
_كرم : مرسي على وقفتك معايا
_ليلى ؛ منغير مزية
تبسمت و مشات شوية و زاد وقفها تلفتت و هي تضحك
_ليلىى: نعم
_كرم ؛ كي تستحق حاجة هاني هوني متنساش
_ليلى ؛ ( عملت براسها باهي) يعيشك
وصلت للكياس وقفت تاكسي و مشات ..
أنور في بيروه يدادي غادي وجاي عندو اجتماع مع شركاء باش يعقد معاهم و مخو مش فوقو كل درج يشوف منقالتو مذابيه وقتاش يخرج هي كمل الاجتمااع دخلت السكريتيرة متاعو باش تصححلو لاوراق
صححهم هي خارجة بيعيطلها بإسمها ناداها وعد
_سمحني .حضرلي  حسابات الشهر  الي فات لغدوة تو انا خارج ماتطلبني كان اذا كان فما حاجة مهمة
_حاضر سي انور
خرج انور هز كرهبتو و طار للبار ديراكت لابس جاكيت كوير و سروال نوار و سبادري نوار قعد على كنتوار
_وسكي
_تفضل
اما ليلى وصلت لعند وعد
_ليلى ؛ زعما اش مرجعو لهنااا بعد الي صار كل
_وعد ؛ منعرفش اما انا شاكة في شكون قالو الي انا وين قاعدة
_ليلى : متقوليش ؟؟
_وعد ؛ خالتك شادية ماللاول مش موافقة على انور
_ليلى : اما باسل عندو سنين لحكاية ماتت من وقت لي جيتو لهوني لتونس
سكتت شوية وعد و بدات تحكي في حكاية باسل
_وعد ؛ كنت صغيرة برشا ..صغيرة يمكن في 18 جا قدانا ولد جيرانا اول ما ريتو تضربت فيه ههه حب من اول نظرة ...وقتها حسيت بشعور محلاه الي عشناه مش شوية عشنا برشاا حكايات مزيانة هبلنا مع بعضنا اما ..
_ليلى : اما بكيت وحدك
كانو يبكو الزوز وعد مسحت دموعها و تضحك بغصة
_وعد ؛ وقت قالي الي انتي باش تولي مرتي متتصورش الفرحة الي فرحتها كان عمرو يزيد عليا بأربعة سنين ..خططنا لكل شي و حلمنا بعرسنا و دارنا و سطرنا حياتنا ولا بالأحرى سطرت حياتي الوهمية ..مكنتش نتصور الي باسل طلع معرس و مقاليش ... اما هذا قدري تي حتى من انور عمل معايا الي ماكملوش باسل
_ليلى : وعد باهي يزي ...يزي عيش اختي يزي... اكيد تو نتجاوزو كل شي
حملت صاحبتها و هزتها من يدها دخلتها للكوجينة مسحت دمعوهاا و نفخت و حاولت تنشف دموع الي محصورين في عينيها بيديها تمروح بيهم و بدات تصنع في ضحكة تبدل الجو
_خليني نطيب لعشاء اكيد راك جيعانة
_وعد ؛ لازمها ههه

الحلقة وفات يا لبنات 💗😌

فولو مي 😘✔️
لايك للحلقة 😗⭐

و يلااا للحلقة الجاية 😇😎