"သခင် ဟီဆွန်း
အဆင်သင့်ဖြစ်ပါပြီ။"
အစောင့်၏ စကားနှင့်အတူ
ရှေ့တွင် ရထားလုံးမှာ အဆင်သင့်ရပ်၏။
မြင်း၏ အသက်ရှူမာန်ဖီသံတစ်ချက်နှင့်အတူ
ဟီဆွန်းသည် ဘေးတွင်ရောက်လာသည့်
ပုံရိပ်ငယ်အား တစ်ချက်စောင်းငဲ့ကြည့်လိုက်မိသည်။
ကိုယ်တွင်ဝတ်ဆင်ထားသည့်
စိမ်းပြာနုရောင်ဟန်ဖုမှာ သူ၏ကိုယ်ပေါ်တွင်
ချပ်ရပ်လှကာ တင့်တယ်လွန်းနေ၏။
မျက်နှာပြင် တစ်ပိုင်းတစ်စကို ဖုံးလွှမ်းထားသည့်
မျက်နှာဖုံးပုဝါပါးစမှတစ်ဆင့်
ညှိုးငယ်နေသည့် မျက်ဝန်းတစ်စုံနှင့်အတူ
ဖြူလွှသည့်အလှကို ရိပ်ရိပ်ကလေးမြင်နေရသည်။
ပုဝါစပါးက မျက်နှာပြင်ကို ကွယ်ကာထားသည်မို့
ပုဝါပါးအား အတင်းဆွဲဖယ်၍
ပုံရိပ်ငယ်၏သဏ္ဍာန်အား တွေ့မြင်ရရန်အလို့ငှါ
လောဘဇောကပ်ချင်စရာ အသွင်သဏ္ဍာန်ဖြစ်၍နေ၏။
"ငါ့ရဲ့အနောက်မှာပဲနေရမယ်။
သင်ထားသည့်အတိုင်းသာ ဆောင်ရွက်ပါ။"
သူ့စကားအား တုံ့ပြန်မှုမပေးသည့်
ဆောနူအား ဘာမှဆက်မပြောတော့ဘဲ
ရထားလုံးပေါ် ဆောနူအား အရင်တက်စေကာ
ဟီဆွန်းမှာ နောက်မှတက်လိုက်လေသည်။
ချင်နိုင်ငံသည် ယခုအချိန်တွင်
ဩဇာအာဏာ အလွန်ကြီးမားလျက်ရှိကာ
သူ၏အိမ်နီးချင်းနိုင်ငံပြည်ထောင်များက
သတိထားကြရသည့်အခြေအနေတွင်
ဟန်လူမျိုးတစ်ဦးဖြစ်သည့် ဟီဆွန်းမှာ
ချင်ဘုရင်၏ သဘောကျနှစ်ခြိုက်မှုကိုခံရသည့်
စီးပွါးရေးသမားအနည်းအကျဉ်းထဲမှ
တစ်ဦးဖြစ်လေသည်။
ဟန်နိုင်ငံ ချင်နိုင်ငံအပြင် ဂျိုဆွန်းပြည်တို့၏
ဆောင်ကြာမြိုင် စီးပွါးရေးလောကကြား
ကျွမ်းကျင်လှသည့် ဟီဆွန်းမှာ
ပြည်ထောင်များကြားတွင်
ဂုဏ်သတင်းကြီးသူ တစ်ဦးဖြစ်ပေသည်။
သူ၏ လက်အောက်တွင် လရောင်စံအိမ်ဟု
အမည်တွင်သော ဆောင်ကြာမြိုင်တို့တွင်
ကချေသည်ပေါင်းစုံ အရောင်စုံစွာဖြင့်
ဖျော်ဖြေရေးလောကကြီးသည်
လှုပ်ရှားသက်ဝင်လျက်ရှိနေလေသည်။
YOU ARE READING
Forbidden Melodies
Fanfiction"အကျွန်ုပ်၏ လည်ချောင်းသွေးခမ်းသည်အထိ သီဆိုမည့် ဂီတသီချင်းတစ်ပုဒ်အား အရှင့်သား ရွှေနားတော် လာဆင်လှည့်ပါဦး" ဂီတလုလင်လေး၏ဖြစ်အင်ကို လူအများက သနားဂရုဏာသက်စွာဖြင့် ငေးကာကြည့်နေကြသည်။ အရှင့်သား၏ နန်းတက်ပွဲမင်္ဂလာနေ့ရက်မြတ်မှာမှ ဤကဲ့သို့ ကွက်မျက်မှုဟူသည် မ...
