If You Speak Your Heart (Heart Series #1)

Heart 20

Chapter 20
VALENTINES

"Ah!" gulat kong sambit nang biglang may mga malamig na palad ang lumapad sa leeg ko.

Napatingin ako sa likod at nakita si Sirius na may dalang malamig na bottled water. He chuckled and seat beside me in the ground.

Nasa field kami ngayon at nagbibilad sa araw dahil may practice ng field demo. Binigyan kami ng ten minutes break kaya nagpasilong muna kami sa shed at mga puno habang hinihintay na tawagin ulit ang set namin.

Sirius opened the bottled water and a biscuit for me. Pagkatapos ay naglabas siya ng hand fan at itinapat iyon sa akin.

Napapikit ako at parang nasa langit ang pakiramdam. He chuckled again and moved it more closer to my face and neck. Pawisan din siya pero mas siniguro niyang sa akin napupunta ang lahat ng hangin sa handfan.

"Ikaw naman," sabay tulak ko sa handfan.

"Ayos lang ako. Para sa'yo talaga 'to."

"May extra panyo ako. Kailangan mo?"

Ngumiti siya at umiling. "Gamitin mo na lang sa'yo."

"May ginagamit na akong panyo. Ilagay ko na lang sa likod mo?"

Nanlaki ang mga mata niya. He licked his lower lip and nodded. Bahagya ko siyang pinatalikod para mailagay nang maayos sa likod niya ang panyo. He was looking over his shoulder and watched me take good care of him. Nakasunod pa rin sa mukha ko ang handfan niya.

"May dala ka bang extra t-shirt?"

He nodded and stared at me. Pinabalik ko na siya sa pwesto pagkatapos mailagay sa likod niya ang panyo.

"Magpalit ka ng damit pagkatapos ng practice natin."

He nodded obediently.

"Uminom ka rin ng maraming tubig. Ako na lang lagi ang binibigyan mo."

"Opo."

"Nagugutom ka ba?"

Umiling siya pero nang makitang inaalok ko ang biscuit sa kanya, kumagat agad siya. We shared the biscuits and water. Nang mapansin niya ang panyo ko sa kamay, ininguso niya iyon.

"Iyan ba ang panyong ginagamit mo?"

"Uh, oo."

"Pawisan pa ako..." sabi niyang nagpapahiwatig.

My heart pounded. Nakatitig siya sa akin habang nagpipigil ng ngiti. Mabilis akong nagbaba ng tingin sa kaba.

"N-Nagamit ko na 'to."

"Sa pawis mo lang ba? Ayos lang."

"Hindi ko naman masyadong ginamit. Pero... sure ka?"

He nodded gently. Bahagyang nanginginig ang kamay ko nang inangat ko iyon at pinunas sa pawis niya. Tumatambol ang puso ko pero nagpatuloy ako sa pagpunas ng pawis niya.

He smelled so good. Parang mas lalo siyang bumabango kapag pinagpapawisan. Nakatitig lang siya sa akin habang pinupunasan ko siya, namumungay at inaantok ang mga mata.

"Hay! Pwede naman sana magshare ng handfan, 'di ba? Mas madaling matuyo ang pawis doon, subukan niyo!" rinig kong sigaw ni Migoy sa di kalayuan habang nakangiwi.

"Nagrereklamo talaga tayong mga walang bume-baby, Castillo! Bitter kang kupal ka!"

"Wala bang bi-baby sa akin diyan?"

"Hindi po bine-baby ang mukhang baboy-ramo!" pang-aaway ni Sindy.

Narinig ko ang malakas na tawa ni Hans. It was followed by Migoy's groan and the next thing I saw, sinusundan na niya si Sindy.