Oops! This image does not follow our content guidelines. To continue publishing, please remove it or upload a different image.
"လရောင်စံအိမ်ရဲ့ လပြည့်ဝန်းကလေးဟာ
သည်ကနေ့လည်း တေးသီဆိုဦးမတဲ့ဟေ့"
"ဟေ....
တို့တွေတော့ သွားပေဦးမှပဲ။"
လရောင်စံအိမ်၏ သခင်ဟီဆွန်းကိုယ်တိုင်
လေ့ကျင့်ပျိုးထောင်ပေးလျက်ရှိသည့်
ဖျော်ဖြေသူလေး၏သီဆိုစွမ်းရည်
ဂုဏ်သတင်းက အလွန်မွှေးလျက်ရှိသည်။
လူများစွာ လာရောက်နားဆင်ခံစားကြရသည့်
ကောင်လေး၏ တေးသီဆိုသံအပြင်
သူ၏ရုပ်ရည်ရူပကာကို မြင်ဖူးချင်လှသည့်
လူတွေကလည်း များပြားလှသည်။
တည်ကြည်ကာ ကျက်သရေရှိလှသည့်
ရုပ်ရည်အဆင်းမှာ ကြည့်ရ မြင်ရသူအပေါင်း
ရင်ဖိုလှိုက်မောကြရကာ ကောင်းသော
ဂုဏ်သတင်းဖြင့် ကျော်ကြားလျက်ရှိနေပေသည်။
လပြည့်ဝန်းကလေးဟူ၍ပင် ထိုဖျော်ဖြေသူလေးအား
တင်စားခေါ်ဝေါ်နေကြလေသည်။
ကောင်းသည့်ဘက်တွင် ဤကဲ့သို့
ဂုဏ်သတင်းမွှေးလျက်ရှိနေသည့်
တစ်ဖက်တွင်မူ ဤကောင်လေးအား
လိုချင်တပ်မက်၍ အသုံးတော်ခံချင်ကြသူတို့က
အသပြာငွေတို့မြောက်မြားစွာ ပုံ၍ပေးကာ
လာရောက်ဝယ်ယူကြသူများစွာ ရှိလာနေသည်မို့
လရောင်စံအိမ် ဆောင်ကြာမြိုင်တွင် နဂိုကထက်ပိုကာ
လူအများမှာ ရုတ်ရုတ်သဲသဲဖြစ်ကာနေလေ၏။
"ဆောနူက ဘာကြောင့်
ဒီနေ့ထပ်ပြီးဖျော်ဖြေဦးမတဲ့လဲ။
ရှေ့တစ်ရက်အကြာက ဖျော်ဖြေပွဲဟာ
ပြီးတာဖြင့်မှ မကြာသေးဘဲ။"
"ဂျိုဆွန်း အိမ်ရှေ့စံက
ဒီနေ့ထပ်ပြီး လာရောက်မယ်လို့ သတင်း..."
အစောင့်မှာ သူကြားသည့်သတင်းကို
သခင်ဟီဆွန်းထံ တင်ပြနေစဉ်မှာပင်
သခင်၏ အကြည့်တစ်ချက်ကြောင့်
ပြောနေသည့်စကားလုံးများမှာ
ပျောက်ရှရလေသည်။
YOU ARE READING
Forbidden Melodies
Fan-Fiction"အကျွန်ုပ်၏ လည်ချောင်းသွေးခမ်းသည်အထိ သီဆိုမည့် ဂီတသီချင်းတစ်ပုဒ်အား အရှင့်သား ရွှေနားတော် လာဆင်လှည့်ပါဦး" ဂီတလုလင်လေး၏ဖြစ်အင်ကို လူအများက သနားဂရုဏာသက်စွာဖြင့် ငေးကာကြည့်နေကြသည်။ အရှင့်သား၏ နန်းတက်ပွဲမင်္ဂလာနေ့ရက်မြတ်မှာမှ ဤကဲ့သို့ ကွက်မျက်မှုဟူသည် မ...
